მდინარე იორდანეს დასავლეთ სანაპიროზე ჩასახლებულები პალესტინურ სოფლებს დაესხნენ თავს. თავდასხმის შედეგად დაშავდა 15 ადამიანი. ამის შესახებ „თაიმს ოფ ისრაელი“ წერს.

„თაიმს ოფ ისრაელის“ ცნობით, დაშავებულებს შორის არიან პალესტინელები, ისრაელელი და უცხოელი მოხალისეები, ისრაელის თავდაცვის ძალების რეზერვისტი, მედიკოსი და „როიტერის“ ფოტოგრაფი.

გავრცელებული ინფორმაციით, თავდასხმა პალესტინურ სოფლებში – ბურინსა და ბეითაში მოხდა. სოციალურ ქსელებში გავრცელებულ კადრებში ჩანს, როგორ უსწორდებიან ნიღბიანები პალესტინელებს ხელკეტებით და როგორც ესვრიან ქვებს ზეთისხილის ბაღში მყოფ მოხალისეებს.