უკრაინა ბევრად უფრო კორუფციული ქვეყანაა, ვიდრე რუსეთი, უზარმაზარი პრობლემაა წლების განმავლობაში არსებული კორუფცია და ძარცვა. მსოფლიოში ყველამ იცის, რა ხდება, - ამის შესახებ აშშ-ის პრეზიდენტის, დონალდ ტრამპის შვილმა, დონალდ ტრამპ უმცროსმა დოჰას ფორუმზე განაცხადა.

აშშ-ის პრეზიდენტის შვილის თქმით, უკრაინის ლიდერები საზღვარგარეთიდან შესულ ფულს იპარავდნენ და არ სურდათ ომის შეჩერება.

აშშ-ის პრეზიდენტის ვაჟმა განაცხადა, რომ ამერიკელი საზოგადოება უკრაინას აღარ მიიჩნევს მთავარ ეროვნულ საკითხად და აშშ არ უნდა მოიქცეს, როგორც ჩეკების გამომწერი სულელი უკრაინისთვის.

„უკრაინიდან მდიდრები გაიქცნენ, ვისაც ისინი გლეხების კლასად მიიჩნევდნენ, საბრძოლველად დატოვეს და ვერ ხედავდნენ იმის მიზეზს, თუ რატომ უნდა შეჩერებულიყო ეს ომი, რადგან ვიდრე ეს ფული შედიოდა, ისინი იპარავდნენ და არავინ ამოწმებდა რამეს. ლიდერების, გადაწყვეტილების მიმღებებისთვის არ არსებობდა მიზეზი, რომ როდესმე მშვიდობამდე მისულიყვნენ. არ არის განსხვავება პუტინისგან. ომებში ოლიგარქების შვილები არ გაუგზავნიათ, ციმბირიდან გზავნიან ხალხს. პუტინმა გამოიყენა ეს ომი, რომ აღედგინა სამხედრო წარმოება. ცხადია, რომ ჩვენ მიერ დაწესებული სანქციები არაფერში დაგვეხმარა. მან ნავთობის ფასი მაღალ ნიშნულზე შეინარჩუნა და ამით ომი დააფინანსა. არავის სურდა მოლაპარაკების მაგიდასთან მისვლა. ზელენსკიმ იცოდა, რომ ვეღარ მოიგებდა შემდეგ არჩევნებს და აგრძელებდნენ მოპარვას. პუტინმა ააშენა წარმოება. რასაც ჩვენ ვხედავთ, მილიონობით ახალგაზრდა იღუპება არაფრისთვის. უკრაინა ბევრად უფრო კორუფციული ქვეყანაა, ვიდრე რუსეთი. უზარმაზარი პრობლემაა წლების განმავლობაში არსებული კორუფცია და ძარცვა. მსოფლიოში ყველამ იცის, რა ხდება", - განაცხადა დონალდ ტრამპ უმცროსმა.