"ადამიანებს, რომლებიც „მოლოტოვის კოქტეილებს“ ესვრიან პოლიციელებს, არ შეიძლება, გმირი შევარქვათ"- მიხეილ სარჯველაძე

ადამიანებს, რომლებიც „მოლოტოვის კოქტეილებს“ ესვრიან პოლიციელებს, არ  შეიძლება, გმირი შევარქვათ, გარდა იმისა, რომ სამართლებრივად არასწორი მიდგომაა, ამორალურობაც არის, – ამის შესახებ საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ 7-9 მარტის აქციასთან დაკავშირებით დაკავებული ლაზარე გრიგორიადისის შესახებ განაცხადა.

 

სარჯველაძის თქმით, ამ საკითხს ბევრი წახნაგი აქვს და აუცილებელია, ყველაფერს სწორი შეფასება მიეცეს, რისთვისაც არსებობს სამართლებრივი პროცედურები.

 

„ძალიან საყურადღებოა, რომ საქართველოში აქციებს საკმაოდ დატვირთული ისტორია აქვს. განსაკუთრებით, 80 წლების ბოლოდან მოყოლებული, ქართულ საზოგადოებას არასდროს მიუმართავს ისეთი ხერხებისთვის, როგორიც გამოყენებული იყო ამ დღეებში. სიმართლე გითხრათ, ასეთი არაბუნებრივი ქცევა ბევრი კითხვის დამბადებელი შეიძლება, იყოს. ასეთ ფონზე შეიძლება, გარკვეული ვარაუდები ჩამოგვიყალიბდეს, ხომ არ იყო ეს მართული ოპოზიციის იმ ნაწილის მხრიდან, რომელსაც მუდამჟამ ძალადობრივი ინსტრუმენტებით და ძალადობრივი მეთოდებით უნდა, მიაღწიოს საწადელს, რათა ხელისუფლება ხელში აიღოს, ხვდებიან, რომ არაძალადობრივი გზით ეს შეუძლებელია.

 

ფაქტია, იქ ადამიანებმა სრულიად არაბუნებრივი ნაბიჯები გადაგეს და ზოგიერთ შემთხვევაში იქ აშკარად გამოჩნდა, რომ ზოგიერთი ოპოზიციონერი ლიდერი, სამწუხაროდ, მაქსიმალურად აქეზებდა ასეთ ნაბიჯებს. ასევე, ვიხილეთ ადამიანები, რომლებიც ე.წ. მოლოტოვის კოქტეილებს ისროდნენ. როდესაც ამასთან დაკავშირებით პირველად გაჩნდა კითხვები, პირველი ვერსია, რაც ოპოზიციამ განავითარა, ის იყო, რომ აბრალებდნენ ხელისუფლებას, ესენი სუს-სგან მართული ადამიანები იყვნენო. შემდეგ გამოჩნდა, გაირკვა, ვინც იყო და ახლა სთავაზობენ საზოგადოებას სრულიად სხვა ინტერპრეტაციას და ამბობენ, რომ სინამდვილეში ეს ადამიანი გმირი არისო. როგორც არ უნდა ეცადონ ახლა ამ ადამიანის წარმოჩენას, როგორც გმირისას, არ შეიძლება, უბრალოდ, სიტყვა „გმირი“ ასეთი ფალსიფიკაციისთვის გავიმეტოთ, რომ ასეთ ადამიანებს, რომლებიც „მოლოტოვის კოქტეილებს“ ესვრიან პოლიციელებს, იმას შევარქვათ იგივე სახელი, რაც, მაგალითად, ჟიული შარტავას აქვს. არ შეიძლება, უბრალოდ, ასეთი რამ. ეს, მათ შორის, არის ამორალურობაც, გარდა იმისა, რომ სამართლებრივად აბსოლუტურად არასწორი მიდგომაა“, – განაცხადა სარჯველაძემ.

 

თბილისში, რუსთაველის გამზირზე 7, 8, 9 მარტს გამართულ საპროტესტო აქციაზე პოლიციელზე თავდასხმისა და ნივთის დაზიანების ფაქტებზე შსს-მ ლაზარე გრიგორიადისი 29 მარტს დააკავა. ლაზარე გრიგორიადისს აღკვეთის ღონისძიებად პატიმრობა 31 მარტს შეეფარდა.

 

გამოძიების ინფორმაციით, 21 წლის ლაზარე გრიგორიადისმა საპროტესტო აქციაზე პოლიციის თანამშრომლებს ქვები და ე.წ. მოლოტოვის კოქტეილები ესროლა, რის შედეგად დაზიანება მიიღეს სამართალდამცველებმა. გამოძიების ცნობითვე, ბრალდებულმა ცეცხლი წაუკიდა შინაგან საქმეთა სამინისტროს კუთვნილ ავტომობილს.





მსგავსი სიახლეები
თბილისში კანდიდატად დააყენეს "ლელოს" თანამშრომელი, რომელსაც ხაზარაძე ყოველ თვე აგზავნიდა "ტვ პირველში" პარკით ხელში და მიჰქონდა 200 ათასი ლარი ტელევიზიაში -ირაკლი კობახიძე
გახარია უტიფარი მატყუარაა, მონაწილეობს რუსულ სპეცოპერაციაში, რათა რამენაირად პოლიტიკურად დაეხმაროს და ლეგიტიმაცია მისცეს ამ მოღალატეთა, კრიმინალთა რუსულ ბანდას -გია ბარამიძე
არ მიკვირს რომ ის გაექცა ჯერ თავის თანაგუნდელებს, შემდეგ კი თავის ამომრჩეველს - ეს არის პასუხისმგებლობისგან გაქცეული ადამიანის ერთგვარი ქმედება - გიორგი სოსიაშვილი გახარიაზე
ქვეყანაში საქართველოს სამი მილიონ 657 ათასი მოქალაქე ცხოვრობს -საქსტატი
გულწრფელად ვუსურვებ მამუკა მდინარაძე წარმატებას ამ საპასუხისმგებლო თანამდებობაზე -კახა კალაძე
,,რუსეთის თავდაცვის სამინისტროს შენობაში ხანძარი გაჩნდ''- ტასი
,,იბადება შეკითხვა, რომელ წყაროებზე დაყრდნობით, ნაცკონგლომერატის?''- გია აბაშიძე აშშ-ს საელჩოს განცხადებაზე
რის კლანი, რა კლანი... არავითარი კორუფცია - სანქცირებული მოსამართლე
"ველით ივანიშვილის დასანქცირებასაც" - ბერძენიშვილი მოსამართლეებზე
,,რუსეთი გააგრძელებს აფხაზეთის კომპლექსური სოციალურ-ეკონომიკური განვითარების ვალდებულებების შესრულებას''- პუტინი
უკრაინაში კიდევ ორი ქართველი მებრძოლი დაიღუპა
"როგორ წარმოგიდგენიათ, სახელმწიფომ პატიმარი იმის გამო გაუშვას, რომ არ იკვებება, სხვა პატიმრებს რა ვუთხრათ? "-კახა კალაძე
"გასარკვევია და გამოძიებამ უნდა დაადგინოს სინამდვილეში ვინ იყვნენ ამ ძალადობების წამხალისებლები"- არჩილ თალაკვაძე
"მელია რაღაცაზე გაბრაზდა და გამოაცხადა, რომ ჩემთან აღარ უნდა ურთიერთობა"- დავით კეზერაშვილი
საქართველოს პრეზიდენტმა ლიეტუვაში ოფიციალური ვიზიტი დაიწყო
მმართველი გუნდის მხრიდან ბრალდებებს შეჩვეული ვარ - ვიოლა ფონ კრამონი „ქართულ ოცნებაზე“
,,ფონ კრამონი საქართველოს წინააღმდეგ შეთქმულებაში იღებს მონაწილეობას''- გიორგი ვოლსკი
,,აქ იმისთვის ვარ, რომ სოლიდარობა გამოვიჩინო იმ ადამიანის მიმართ, რომელიც დააკავეს'' - ვიოლა ფონ კრამონი ლაზარე გრიგორიადისის საქმეზე
მთავრობის ადმინისტრაციასთან ლაზარე გრიგორიადისის მხარდასაჭერად აქცია მიმდინარეობს
"ადამიანებს, რომლებიც „მოლოტოვის კოქტეილებს“ ესვრიან პოლიციელებს, არ შეიძლება, გმირი შევარქვათ"- მიხეილ სარჯველაძე