GM PHARMA აგრძელებს პროფესიული განვითარების სტანდარტების ამაღლებას - კომპანიაში განახლებული ICH და EMA რეგულაციების ტრენინგები ჩატარდა

საერთაშორისო ფარმაცევტული კომპანია GM PHARMA - როგორც ინოვაციებისა და თანამედროვე ფარმაცევტული ტექნოლოგიების ლიდერი კომპანია რეგიონში, აქტიურად განაგრძობს კვლევა-განვითარების მიმართულებით ინვესტიციების განხორციელებას.

GM PHARMA ნერგავს თანამედროვე ტექნოლოგიებსა და წარმოების უახლეს მეთოდოლოგიებს, რაც კომპანიას საშუალებას აძლევს შექმნას და განავითაროს ის პროდუქტები, რომლებიც თანამედროვე მედიცინის მოთხოვნებს ყველაზე სრულად პასუხობს და აკმაყოფილებს.

კომპანიის კვლევა-განვითარების დეპარტამენტში (R&D) ამჟამად მიმდინარეობს მუშაობა 18 ახალ მედიკამენტზე, რაც სხვადასხვა თერაპიული მიმართულებით მკურნალობის ეფექტიანობისა და უსაფრთხოების გაუმჯობესებას ხელს შეუწყობს. ასევე იგეგმება 30-ზე მეტი ახალი პრეპარატის დამატება, რაც მნიშვნელოვნად გააფართოებს GM PHARMA-ს პორტფელსა და შესაძლებლობებს სამედიცინო გამოწვევების ეფექტური მართვისთვის.

ინოვაციური განვითარება GM PHARMA-ში მჭიდროდ უკავშირდება ცოდნის გაზიარებასა და საერთაშორისო გამოცდილების მიღებას, სწორედ ამიტომ, კომპანიის ფარგლებში უწყვეტ რეჟიმში მიმდინარეობს საერთაშორისო სწავლებებისა და ტრენინგების პროგრამები, რომლებიც უზრუნველყოფს მეცნიერებისა და პრაქტიკული გამოცდილების მუდმივ სინთეზს, რაც საბოლოოდ პაციენტების მკურნალობის უკეთესი შედეგის მიღწევას ემსახურება.

GM PHARMA-ს მორიგი ვიზიტით ეწვია გერმანელი ექპერტი ბატონი ჰელმუთ ვიგენშოუ (Dr. Helmut Vigenschow). 4-დღიანი ტრენინგი და პრაქტიკული სემინარები კვლევა-განვითარების (R&D), რეგისტრაციისა და ხარისხის განყოფილებებს ჩაუტარდათ. ტრენინგის მიზანი იყო გუნდის ცოდნის განახლება ახალი, საერთაშორისო გაიდლაინებისა და რეგულაციებში არსებული ცვლილებების მიმართულებით.

გერმანელ ექსპერტს ფარმაცევტულ ინდუსტრიაში 40 წელზე მეტი სამუშაო გამოცდილება გააჩნია. ის კომპანია ViPharmaService-ის დამფუძნებელი და უფროსი კონსულტანტია, ასევე ევროპის გენერიკული მედიკამენტების ასოციაციის (EGA), გერმანიის წამლის მწარმოებელთა ასოციაციის (BAH) და  სხვადასხვა კომიტეტის წევრია.

ტრენინგის - New ICH and EMA Gudelines - მთავარ თემას ფარმაცევტული პროდუქციისადმი ტექნიკური მოთხოვნების ჰარმონიზაციის საერთაშორისო საბჭოსა (ICH - International Council for Harmonisation) და ევროპის წამლის სააგენტოს (EMA - European Medicines Agency) თანამედროვე სახელმძღვანელოები წარმოადგენდა.   

ICH ადგენს საერთაშორისოდ შეთანხმებულ გაიდლაინებს, რაც ერთიან სტანდარტად გამოიყენება მედიკამენტების განვითარების, ხარისხის, უსაფრთხოებისა და ეფექტურობის შეფასებისთვის. აღნიშნული გაიდლაინების მიზანია მსოფლიოს წამყვან რეგიონებს (ევროპას, ამერიკას, იაპონიას და სხვა ქვეყნებს) შორის ფარმაცევტული რეგულაციების გაერთიანება და ჰარმონიზაცია.

ხოლო EMA არის ევროკავშირის მარეგულირებელი ორგანო, რომელიც პასუხს აგებს, როგორც მედიკამენტების მოწოდების, რეგისტრაციისა და ზედამხედველობის პროცესებზე ევროპაში, ასევე ახორციელებს ფარმაკოუსაფრთხოების მონიტორინგს და უზრუნველყოფს ბაზარზე არსებული წამლების უსაფრთხოებასა და ეფექტურობას.

როგორც დოქტორი ჰელმუტ ვიგენშოუ აღნიშნავს - „ევროკავშირის რეგულაციური გარემო ამჟამად განიცდის არსებით რეფორმებს, რაც ფარმაცევტული ინდუსტრიისთვის მნიშვნელოვან გამოწვევად იქცა. ბოლო 12 თვის განმავლობაში ICH და EMA მიერ მიღებული და გამოქვეყნებული გაიდლაინების რაოდენობა მნიშვნელოვნად გაიზარდა წინა წლებთან შედარებით. აღნიშნული დოკუმენტები პირდაპირი გავლენას ახდენენ GM PHARMA-ს სამეცნიერო-კვლევით, ხარისხის უზრუნველყოფისა და სარეგისტრაციო საქმიანობაზე. სწორედ ამ განახლებების საფუძველზე ჩატარებული ტრენინგი, კიდევ ერთხელ ადასტურებს GM PHARMA-ს ერთგულებას მუდმივი განვითარებისა და საერთაშორისო სტანდარტებთან შესაბამისობის მიმართ. კომპანიის მიზანია, ევროკავშირის ბაზარზე შესვლასთან ერთად, დაიცვას და განავითაროს მაღალი ხარისხის, უსაფრთხო და ეფექტური ფარმაცევტული პროდუქტების წარმოების კულტურა.“

აღნიშნული ტრენინგი გრძელვადიან ინვესტიციად ითვლება, რადგან ამცირებს მედიკამენტების რეგისტრაციებთან დაკავშირებულ რისკებს, ამაღლებს მეცნიერების ხარისხს და წარმოაჩენს კომპანიის პროფესიონალიზმს საერთაშორისო დონეზე - რაც წინ გადადგმული ნაბიჯია და ევროკავშირის ბაზრებზე შესვლის აუცილებელ წინაპირობას წარმოადგენს. ისიც უნდა აღინიშნოს, რომ კომპანიამ უკვე  შეიტანა განაცხადი ევროკავშირის EU GMP-ის მისაღებად.

GM PHARMA, ერთადერთი საერთაშორისო, მულტინაციონალური ფარმაცევტული კომპანია საქართველოდან, მიზნად ისახავს ბიზნესის გაფართოებას ევროკავშირის ბაზარზე. აქტიურად განაგრძობს ევროკავშირის კარგი საწარმოო პრაქტიკის (EU GMP) სერტიფიკაციისთვის მზადებას,   რაც მნიშნელოვანი ეტაპია არა მხოლოდ კომპანიის ზრდა-განვითარებისთვის, არამედ საქართველოს ფარმაცევტული ინდუსტრიის ევოლუციისთვის.