ორივე მხარე გრძელვადიანი კონფლიქტისთვის ემზადება - ზაალ კასრელიშვილი

ორივე მხარე გრძელვადიანი კონფლიქტისთვის ემზადება“, – ასე აფასებს “კავკასიელ ხალხთა კონფედერაციის” თავმჯდომარე, ანალიტიკოსი ზაალ კასრელიშვილი აღმოსავლეთ უკრაინაში ვითარების დაძაბვას. უკრაინაში მიმდინარე პროცესებისა და რეგიონში ფართომასშტაბიანი ომის საფრთხის შესახებ კასრელიშვილმა მედიაჰოლდინგ „კვირას“ პრესკლუბში სტუმრობისას ისაუბრა.

 

 

„ვითარება საკმაოდ დაძაბულია, თამამად შეიძლება, ითქვას, რომ საბრძოლო მოქმედებები დაწყებულია. უკვე მსხვერპლიც არის. ჩვენ არ ველოდებით, რომ რუსეთსა და უკრაინას შორის ფრონტალური ომი იქნება. ნურავის ექნება იმედი, რომ ეს ომი ბლიცკრიგით ან ერთი ან მეორე მხარის სასარგებლოდ დამთავრდება. ეს არის გრძლევადიანი კონფლიქტი. ორივე მხარე გრძელვადიანი კონფლიქტისთვის ემზადება. საომარი მოქმედებები იქნება. პერიოდულად დაზავდებიან, მოლაპარაკების რეჟიმზე გადავლენ, მაგრამ საომარი მოქმედებები შემდეგ ისევ განახლდება ხოლმე. ეს რამდენ წელს გაგრძელდება, არავინ იცის. მაგრამ, თუ ლოგიკურად ვიმსჯელებთ, რუსეთის პოლიტიკური ხელმძღვანელობა ეცდება, რამენაირად, 4 წელს მაინც გაჭიმოს კონფლიქტი იმ მარტივი მიზეზის გამო, რომ იმედი აქვს, შემდეგ ბაიდენი აღარ იქნება და ამერიკის ახალმოსულ პრეზიდენტთან ივაჭრებენ. დღეს ლაპარაკია დონბასზე, შემდეგ ლაპარაკი იქნება ლუგანსკზე. ამასობაში დრო გავა. იმედი აქვთ, რომ მსოფლიოსა და აშშ-ში პოლიტიკური ვითარება შეიცვლება. მას შემდეგ, რაც რუსეთის პოლიტიკურმა ხელმძღვანლობამ რუსეთ-უკრაიანის საზღვართან ე.წ. სამხედრო სწავლებები დაიწყო, ნატო-ს ქვედანაყოფები ოდესის პორტში შავი ზღვის აუზიდან შევიდა. შევიდნენ ასევე ლვოვში, კიევში. სრული საბრძოლო მზადყოფნაა. ამას კიდევ დაემატება ძალები. რას მოიტანს ეს გრძელვადიანი კონფლიქტი: ნატო-ს გავლენა ევროპასა და აღმოსავლური პარტნიორობის ქვეყნებში ერთი ათად გაიზრდება. ნატო-ს გავლენა გაიზრდება არა მარტო უსაფრთხოების თვალსაზრისით, არმედ – ეკონომიკურადაც“, – განაცხადა კასრელიშვილმა.

 

ანალიტიკოსმა კონფლიქტის ისტორიული რაკურსის შესახებაც ისაუბრა.

„მოგეხსენებათ, ეს კონფლიქტი მას შემდეგ დაიწყო, რაც რუსეთის პოლიტიკურმა ხელმძღვანელობამ ყირიმი რატომღაც თავის ტერიტორიად გამოაცხადა. პრორუსული ორიენტაციის ქართველები და რუსული პროპაგანდისტული მანქანა პოსტსაბჭოურ სივრცეში ავრცელებს ინფორმაციას, რომ ყირიმი რუსეთის იყო და ის უკრაინას ნიკიტა ხრუშჩოვმა გადასცა. ეს მართალი არაა. როგორც ყოველთვის, რუსული მედიასივრცე იტყუება. საქმე ის გახლავთ, რომ ლენინმა ახალადშექმნილი საბჭოთა კავშირისთვის როტშილდის ბანკიდან რუსეთში ორთქლმავლების, ელმავლებისა და ტრაქტორების შემოსატანად 50 მილიონი დოლარის კრედიტი აიღო. ცნობისათვის, მაშინდელი 50 მილიონი დოლარი დღეს დაახლოებით 500 მილიარდი დოლარია, თუ მეტი არა. რა რაოდენობის ტრაქტორი და ორთქმავალი შეიძინა ლენინმა საბჭოთა კავშირისთვის, ეს რუსმა ისტორიკოსებმა გაარკვიონ. ჩვენ ფაქტის კონსტანტაციას მოვახდენთ. ვალი აიღეს რუსეთის ფერდერაციის სახელით. რუსეთმა ეს ვალი არ გადაიხადა. აშშ-ის ხელმძვანელობა საბჭოთა კავშირის წინააღმდეგ ამ კოზირს არ იყენებდა და როტშილდებს საბჭოთა კავშირის წინააღმდეგ სამართლებრივი დავა არ დააწყებინა. ეს ის პერიოდია, როდესაც ევროპაში „ნაციონალ-სოციალისტები“, ჰიტლერის პარტია აღზევდა. შემდეგ მეორე მსოფლიო ომი იყო. მეორე მსოფლიო ომის დროს იალტა ანგლოამერიკელებმა შემთხვევით არ აარჩიეს. იალტაში რუზველტთან ერთად აშშ-ის დელეგაციაში როტშილდი და მისი მეუღლე იმყოფებოდნენ, ასევე, რამდენიმე მილიარდერი, რომლებმაც შემდეგ ყირიმის ნახევარკუნძულის აქციები შეიძინეს. მეორე მსოფლიო ომის დასრულების შემდეგ, სტალინსაც არ დაუწყეს სამართლებრივი დავა. სტალინის გარდაცვალების შემდეგ, იმის შიშით, რომ რუსეთის ფედერაციას სამართლებრივი დავა არ წაეგო, ხრუშჩოვმა პრობლემა მოიშორა და უკარიანას გადასცა. ეს მოკლე ისტორიული ექსკურსი იმისათვის გავაკეთე, რომ წარმოდგენა გქონდეთ, როგორ უყურებს ყირიმის პრობლემას ცივილიზებული სამყარო და რუსეთი, მისი აგენტურა“, – განაცხადა კასრელიშვილმა.

 

ცნობისთვის, უკრაინა ომის ზღვარზეა. ვითარება დაძაბულია უკრაინის აღმოსავლეთით, სადაც საზღვართან რუსეთი სამხედრო წარმომადგენლობას ზრდის და მძიმე ტექნიკის მობილიზებას ახდენს. აშშ-ის პრეზიენტმა, ჯო ბაიდენმა და უკრაინის პრეზიდენტმა, ვოლოდიმირ ზელენსკიმ სატელეფონო საუბარი გამართეს, რომელიც უკრაინის საზღვრებთან რუსული სამხედრო ძალის ზრდის შესახებ ინფორმაციის ფონზე შედგა. ინფორმაციას თეთრი სახლის პრესსამსახურმა გაავრცელა. აღინიშნა, რომ ბაიდენმა საუბარში დაადასტურა ვაშინგტონის “ურყევი მხარდაჭერა უკრაინის სუვერენიტეტისა და ტერიტორიული მთლიანობის მიმართ, დონბასსა და ყირიმში რუსეთის აგრესიის ფონზე”. შეერთებული შტატები რუსეთს მოუწოდებს, პატივი სცეს უკრაინის ტერიტორიულ მთლიანობას და არ გამოიწვიოს ან გააძლიეროს დაძაბულობა”, – ამის შესახებ აშშ-ის თავდაცვის სამინისტროს პრესსპიკერმა, ჯონ კირბიმ პრესკონფერენციაზე განაცხადა. მისი თქმით, რუსეთის ჯარი მობილიზებულია ყირიმსა და ორი ქვეყნის საზღვრის სამხრეთ – აღმოსავლეთ ნაწილის სხვა ადგილებში. პენტაგონის პრესსპიკერმა ასევე აღნიშნა, რომ აშშ იქ არსებული სიტუაციის მონიტორინგს განაგრძობს. “რუსეთის განზრახვის შესახებ საუბარი რთულია. ვაგრძელებთ ცეცხლის შეწყვეტისკენ მოწოდებას და ასევე მოწოდებას ტემპერატურის დაწევისა და დეესკალაციისკენ”, – აღნიშნა კირბიმ.





მსგავსი სიახლეები
რამზან კადიროვი ალექსეი ნავალნისთვის ყურანის გადაცემის წინააღმდეგია
ბრიტანეთი ავღანეთიდან სამხედრო კონტიგენტს გამოიყვანს
დახურულ თურქეთს რომელი ქვეყნები ჩაანაცვლებენ რუსი ტურისტებისთვის?
ბაიდენმა პუტინს უახლოეს თვეებში მესამე ქვეყანაში შეხვედრა შესთავაზა
უკრაინა რუსეთის შემოჭრისთვის მზადაა - ვლადიმერ ზელენსკი
პანდემია - გამოცდა, რომელიც ვერ ჩავაბარეთ - ანტონიო გუტიერეში
დიდ ბრიტანეთში „კოვიდ-19“-ის 3 568 ახალი შემთხვევა გამოვლინდა
ალექსეი ნავალნიმ დაპატიმრების შემდეგ, 15 კილოგრამი დაიკლო
რუსეთი თურქეთთან ფრენებს დროებით აჩერებს
რუსეთმა, რეჯეფ ერდოღანის მიერ უკრაინის მხარდაჭერის გამო, თურქეთზე "შური იძია": შეწყვიტა ყველანაირი რეგულარული ავიარეისები - სიმონ კილაძე
ეს ევროპა რავა სულ დიდ გაუგებრობაშია, განცხადებას განცხადებაზე აკეთებენ, თუ რუსეთი უკრაინას რამეს უზამსო, თითქოს რაც უქნა, საკმარისი არ იყო - ირაკლი მელაშვილი
როდის შეიძლება აღდგეს ავიამიმოსვლა რუსეთსა და საქართველოს შორის
გრიგორი კარასინი - საქართველოსთან საჰაერო მიმოსვლის აღდგენაზე საუბარი ნაადრევია
ქვეყნები, სადაც ვაქცინაცია ყველაზე სწრაფი ტემპით მიმდინარეობს
დუბაიში აქლემის კუჭში პოლიეთილენის 2 ათასამდე პარკი იპოვეს
იოსებ იმედაშვილის წერილი სტალინთან, ვაჟკაცური წერილია - ლევან თაქთაქიშვილი
ევროპარლამენტი კრემლისთვის მკაცრი სანქციების დაწესებას ითხოვს
ჩვენი მიზანია, შავი ზღვა იყოს მშვიდობისა და თანამშრომლობის ზღვა - რეჯეფ თაიფ ერდოღანი
პრინც ფილიპის უკანასკნელი სურვილი ცნობილია
ჯანმო განსხვავებული ვაქცინების კომბინირებულად გამოყენების რეკომენდაციას არ გასცემს