ფაშიზმზე გამარჯვების 81-ე წლისთავთან დაკავშირებით, ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე და შპს "ლუკოილ -ჯორჯიას" წარმომადგენლები, მეორე მსოფლიო ომის ვეტერანს, მცხეთის მუნიციპალიტეტის სოფელ მისაქციელის მკვიდრს, ეთერ ბრაჭულს ოჯახში ესტუმრნენ, გამარჯვების დღე პირადად მიულოცეს, ფაშიზმის დამარცხებაში გაწეული ღვაწლისთვის მის მიმართ მადლიერება და პატივისცემა კიდევ ერთხელ გამოხატეს და საჩუქრები გადასცეს.

ვეტერან ქალბატონს გადაეცა, როგორც ვეტერანების საქმეთა სახელმწიფო სამსახურის სიმბოლური საჩუქრები, ასევე, შპს "ლუკოილ- ჯორჯიას" მიერ წელს, უკვე მეორედ, მეორე მსოფლიო ომის ვეტერანებისთვის მომზადებული სასაჩუქრე კალათები.

აღსანიშნავია, რომ შპს ''ლუკოილ-ჯორჯიას'' მიერ მომზადებული სასაჩუქრე კალათები, ვეტერანების საქმეთა სახელმწიფო სამსახურის რეგიონული მართვის დეპარტამენტის წარმომადგენლებმა, ბენეფიციარებს, პირადად გადასცეს.
ვეტერანების საქმეთა სახელმწიფო სამსახურის უახლესი მონაცემებით, დღეს, საქართველოში მეორე მსოფლიო ომის 46 მონაწილეა დარჩენილი, რომელთა უმრავლესობის ასაკიც, საუკუნეზე მეტია. მათგან უხუცესი კი თბილისის მკვიდრი, 1922 წელს დაბადებული მარიამ ბეჟაშვილია.

ვეტერანების საქმეთა სახელმწიფო სამსახური, კიდევ ერთხელ, უხდის მადლობა შპს "ლუკოილ- ჯორჯიას" მეორე მსოფლიო ომის მონაწილეთა დაფასებისა და ამ ღირსეული ადამიანების მიმართ კიდევ ერთხელ გამოხატული თანადგომისთვის.