„გილაურმა თუ პარტია შექმნა, ის უფრო ენმ-სთვის ხმების წამრთმევი იქნება, მითუმეტეს ამ პარტიის დღევანდელი, ჩემი აზრით, საზოგადოებისათვის ძალიან არასერიოზული ლიდერის პირობებში“- ასე  ეხმაურება სოციალურ ქსელში პოლიტიკის ანალიტიკოსი  ირაკლიმელაშვილი  პარტია „კანონი და სამართლის“ ხელმძღვანელის, თაკო ჩარკვიანის იმ განცხადებას, სადაც ჩარკვიანი აღნიშნავს, რომ ივანიშვილის დავალებით, ნიკა გილაური ქმნის პარტიას, რომელშიც ნიკა მელია და ხატია დეკანოიძეც გაერთიანდებიან.

„შთაბეჭდილება მრჩება, რომ ახლანდელი "ენმ"-ის ორბიტაზე მოტრიალე პოლიტიკოსები პრევენციულად დაიწყებენ ყველა შესაძლო ახალი პოლიტიკური ძალის დისკრედიტაციას მათი ბიძინა ივანიშვილის პროექტად გამოცხადებით. იგივეს იზამს "ოცნება" და ეცდება ყველა ასეთი პროექტი  ნაც.მოსგან მართულად წარმოაჩინოს.  მიზანი ნათელია, არა ნაც-ქოცური პარტიის შესაძლო გაჩენა (დღეს ძალიან ჰიპოთეტური ვარიანტია, მაგრამ მაინც) სასიკვდილო საფრთხეს შეიცავს როგორც მმართველი, ისე მთავარი ოპოზიციური და მის ორბიტაზე მოტრიალე პარტიებისთვის. ამას საზოგადოებრივი აზრის ყველა გამოკითხვა ადასტურებს. (65% - ი ზოგი გამოკითხვით კი ამაზე მეტია ასეთი პოლტიკური ძალის პოტენციური ამომრჩეველი) ამიტომ ძალიან ეშინიათ და ამ საქმეში ენმ და ოცნების პროპაგანდისტები ერთად იქნებიან.

P. S .  გილაურმა თუ პარტია შექმნა, ის უფრო ენმ-სთვის ხმების წამრთმევი იქნება, მითუმეტეს ამ პარტიის დღევანდელი, ჩემი აზრით, საზოგადოებისათვის ძალიან არასერიოზული ლიდერის პირობებში“- წერს სოციალურ ქსელში ირაკლი მელაშვილი