geotimes.com.ge

სოსო ჭუმბურიძე - პოლიტიკოსებს იმდენი წვლილი არ მიუძღვით საქართველოს დაქცევაში, რამდენიც ჟურნალისტებს! როგორი გაშმაგებით ცდილობენ ქვეყნის არევას

სოსო ჭუმბურიძის პოსტი:

მოდით, პირდაპირ ვთქვათ:

ალბათ, პოლიტიკოსებს იმდენი წვლილი არ მიუძღვით საქართველოს დაქცევაში, რამდენიც ჟურნალისტებს!

სიკვდილია ჩემთვის ამის თქმა და აღიარება, მაგრამ ასეა.

***

დღესაც ვხედავთ, როგორი გაშმაგებით ცდილობენ ქვეყნის არევას, ვითომცდა, დემოკრატიისა და სიტყვის თავისუფლების სახელით.

და ვინ არიან ესენი - დემოკრატიისათვის მებრძოლნი?!

***

#1.

ინგა გრიგოლია?!

რატომ ღმერთი არ გაიცინებს?!

წუხელ რამდენჯერმე იკითხა: „იქნება თეა წულუკიანი ყველას მინისტრი?"

საუბედუროდ, სტუდიაში არავინ იჯდა ისეთი, კითხვას რომ შეუბრუნებდა: „თქვენ ხართ ყველას ჟურნალისტი?!"

არადა, წულუკიანს, პოლიტიკური თანამდებობობის პირს, მმართველი პარტიის პოლიტსაბჭოს წევრს, ისე არ მოეთხოვება „ყველას მინისტრობა", როგორც გრიგოლიას (და ნებისმიერ ჟურნალისტს) - „ყველას ჟურნალისტობა!"

განა არ იცის, რამდენი ლანძღავს და რამდენს საერთოდ ჟურნალისტად არც მიაჩნია?!

ეს რომ იცის, ამის გამო, კიდევ უფრო მეტადაა გაავებული.

#2.

გიორგი თარგამაძე.

მას შემდეგ, რაც რეზო ამაშუკელმა „ჰალსტუხიანი ხვლიკი" უწოდა, ჰალსტუხს აღარ იკეთებს.

იმავე პოეტმა უწოდა მის არხს „ღალატის ფორმულა", მე კი მის გადაცემას - „მედროვეობა".

ეს მართლაც ღალატისა და მედროვეობის ფორმულა, ვინც სააკაშვილის ხელისუფლებამ პირდაპირ ეთერში დაარბია, დღეს ურცხვად აცხადებს, ასეთი მძიმე პერიოდი ქართულ მედიას არასოდეს ჰქონიაო(?!).

რატომ ღმერთი არ გაიცინებს?“

***

#3.

დიანა ტრაპაიძე.

ეს ის დიანაა, თამაზ ჭილაძესთან ინტერვიუზე მისულმა, ოთარ ჭილაძეს რომ ჰკითხა, - თქვენც წერთო?! და დღეს როგორ ცდილობს, დემოკრატიისათვის გაშმაგებულ ბრძოლაში", გრიგოლიასაც კი გადაასწროს?!

რატომ ღმერთი არ გაიცინებს?!

#4.

ნოდარ მელაძე.

გრიგოლიას ყვირილი (ბევრი ტატყანს რომ უწოდებს) დღეს ისეთ ანაქრონიზმად არ აღიქმება, როგორც მელაძის მანერა, რომელიც ქართული კინოს ყველაზე ყალბ და პათეტიკურ პერიოდს მოგვაგონებს: „ნუ დავით, ნუ გამახსენებ ლამისყანას"...

მის ფეიკებზე აღარას ვიტყვი. რაც მთავარია, დღეს, თურმე, „დემოკრატიისათვის იბრძვის" მელაძე - სააკაშვილის დროინდელი ტელევიზიის ერთ - ერთი ყველაზე ოდიოზური სახე?!

რატომ ღმერთი არ გაიცინებს?!

***

უმბერტო ეკოს რომანში ერთი პერსონაჟი მეორეს ეკითხება, თუ იცი, იესო რატომ არასოდეს იცინოდაო?

პასუხი ასეთია: ამაზე საუკუნეებია, კაცობრიობა თავს იმტვრევს და ვერ აუხსნიაო. და ჩვენ გვინდა, რომ იესომ ამათ უღირსობაზე გაიცინოს?!

არ გაიცინებს!

***

და კიდევ უფრო მთავარი:

დღეს საქართველოში აღვირახსნილი მედიის დიქტატურაა.

ღირსეული ჟურნალისტები კი ჩრდილში არიან - უმუშევარნი, დაჩაგრულნი, დაბეჩავებულნი...

ეს - იმ დროს, როცა ბუკა პეტრიაშვილიც კი ჟურნალისტობს.

და ვიდრე ასეა, საქართველოს სიმშვიდე არ უწერია...

P.S.