საერთაშორისო ურთიერთობები დიდი ქარიშხლის დასაწყისს განიცდის, - ამის შესახებ პოლონეთის საგარეო საქმეთა მინისტრმა, რადოსლავ სიკორსკიმ შჩეცინში, საერთაშორისო საზღვაო კონგრესში მონაწილეობისას განაცხადა.

მიმდინარე გეოპოლიტიკურ ვითარებაზე საუბრისას მან აღნიშნა, რომ თებერვლის ბოლოდან ისინი შეშფოთებით აკვირდებიან ახლო აღმოსავლეთში არსებულ სიტუაციას.

„მანძილს დიდი მნიშვნელობა არ აქვს. გასაკვირი არ არის, რომ მსოფლიოს ყურადღება ჰორმუზის სრუტეზეა მიპყრობილი. თუმცა მხოლოდ ეს წყლები არ ხდება მზარდი კონკურენციის მსხვერპლი, იგივე ხდება წითელ და შავ ზღვებში. ეს კონკურენცია და ეს საფრთხეები ბალტიისპირეთშიც არსებობს", - აღნიშნა სიკორსკიმ.

მინისტრმა ხაზგასმით აღნიშნა, რომ რუსები საფრთხეს უქმნიან წყალქვეშა ინფრასტრუქტურას და ხელს უშლიან GPS-ს.

მისი თქმით, ბალტიის ზღვის ნატო-ს შიდა წყლის ობიექტად მოხსენება, მიუხედავად იმისა, რომ მიმზიდველია, ზედმეტად ოპტიმისტურია. მისი აზრით, ეს ნატო-ს წინაშე არსებული საფრთხის დაკნინებას გამოიწვევს.

„ჩვენ პოლიტიკური კრიზისის დროში ვცხოვრობთ. შავი ღრუბლები ერთდროულად რამდენიმე მხრიდან გროვდება. შემთხვევები, რომლებიც ცოტა ხნის წინ შეუძლებლად ან უკიდურესად, ნაკლებ სავარაუდოდ ითვლებოდა, რეალობის ნაწილი ხდება: შეიარაღებული კონფლიქტები, საზღვაო ბლოკადა, სავაჭრო ომები", - განაცხადა სიკორსკიმ.