![](http://geotimes.com.ge/uploads_script/news/p30zlx531jbo0wb.png)
"მგონი ქართველმა მოსამართლეებმა და პოლიტიკოსებმა საკუთარ თავზე ძალიან ზედმეტი აიღეს და შეიძლება ეს მათთვის ისე დამთავრდეს, რომ ცხოვრებაში აშშ-ში არ მოუწიოთ ჩასვლა"- ასე გამოეხმაურა "ჯორჯიან თაიმსთან" საუბარში პარტია "გირჩის" წევრი, იაგო ხვიჩია მოსამართლე ლაშა ჩხიკვაძის განცხადებას, სადაც ის ევროპარლამენტარს სასამართლოზე ზეწოლის მცდელობაში ადანაშაულებს.
როგორც ხვიჩია აცხადებს, დასავლელ და ამერიკელ პარტნიორებთან ბრძოლაში ახლა უკვე სასამართლოც ჩაერთო, რაც მის რეპუტაციას კიდევ უფრო მეტად დააზიანებს.
"ხელისუფლების დავალების შესასრულებლად ასეთი თავდადება მოსამართლეს განსაკუთრებით არ შეეფერება. აქ ახალი არაფერია, მაგრამ ამერიკელებთან და სხვა დიპლომატებთან ბრძოლაში აყოლა სასამართლოს ისედაც განადგურებულ რეპუტაციას უფრო მეტად გაანადგურებს.
ამერიკელების გასაკრიტიკებლად "ოცნებიდან" წასული სამი დეპუტატის შემდეგ, არ გამოვრიცხავ, რომ შეიძლება მოსამართლეს დამოუკიდებლად მოუნდა ამ ყველაფერში აყოლა, რათა აჩვენოს, რომ თვითონ არის სასამართლოში გადაწყვეტილების მიმღები. ანდაც, იგივე ხდება სასამართლოში, რაც პარლამენტში. როგორც ჩანს, ეს არის ერთიანი სიმფონიური ორკესტრი, რომელიც შესაძლოა, საბოლოო ჯამში მიზნად ისახავს დასავლეთის თუ აშშ-ის პარტნიორების დისკრედიტაციას. ანდა, სავარაუდოდ, ეს სჭირდებათ, რომ პროდასავლურად განწყობილ ხალხზე მოახდინონ ზეგავლენა,"- აცხადებს ხვიჩია.
მოსამართლის განცხადების იმ ნაწილს, სადაც ნათქვამია, რომ გვარამიას საქმის განაჩენით აშშ-ის ელჩი დაინტერესდება, ხვიჩია აფასებს და აცხადებს, რომ მსგავსი საუბრები ამ მოსამართლის კარიერულ წინსვლას ხელს შეუშლის.
"ასეთი სიტყვები არ იკარგება და საბოლოო ჯამში, ამ ადამიანის პროფესიულ კარიერას და ამერიკაში მოგზაურობას ხელს შეუშლის, როცა ამის დრო მოვა"- აცხადებს იაგო ხვიჩია.
ცნობისთვის, ნიკა გვარამიას საქმის მოსამართლე ლაშა ჩხიკვაძე განცხადებას ავრცელებს, სადაც სადაც ის ევროპარლამენტარს სასამართლოზე ზეწოლის მცდელობაში ადანაშაულებს. მოსამართლის განცხადებით, ევროპარლამენტარი მაიკლ გალერი პირდაპირ ზეწოლას ახდენს სასამართლოზე და მიუთითებს სააპელაციო სასამართლოს, რა სახის განაცენი გამოიტანოს.
გარდა ამისა, როგორც განცხადებაშია აღნიშნული, ნიკა გვარამიას საქმეზე განაჩენის გამოცხადების შემდეგ შეხვედრა ჰქონდა აშშ-ის საელჩოს წარმომადგენელთან, რომელმაც უთხრა, რომ ელჩს აინტერესებდა, რატომ მიიღო გამამტყუნებელი განაჩენი და გამოიყენა სასჯელად თავისუფლების აღკვეთა. როგორც მოსამართლე აცხადებს, მას აშშ-ს საელჩოს თანამშრომელმა ისიც უთხრა, რომ აშშ-ში გასამგზავრებელ მოსამართლეთა სიიდან ამოიღეს.
მსგავსი სიახლეები
![](http://geotimes.com.ge/uploads_script/news/xwmsv7862byjet7.jpg)
![](http://geotimes.com.ge/uploads_script/news/i7bn1l1q17qmn3b.jpg)
![](http://geotimes.com.ge/uploads_script/news/1bcinz45w44j0fe.jpg)
![](http://geotimes.com.ge/uploads_script/news/rg0d1ij6c7nkt7l.jpg)
![](http://geotimes.com.ge/uploads_script/news/1mr26rlxmh9yf8d.jpg)
![](http://geotimes.com.ge/uploads_script/news/5psnp2vhgb5ktiu.jpg)
![](http://geotimes.com.ge/uploads_script/news/9oydrfx3aox2yxc.jpg)
![](http://geotimes.com.ge/uploads_script/news/2x9nvgv766m1vgi.jpg)
![](http://geotimes.com.ge/uploads_script/news/mgv0lfen37td5k9.jpg)
![](http://geotimes.com.ge/uploads_script/news/12yz2jnksadfb1z.jpg)
![](http://geotimes.com.ge/uploads_script/news/3v9raqr808c0ivr.jpg)
![](http://geotimes.com.ge/uploads_script/news/eq6upd5rq2s17c0.png)
![](http://geotimes.com.ge/uploads_script/news/jvz7x9edyf3fmfd.jpg)
![](http://geotimes.com.ge/uploads_script/news/mohqlapkivvhpf5.jpg)
![](http://geotimes.com.ge/uploads_script/news/pv3pp7kq1jxum9s.jpg)
![](http://geotimes.com.ge/uploads_script/news/ijxgto2s9942g2s.jpg)
![](http://geotimes.com.ge/uploads_script/news/abybspff7948k4d.jpg)
![](http://geotimes.com.ge/uploads_script/news/99laofab6p015l3.jpg)
![](http://geotimes.com.ge/uploads_script/news/2tp6xc9688idpzx.jpg)
![](http://geotimes.com.ge/uploads_script/news/ud0tc0vjm4x6eze.png)