„რადიო თავისუფლების" პროექტმა „ეხო კავკაზამ" მუშაობა შეწყვიტა, - ინფორმაციას „რადიო თავისუფალი ევროპა/რადიო თავისუფლება" .

„რადიო თავისუფალი ევროპა/რადიო თავისუფლების" განცხადებით, ორგანიზაციამ „მომავალ გამოწვევებთან გამკლავების მიზნით რეფორმების განხორციელება დაიწყო".

განცხადებაში აღნიშნულია, რომ „ეხო კავკაზამ", რომელიც „რადიო თავისუფლების" ქართული სამსახურის რუსულენოვან განყოფილებას წარმოადგენდა და ოკუპირებულ აფხაზეთსა და სამხრეთ ოსეთში აუდიტორიას ემსახურებოდა, მუშაობა გუშინ, 1-ელ მაისს დაასრულა.

„ქართული სამსახური პროგრამის გავრცელებას ქართულ ენაზე გააგრძელებს. ახალი რუსულენოვანი პროგრამების განყოფილება ოკუპირებულ რეგიონებში მნიშვნელოვან მოვლენებს რუსულენოვანი აუდიტორიისთვის გააშუქებს", - ნათქვამია განცხადებაში.

 31 მარტს „რადიო თავისუფალი ევროპა/რადიო თავისუფლებამ" ბულგარეთში, რუმინეთსა და ჩრდილოეთ მაკედონიაში მომუშავე სამსახურები დახურა.