ჩვენ ერთადერთი რაც შეგვიძლია, ეს კარგად უნდა გაიგოს მთელმა ერმა და მთელმა ქვეყანამ - მომავალი პატრიარქისთვის ვილოცოთ, ღმერთმა სწორი არჩევანი გააკეთებინოს ჩვენს ეპისკოპოსებს, - განუცხადა „იმედის კვირას" მამა შალვა კეკელიამ.

მისივე თქმით, ეს ძალიან მნიშვნელოვანია იმიტომ, რომ პატრიარქს აირჩევენ მხოლოდ ეპისკოპოსები.

„ვერავინ ჩაერევა, ვინაიდან თითოეული მათგანი უკვე ასაკშია, მათ თავიანთი ცხოვრებისეული გამოცდილება აქვთ და ისინი ყველანი ძალიან ღირსეული ადამიანები არიან.

ვიცით, რომ 28-ში დაინიშნა სინოდის სხდომა. 28-ში უკვე გამოარჩევენ სამ კანდიდატს, იმ დღესვე ალბათ გაფართოებული კრების თარიღს იტყვიან და გაფართოებული კრების შემდეგ დაინიშნება სინოდი, სადაც უკვე აირჩევენ პატრიარქს", - აღნიშნა მამა შალვა კეკელიამ.