დონალდ ტრამპის განცხადებით, აშშ-ის პრეზიდენტი თავად რომ არ ყოფილიყო, „ნატო აღარ იარსებებდა".

დონალდ ტრამპი მიიჩნევს, რომ მისი გავლენის შედეგად დათანხმდნენ ნატო-ს წევრი ქვეყნები თავდაცვის ხარჯების გაზრდას.

„მე ვარ ის, ვინც ნატო გადაარჩინა. მე ვარ ის, ვინც აიძულა მათ, გადაიხადონ მშპ-ის ხუთი პროცენტი. ორი პროცენტი იყო და არ იხდიდნენ. ახლა ისინი ხუთ პროცენტს იხდიან", - განაცხადა დონალდ ტრამპმა.

ამასთან, კითხვაზე, განიხილავს თუ არა აშშ-ის ჩრდილოატლანტიკური ალიანსიდან გასვლას, ტრამპმა აღნიშნა:

„ეს რომ გავაკეთო, შესაძლოა, ნატო განაწყენდეს. შესაძლოა, ნატო-ს დაეზოგა ბევრი თანხა, თუმცა მე მომწონს ნატო".

დონალდ ტრამპმა ასევე ისაუბრა, დაეხმარება თუ არა ნატო, თუ აშშ-ს საფრთხე დაემუქრება.

„ისინი მხარს დაგვიჭერენ? დარწმუნებული არ ვარ, რომ მხარს დაგვიჭერენ. იცით, ჩვენ ძალიან ბევრ ფულს ვხარჯავთ ნატო-ზე. დარწმუნებული არ ვარ, რომ ისინი მხარს დაუჭერენ აშშ-ს", - აღნიშნა დონალდ ტრამპმა.