Wall Street Journal-ის ცნობით, აშშ-მა ალექსანდრ ლუკაშენკოს პოლიტპატიმრების გამოშვების სანაცვლოდ სანქციების მოხსნა და წონის დასაკლები წამლები შესთავაზა.

სტატიის მიხედვით, ბელარუსში აშშ-ის წარმომადგენელ ჯონ კოულთან საუბრისას ლუკაშენკომ განაცხადა, რომ სურდა, ვაშინგტონს შეემსუბუქებინა სანქციების მთელი რიგი მისი ქვეყნის ყველაზე მომგებიანი კომპანიებისთვის და მისი საპრეზიდენტო თვითმფრინავი შეეკეთებინა.

„სანაცვლოდ, დიქტატორი მზად იყო, გაეცვალა ერთადერთი რესურსი, რაც მას უხვად ჰქონდა: პოლიტპატიმრები. თუ კოული წარმატებას მიაღწევდა, ეს შეიძლება, ყოფილიყო ტრამპის ადმინისტრაციის მთავარი პრიზის, პუტინისა და რუსეთის ორი ტრილიონი დოლარის ეკონომიკის იზოლაციიდან გამოყვანის, საცდელი გამოცდა. აშშ-ის ოფიციალურმა პირებმა იფიქრეს, რომ შეიძლება არსებობდეს გზა, რათა დახმარებოდნენ 71 წლის ჭარბწონიან სახელმწიფოს მეთაურს, რომელიც დაინტერესებული იყო კილოგრამების დაკლებით. მათ გადაწყვიტეს, ლუკაშენკოს პირადი მოხმარებისთვის Zepbound-ის მიწოდების ორგანიზება", - წერს გამოცემა.

ცნობისთვის, დეკემბრის დასაწყისში ლუკაშენკომ 123 პატიმარი გაათავისუფლა, მათ შორის ნობელის პრემიის ლაურეატი ალეს ბიალიაცკი და ოპოზიციონერი მარია კალესნიკავა.