ოფიციალური ვიზიტის ფარგლებში, საქართველოს პირველ ლედის, თამარ ბაგრატიონს სერბეთის რესპუბლიკის პირველმა ლედიმ, თამარა ვუჩიჩმა „მეცნიერების სასახლეში" უმასპინძლა.

ინფორმაციას ამის შესახებ პრეზიდენტის ადმინისტრაცია ავრცელებს.

მათივე ცნობით, თამარ ბაგრატიონს სერბეთის რესპუბლიკის პირველმა ლედიმ და „მეცნიერების სასახლის" გენერალურმა დირექტორმა, ნემანია ჯორჯევიჩმა სასახლეში მიმდინარე სამეცნიერო აქტივობების შესახებ მიაწოდეს ინფორმაცია.

„მეცნიერების სასახლე" სერბეთში მეცნიერების კვლევისა და პოპულარიზაციის პირველი და რეგიონში უდიდესი ცენტრია. სამეცნიერო აქტივობების სპექტრი აქ 5,500 კვ მეტრზე მეტ ფართობს მოიცავს. სასახლის მისია ცოდნის განვითარებისა და გაცვლის ხელშეწყობაა", - ნათქვამია პრეზიდენტის ადმინისტრაციის გავრცელებულ ინფორმაციაში.