გერმანიის ფედერალური სტატისტიკის სამსახურის მიერ გამოქვეყნებული ახალი ანგარიშის თანახმად, გერმანიაში 13.3 მილიონი ადამიანი სიღარიბის რისკის ქვეშაა, რაც მოსახლეობის 16.1 პროცენტს უტოლდება. 2024 წელს კი ეს მაჩვენებელი 15.5 პროცენტი იყო.

აღნიშნული მონაცემები აღებულია ევროკავშირის შემოსავლებისა და ცხოვრების პირობების სტატისტიკიდან. ევროკავშირი „სიღარიბის რისკის ქვეშ მყოფს" განსაზღვრავს, როგორც საშუალო ეკვივალენტური შემოსავლის 60 პროცენტზე ნაკლებით ცხოვრებას.

გერმანიაში მარტო მცხოვრები ადამიანებისთვის ზღვრული ყოველთვიური წმინდა შემოსავალი 1,446 ევრო იყო (1 710 აშშ დოლარი). ორი ზრდასრული და ორი 14 წლამდე ასაკის ბავშვიანი ოჯახისთვის ეს ღირებულება 3 036 ევროს შეადგენდა. გარკვეული ჯგუფები უფრო მეტად არიან მიდრეკილნი სიღარიბის რისკის ქვეშ ცხოვრებისკენ: მარტო მცხოვრები ადამიანები - 30.9 პროცენტი, მარტოხელა მშობლების ოჯახებში მცხოვრები ადამიანები - 28.7 პროცენტი, უმუშევარი ადამიანები - 64.9 პროცენტი, პენსიონერები -19.1 პროცენტი.

2025 წელს გერმანიაში 17.6 მილიონი ადამიანი იმყოფებოდა სიღარიბისა და სოციალური გარიყულობის საფრთხის ქვეშ, რაც მოსახლეობის 21.2 პროცენტს შეადგენს, თუმცა ეს მაჩვენებელი წინა წელთან შედარებით თითქმის უცვლელი დარჩა.