რუსული ანალიტიკური გამოცემა „აქცენტები“ (Акценты) თავის ვებ-გვერდზე აქვეყნებს სტატიას სათაურით: "რატომ მიიწვია ჩინეთმა შერჩევით სამხედრო აღლუმზე დამსწრე ქვეყნები // აზერბაიჯანისა და სომხეთის პრემიერები ჩინეთში არიან, საქართველოს ლიდერი კი - არა" (ავტორი - პოლინა იზმაილოვა). პუბლიკაციაში გადმოცემულია სავარაუდო მიზეზი იმისა, თუ რატომ არ არის მიწვეული საქართველო ჩინეთში დაგეგმილ ღონისძიებებზე, აზერბაიჯანისა და სომხეთის ლიდერები კი იქ არიან.

გთავაზობთ სტატიას შემოკლებით:

ჩინეთი შერჩევითი მიდგომას მეორე მსოფლიო ომში იაპონელი ოკუპანტებზე გამარჯვების 80 წლისთავის აღსანიშავად მასშტაბური სამხედრო აღლუმის მომზადების პროცესში, გამოვლინდა ჩინეთის ხელისუფლების შერჩევითი მიდგომა პოსტსაბჭოთა ქვეყნების მიწვევასთან დაკავშირებით.

იმ დროს, როცა ყოფილი საბჭოთა რესპუბლიკების უმრავლესობამ მიიღო მიწვევა პეკინში დაგეგმილ საზეიმო ღონისძიებებზე, საქართველო, რომელთანაც ჩინეთმა ორიოდე წლის „სტრატეგიული პარტნიორობა დაამყარა, „ბორტსმიღმა აღმოჩნდა“.

აღლუმზე დაესწრებიან ცენტრალური აზიის 5 პოსტსაბჭოთა ქვეყნის და ირანის ლიდერები. ევროპული ქვეყნების ლიდერებიდან მიწვეულნი არიან ბელარუსის (პოსტსაბჭოთა რესპუბლიკის), სერბეთისა და სლოვაკეთის მეთაურები. სულ ღონისძიებას 26 სახელმწიფოს პრეზიდენტები და პრემიერ-მინისტრები დაესწრებიან.
სამხედრო აღლუმი, რომელიც 3 სექტემბერს არის დაგეგმილი პეკინის ტაიანამენის მოედანზე, მოწოდებულია აჩვენოს ჩინეთის სახალხო რესპუბლიკის ძლიერება სი ძინპინის მმართველობის დროს. აღლუმში მონაწილეობას მიიღებს 10 ათასზე მეტი სამხედრო მოსამსახურე, 100-ზე მეტი სამხედრო თვითმფრინავი და ასეულობით სამხედრო ტექნიკა. წარმოდგენილი იქნება მათი მხოლოდ ჩინური წარმოების ნიმუშები - უახლესი მოდიფიკაციის დრონები, რადიოელექტრონული ბრძოლის საშუალებები, ჰიპერბგერითი იარაღი, ჰაერსაწინააღმდეგო თავდაცვის ტექნოლოგიები.

სამხრეთ კავკასიაში ჩინეთს სტრატეგიული პარტნიორობა დამყარებული აქვს მხოლოდ ორ ქვეყანასთან - საქართველოსთან (2023 წელს) და აზერბაიჯანთან (2025 წელს). მაგრამ საინტერესოა, რომ აღლუმზე დასწრების მიწვევა მხოლოდ აზერბაიჯანის პრეზიდენტმა ილჰამ ალიევმა მიიღო (ალბათ, რეჯეფ ერდოღანის დახმარებით, რომელიც იმავე სამიტში „დიალოგის პარტნიორის“ სტატუსით მონაწილეობს). რაც შეეხება სომხეთის პრემიერ-მინისტრს, ნიკოლ ფაშინიანი მხოლოდ ტაინძინში მიმდინარე შანჰაის თანამშრომლობის ორგანიზაციის ქვეყნების სამიტშია მიწვეული და არა აღლუმის დამსწრედ.

ჩინეთი კავკასიას მნიშვნელოვან სატრანზიტო რეგიონად განიხილავს პროექტის „ერთი სარტყელი - ერთი გზის“ (ანუ ახალი აბრეშუმის გზის) ჩარჩოებში. პეკინის ისწრაფვის გააფართოვოს თავისი ეკონომიკური და პოლიტიკური გავლენა რეგიონში და ამ მიზნით სხვადასხვა ბერკეტს იყენებს, მათ შორის დიპლომატიურ ძალისხმევასაც.

საქართველოს იგნორირება აღლუმზე მიწვევის საკითხში შეიძლება იმის სიგნალი იყოს, რომ ჩინეთი მზად არ არის მხარი დაუჭიროს ისეთ ქვეყანას, რომელიც აშკარად არ იჩენს პროჩინურ პოზიციას.

მოამზადა სიმონ კილაძემ


წყარო: