გერმანიის კანცლერის ოლაფ შოლცის განცხადებით, უკრაინაში ომის დასრულებაზე პასუხისმგებლობა რუსეთის პრეზიდენტ ვლადიმერ პუტინს ეკისრება.

„ჩემი აზრით, აუცილებელია, პუტინმა გააცნობიეროს, რომ ის წარმატებას ვერ მიაღწევს თავისი შეჭრით და იმპერიალისტური აგრესიით. მან ჯარები უნდა გაიყვანოს, ეს არის მოლაპარაკების საფუძველი“, - აცხადებს შოლცი. 

კანცლერის თქმით, რუსეთ-უკრაინის ომი ჩიხში შევიდა, რაც უზარმაზარ ზიანს აყენებს უკრაინას. 

„უკრაინელების გარეშე გადაწყვეტილებები არ იქნება”, - თქვა შოლცმა და აღნიშნა, რომ პუტინმა აშკარად არასწორად შეაფასა უკრაინის სიძლიერე, ისევე როგორც უკრაინის ყველა მეგობრის ერთიანობა.

„ძალიან რთულია ვიმსჯელოთ რა მოხდება შემდეგ უკრაინაში, მაგრამ არის რაღაც აბსოლუტურად ნათელი: ჩვენ გავაგრძელებთ უკრაინის მხარდაჭერას ფინანსური, ჰუმანიტარული დახმარებით და ასევე იარაღით“, - დასძინა ოლაფ შოლცმა.