დიდი ბრიტანეთის პრემიერ-მინისტრმა კირ სტარმერმა ჯონ ჰილის ქვეყნის თავდაცვის მინისტრის პოსტიდან გადადგომის შემდეგ შეიარაღებული ძალებისთვის დამატებითი დაფინანსების მოპოვება ვერ შეძლო. ინფორმაციას POLITICO ავრცელებს.

საფრანგეთში მიმდინარე „დიდი შვიდეულის" სამიტის ფარგლებში ჟურნალისტების მიერ დასმული კითხვის საპასუხოდ სტარმერმა განაცხადა, რომ ჯარის გასაძლიერებლად რიგი მკაცრი ზომები მიიღო: გასულ წელს უცხო ქვეყნების დახმარება შეამცირა, ხოლო უკანასკნელ კვირებში სამთავრობო უწყებების დაფინანსების შემცირებას ცდილობს, რათა თავდაცვაში ინვესტიციების გეგმაზე მუშაობა დაასრულოს.

სტარმერმა აგრეთვე დასძინა, რომ თავდაცვის ახალი მინისტრი დენ ჯარვისი გეგმაში გარკვევას ახლა იწყებს და უნდა გადაწყვიტოს, რაზე დახარჯოს გამოთავისუფლებული სახსრები.

აღნიშნული გარემოება, როგორც POLITICO წერს, მიუთითებს იმაზე, რომ პროცესი დასრულებული არ არის და უკვე გამოყოფილი 13,5 მილიარდი გირვანქა სტერლინგის გარდა ბრიტანეთის პრემიერმა ახალი სახსრების მოძიება ვერ მოახერხა.

გამოცემა აგრეთვე აღნიშნავს, რომ სტარმერი „დიდი შვიდეულის" სამიტის ფარგლებში ორჯერ შეხვდა აშშ-ის პრეზიდენტს დონალდ ტრამპს, თუმცა ორმხრივი შეხვედრის გამართვაზე მას უარი უთხრეს. ბრიტანეთის პრემიერი აგრეთვე არ იმყოფებოდა ტრამპის, ემანუელ მაკრონისა და ვოლოდიმირ ზელენსკის შეხვედრაზე, რომელიც ცალკე გაიმართა.