თბილისის საქალაქო სასამართლომ, უკანონო შემოსავლის ლეგალიზაციაში დახმარების ბრალდებით, გიორგი ბაჩიაშვილის მშობლებს, მარინა რამაზაშვილსა და ალექსანდრე ბაჩიაშვილს აღკვეთის ღონისძიების სახით დაუსწრებლად პატიმრობა შეუფარდა.

პროკურატურის ინფორმაციით ბაჩიაშვილის მშობლებმა საქართველო 2025 წლის 26 თებერვალს დატოვეს და ისინი ქვეყანაში არ იმყოფებიან.

დაცვის მხარე მათი აღკვეთის ღონისძიების გარეშე დატოვებას ითხოვს. მათივე განმარტებით, საქმეში ბაჩიაშვილის მშობლების ბრალეულიბა არ არსებობს და ისინი მინდინარე სისხლის სამართლის საქმეზე არც ერთხელ არ გამოკითხულან.

ცნობისთვის,  გიორგი ბაჩიაშვილის მშობლების, მარინა რამაზაშვილსა და ალექსანდრე ბაჩიაშვილს წინააღმდეგ პროკურატურამ სისხლისსამართლებრივი დევნა დაიწყო. ორივე პირის მიმართ გამოტანილი იქნა დადგენილება ბრალდების შესახებ, საქართველოს სისხლის სამართლის კოდექსის 25, 194-ე მუხლის მე-3 ნაწილის „გ“ ქვეპუნქტით გათვალისწინებული დანაშაულისათვის, რაც სასჯელის სახედ და ზომად 9-დან 12 წლამდე ვადით თავისუფლების აღკვეთას ითვალისწინებს.