პატიმარ ელენე (რუბლოვნა) ხოშტარიაზე ხელოვნური აჟიოტაჟი, რომ თითქოს მას ციხეში კლავენ არასათანადო სამედიცინო მომსახურებით, მორიგი ფარსია; შლეგ სააკაშვილზე უკვე გვინახავს ეს "პოლიტვოდევილი", - წერს ანალიტიკოსი, გია აბაშიძე სოციალურ ქსელში.

აბაშიძის თქმით, ხოშტარიას არაკეთილსინდისიერმა ადვოკატმა გაავრცელა განცხადება, რასაც აყვნენ „ნაციონალური მოძრაობის" წარმომადგენლები და შემდგომ უკვე ევრობიუროკრატებიც.

ანალიტიკოსი ასევე ავრცელებს სპეციალური პენიტენციური სამსახურის მიერ გამოქვეყნებულ განცხადებას ელენე ხოშტარიას ჯანმრთელობის მდგომარეობის შესახებ, სადაც საუბარია იმაზე, რომ ხოშტარია უზრუნველყოფილია ყველა შესაბამისი პირობით და ასევე შეუფერხებლად სარგებლობს სამედიცინო სერვისებითაც.

„პატიმარ ელენე (რუბლოვნა) ხოშტარიაზე ხელოვნური აჟიოტაჟი, რომ თითქოს მას ციხეში კლავენ არასათანადო სამედიცინო მომსახურებით, მორიგი ფარსია; შლეგ სააკაშვილზე უკვე გვინახავს ეს "პოლიტვოდევილი".
იწყება არაკეთილსინდისიერი ადვოკატის განცხადებით, ტრაგიკომიკურად აგრძელებს "ნაცბაბლი", "ბექ-ვოკალშია" ევროკრატიის მომსახურე პერსონალი და ა.შ. სპეციალური პენიტენციური სამსახური ეხმაურება ელენე ხოშტარიას ინტერესების დამცველი ადვოკატის შოთა თუთბერიძის მიერ გავრცელებულ დეზინფორმაციას მსჯავრდებულის ჯანმრთელობის მდგომარეობის დამძიმებასთან დაკავშირებით და აღნიშნავს:

(მოკლედ) "ელენე ხოშტარია N5 ქალთა პენიტენციურ დაწესებულებაში უზრუნველყოფილია ყველა შესაბამისი პირობით და შეუფერხებლად სარგებლობს ყველა, მათ შორის სამედიცინო სერვისით;

ელენე ხოშტარიას დიაგნოზის აბსოლუტური უმეტესობა დადგენილი ჰქონდა დაწესებულებაში შემოსახლებამდე და ისინი წარმოადგენს ქრონიკულ დაავადებებს, რომელთათვისაც დამახასიათებელია პერიოდული გამწვავება. სამედიცინო პერსონალთან ჩივილებს და უკმაყოფილებას არ აფიქსირებს. უზრუნველყოფილია ყველა საჭირო სამედიცინო მომსახურებით. ჯანმრთელობის მდგომარეობის რაიმე სახით ან ფორმით გაუარესება არ მომხდარა;

ელენე ხოშტარიას დაწესებულებაში შემოსახლების დღიდან მსჯავრდებულის ან მისი ინტერესების დამცველი ადვოკატის მხრიდან არ ყოფილა რაიმე სახის მოთხოვნა სამედიცინო მომსახურებასთან, ან დამატებით გამოკვლევებთან დაკავშირებით.

პენიტენციური სამსახური მკაცრად მოუწოდებს ნებისმიერ პოლიტიკურად დაინტერესებულ პირს, თავი შეიკავონ მსგავსი ცრუ და გადაუმოწმებელი ინფორმაციის გავრცელებისგან.""- წერს აბაშიძე.