ევროკავშირის წევრობა არ არის უსაფრთხოების გარანტია, ეს არის დამსახურებაზე დაფუძნებული პროცესი, – ამის შესახებ სოციალურ ქსელში უნგრეთის პრეზიდენტი ვიქტორ ორბანი ფინეთის პრეზიდენტის, ალექსანდრ სტუბის განცხადების საპასუხოდ წერს.

როგორც ვიქტორ ორბანი წერს, უკრაინის ევროკავშირში დაჩქარებული გაწევრიანება ჩვენს კავშირს არ გააძლიერებს, ეს ომის საფრთხეს შემოიტანს.

„ფინეთის პრეზიდენტმა, ალექსანდრ სტუბმა თქვა, რომ „უსაფრთხოების ყველაზე ძლიერი გარანტია უკრაინის ევროკავშირში გაწევრიანებაა“. ბატონო პრეზიდენტო, თავს უფლებას ვაძლევ, არ დავეთანხმო ამ მოსაზრებას. ევროკავშირის წევრობა არ არის უსაფრთხოების გარანტია. ეს არის დამსახურებაზე დაფუძნებული პროცესი. თუ ეს ნამდვილად უსაფრთხოების ყველაზე ძლიერი გარანტია იქნებოდა, მაშინ ფინეთს ნატო-ში გაწევრიანების არანაირი მიზეზი არ ექნებოდა. უკრაინის ევროკავშირში დაჩქარებული გაწევრიანება ჩვენს კავშირს არ გააძლიერებს, ეს ომის საფრთხეს შემოიტანს. ჩვენ ვთავაზობთ უფრო გონივრულ მიდგომას“, – წერს უნგრეთის პრემიერ-მინისტრი ვიქტორ ორბანი.