"სასწაული ცხოვრების გზა განვლო , სიკვდილიც ბურუსით მოცული ერგო"- წერს სოციალურ ქსელში მედიაჰოლდინგ "ჯორჯიან თაიმსის" დამფუძნებელი, მალხაზ გულაშვილი.

" 31 მარტი, საქართველოს პირველი პრეზიდენტის, ზვიად გამსახურდიას დაბადების დღეა. დიდი ქართველი , სახელოვანი და საამაყო მამის, დიდი მწერლის შვილი, უდიდესი მოაზროვნე ფილოსოფოსი და მწერალი, მისი "საქართველოს სულიერი მისია", "ვეფხისტყაოსნის სახის მეტყველება" და სხვა დიდი ნაშრომები არის უდიდესი ქართული სულიერებისა და სიბრძნის , ერის საუნჯე , ზვიადი როგორც ეროვნული მოძრაობის ლიდერი , ერის განმანთავისუფლებელი, პირველი ღირსეული პრეზიდენტი , რომელიც შეეწირა საქართველოს.

სასწაული ცხოვრების გზა განვლო , სიკვდილიც ბურუსით მოცული ერგო, ხოლო მისი საქართველოში ჩამოსვენება , რომელიც ცოტნე გამსახურდიამ ითავა, ხომ სულ მთლად სასწაული იყო.

სრულიად საქართველომ მუხლი მოუდრიკა მწუხარე სახის რაინდს, რომლის ცხოვრებაც და მოღვაწეობაც საქართველოს შეეწირა.

ღმერთმა ნათელში დაამკვიდროს ტანჯული ზვიადის სული , მწამს ის, იქ იმ ქვეყნიდანაც ლოცულობს და შეეწევა საქართველოს .

გილოცავ ზვიად დაბადების დღეს! ეს ის დღეა, როდესაც ზვიადმა სრულიად საქართველოში გასაოცარი რეფერენდუმი ჩაატარა,  რითაც ხაზი გაუსვა იმას,  რომ აფხაზებიც და ოსებიც ერთიანად მხარს უჭერდნენ დამოუკიდებლობას და საქართველოს ტერიტორიულ მთლიანობას"-  წერს სოციალურ ქსელში მალხაზ გულაშვილი