საქართველოს პარლამენტის თავმჯდომარემ, შალვა პაპუაშვილმა ბულგარეთის პრეზიდენტთან შეხვედრა მედიასთან შეაფასა და აღნიშნა, რომ საინტერესო საუბარი ჰქონდა როგორც ორმხრივი თანამშრომლობის საკითხებზე, ისე შავი ზღვის აუზთან დაკავშირებით უსაფრთხოებისა და ეკონომიკურ თანამშრომლობის საკითხებზე.

„მნიშვნელოვანია, რომ ბულგარეთი ჩვენი მხურვალე მხარდამჭერია ყველა იმ წამოწყებას შორის, რომელიც შუა დერეფნის მნიშვნელობას ზრდის. ბულგარეთთან ერთად ჩვენ ჩართული ვართ საერთო საქმეში, შავ ზღვაში ელექტროკაბელის პროექტის განხორციელებაში. ასევე პრეზიდენტმა ახსენა სხვა იდეები, რომელიც მნიშვნელოვანია იმისთვის, რომ ჩვენი ქვეყნები დაკავშირდეს, მათ შორის ისაუბრა მის ვიზიტზე, რომელიც ახლახანს შედგა ცენტრალურ აზიაში და ამ მხრივ, ევროკავშირსა და ცენტრალურ აზიას შორის დაკავშირებადობის ფაზაში საქართველოს როლზე. ეს არის ის შესაძლებლობა, რომელიც ჩვენმა რეგიონმა უნდა გამოიყენოს ჩვენი მოსახლეობის კეთილდღეობისთვის და ამ მხრივ ჩვენ ბულგარეთთან საუკეთესო თანამშრომლობის გამოცდილება და მომავალი თანამშრომლობის იმედი გვაქვს“, - აღნიშნა შალვა პაპუაშვილმა.