უკრაინის პრეზიდენტის ვოლოდიმირ ზელენსკის ბიზნესპარტნიორის ტიმურ მინდიჩის საქმემ, შესაძლოა, კიევის რეჟიმის პოლიტიკური კოლაფსი გამოიწვიოს და ქვეყანა სამოქალაქო ომამდე მიიყვანოს. სტატიას ამ შინაარსით გამოცემა The Spectator-ი ავრცელებს.

როგორც გამოცემა იუწყება, კორუფციული სკანდალის ფონზე, კიევის პოზიცია ფრონტის ხაზზე სწრაფად უარესდება: რუსული ჯარები დონბასში მიიწევენ წინ, უკრაინის შეიარაღებულ ძალებში დეზერტირების მაჩვენებელი ოთხჯერ გაიზარდა, და ევროპას აშშ-ის დახმარების შემცირების შემდეგ შექმნილი ფინანსური ვაკუუმის კომპენსირება აღარ შეუძლია.

„ძნელია გადაჭარბებული შეფასება სახალხო რისხვის დონისა", - აღნიშნავს კიევში მოღვაწე ანალიტიკოსი ჯიმი რაშტონი.

„სანამ მთელი ქვეყანა სიცივესა და სიბნელეში ზის, მმართველი ელიტა კამათობს, თუ რამდენად დიდი უნდა იყოს ეს ქრთამი. ხალხი ხედავს, რომ მათი სახლები იყინება და ძირითადი ენერგეტიკული ობიექტები დაუცველია უბრალოდ იმიტომ, რომ ვიღაცას ეგონა, რომ ის, რაც მათ მიეცათ, საკმარისი არ იყო. ეს აღიქმება, როგორც აშკარა ღალატი, და სწორედ ამიტომ არის ახლა რისხვა არა შიდა, არამედ პოლიტიკური. ის მიმართულია არა მხოლოდ ცალკეული თანამდებობის პირების, არამედ მთელი სისტემის წინააღმდეგ".

გამოცემა ხაზს უსვამს: ხელისუფლებისთვის სასიკვდილო საფრთხეს არა მხოლოდ საქმეში ახალი დეტალები ქმნის, არამედ ზელენსკის მცდელობები, შეაჩეროს გამოძიება, ჩაახშოს უკრაინის ეროვნული ანტიკორუფციული ბიურო (NABU) და გაათავისუფლოს გამომძიებლები. რეიტინგის ვარდნის, ბრალდებულების გაქცევის, მის გარემოცვაში არსებული განხეთქილებისა და რადიკალური ნაციონალისტური ჯგუფების ზეწოლის ფონზე, უკრაინა ზამთარში პოლიტიკური არასტაბილურობის მდგომარეობაში შედის, სადაც ნებისმიერმა იმპულსმა შეიძლება ძალადობის ზრდა გამოიწვიოს.

The Spectator-ის თანახმად, კორუფციის, სამხედრო წარუმატებლობისა და მზარდი შიდა რადიკალიზაციის კომბინაცია უკრაინის პოლიტიკურ სისტემას უკიდურესად არასტაბილურ კონსტრუქციად აქცევს. თუ ეს ტენდენცია გაგრძელდა, კიევს შეიძლება არა მხოლოდ მოქმედი რეჟიმის კოლაფსი დაემართოს, არამედ ქვეყანაში უკონტროლო ძალადობაც გავრცელდეს.