ხარისხიანი და მიუკერძოებელი ჟურნალისტიკა არის „ვაქცინა" დეზინფორმაციის წინააღმდეგ - ჰარცელი

პრესის თავისუფლების მსოფლიო დღის აღსანიშნავად, ჟურნალისტიკაში ევროკავშირის 2021 წლის პრიზის მოსაპოვებლად ევროკავშირი კონკურსს აცხადებს, - ამის შესახებ ნათქვამია ევროკავსირის წარმომადგენლობის მიერ გავრცელებულ ინფორმაციაში.



მათივე ინფორმაციით, 3 მაისთან, პრესის თავისუფლების მსოფლიო დღესთან დაკავშირებით, რომლის წლევანდელი თემაა „ინფორმაცია საზოგადოებრივი სიკეთეა,“ საქართველოში ევროკავშირის ელჩმა, კარლ ჰარცელმა, განცხადება გაავრცელა.

 

„დღევანდელ ციფრულ ეპოქაში ჩვენ ვიძირებით ინფორმაციის ნაკადში, ეს განსაკუთრებით COVID-19-თან დაკავშირებულ „ინფოდემიას“ ეხება. ამ კონტექსტში, ხარისხიანი და მიუკერძოებელი ჟურნალისტიკა არის „ვაქცინა“ დეზინფორმაციის წინააღმდეგ; ჟურნალისტები ჩვენი მთავარი მოკავშირეები არიან, რომლებიც დემოკრატიების ფუნქციონირებას უწყობენ ხელს. მადლობა მინდა გადაგიხადოთ თქვენი ამ მნიშვნელოვანი წვლილისთვის. ევროკავშირი თქვენ გვერდით დგას და იცავს თქვენს თავისუფლებას, რომელიც ამ მნიშვნელოვანი სამუშაოს შესრულებისთვისაა აუცილებელი“, - აცხადებს კარლ ჰარცელი.

 

ტრადიციისამებრ, კარლ ჰარცელმა ისარგებლა ამ შესაძლებლობით და გამოაცხადა კონკურსი ჟურნალისტიკაში ევროკავშირის 2021 წლის პრიზის მოსაპოვებლად.

 

„დღეს ჩვენ უკვე მეცხრედ ვაცხადებთ კონკურსს ჟურნალისტიკაში ევროკავშირის პრიზის მოსაპოვებლად. პრიზის მიზანია ჟურნალისტური ეთიკის, პროფესიონალიზმისა და ხარისხის უმაღლესი სტანდარტების მქონე ჟურნალისტების მხარდაჭერა და მათი დაჯილდოება. ერთი თვის წინ მე დავაჯილდოვე ჟურნალისტიკაში ევროკავშირის 2020 წლის პრიზის გამარჯვებულები იმ შესანიშნავი ნამუშევრებისათვის, რომლებშიც კარგად ჩანდა ქართული საზოგადოებისათვის აქტუალური და კომპლექსური თემებისა და გამოწვევების ღრმა ცოდნა“, - განაცხადა კარლ ჰარცელმა.

 

ასევე, საქართველოში ევროკავშირის სადამკვირვებლო მისიის ხელმძღვანელმა მარეკ შჩიგელმა სამშვიდობო ჟურნალისტიკაში ევროკავშირის სადამკვირვებლო მისიის (EUMM) სპეციალური პრიზის დაწესებასთან დაკავშირებით განაცხადა.

 

„პრესის თავისუფლების მსოფლიო დღეს ხაზი მინდა გავუსვა თავისუფალი, დამოუკიდებელი და პროფესიონალური ჟურნალისტიკის მნიშვნელობას ნდობის აღდგენაში, მშვიდობის შენარჩუნებასა და დემოკრატიული საზოგადოებების მშენებლობაში. კონფლიქტურ და პოსტ-კონფლიქტურ ვითარებებში ეს არის ფაქტების გონივრული, მიუკერძოებელი, ეთიკური და ზუსტი გაშუქება, რომელსაც „მშვიდობის ჟურნალისტიკასაც“ უწოდებენ. ასეთი ჟურნალისტიკის წასახალისებლად და ყოველწლიურად საუკეთესო ნამუშევრების დასაჯილდოებლად, საქართველოში ევროკავშირის სადამკვირვებლო მისია, ჟურნალისტიკაში ევროკავშირის პრიზის ფარგლებში, აწესებს სპეციალურ პრიზს მშვიდობის ჟურნალისტიკასა და კონფლიქტების მიმართ სენსიტიური საუკეთესო ნაშრომისათვის", - აღნიშნა მარეკ შჩიგელმა.

 

ევროკავშირის პრიზი ჟურნალისტიკაში, რომელიც საქართველოში ევროკავშირის წარმომადგენლობამ 2012 წელს დააარსა, ხელს უწყობს ქართულ მედიაში პროფესიონალიზმისა და ჟურნალისტური ეთიკის კოდექსის ნორმების გაღრმავებას. ნდობისა და მშვიდობის აღდგენაში გაწეული წვლილისთვის ევროკავშირის სადამკვირვებლო მისია გასცემს კონფლიქტების მიმართ სენსიტიური ჟურნალისტური ნაშრომისთვის დაწესებულ სპეციალურ პრიზს.



„კონკურსის წესები ეყრდნობა საქართველოს ჟურნალისტური ეთიკის ქარტიის პრინციპებს და ემსახურება პროფესიონალიზმისა და ეთიკის ნორმების დამკვიდრების ხელშეწყობას ქართულ ჟურნალისტიკაში.



ევროკავშირის პრიზი ჟურნალისტიკაში წელს 7 კატეგორიაში გაიცემა:

 

საუკეთესო სტატია ბეჭდურ ან ელექტრონულ მედიაში;
საუკეთესო სიუჟეტი სამაუწყებლო ან ელექტრონულ მედიაში;
საუკეთესო საგამოძიებო სტატია ან სიუჟეტი ბეჭდურ, ელექტრონულ ან სამაუწყებლო მედიაში;
საუკეთესო ბლოგი/საავტორო სტატია/სვეტი ბეჭდურ, ელექტრონულ ან სამაუწყებლო მედიაში;
ყველაზე ორიგინალური და ინოვაციური ნაშრომი ბეჭდურ, ელექტრონულ ან სამაუწყებლო მედიაში;
ევროკავშირის ფასეულობების ამსახველი საუკეთესო დოკუმენტური ფოტო;
კონფლიქტების მიმართ სენსიტიური საუკეთესო ჟურნალისტური ნაშრომი, რომელიც ხელს უწყობს საქართველოში მომხდარი შეიარაღებული კონფლიქტების კონტექსტში ნდობისა და მშვიდობის აღდგენას (ევროკავშირის სადამკვირვებლო მისიის სპეციალური პრიზი სამშვიდობო ჟურნალისტიკაში).
ინფორმაცია საკონკურსო ნამუშევრების წარდგენის წესების შესახებ იხილეთ: https://eu4georgia.ge/ka/euprizeforjournalism/.

პირველ ექვს კატეგორიაში თითოეული გამარჯვებული მიიღებს ფულად ჯილდოს.

სამშვიდობო ჟურნალისტიკაში ევროკავშირის სადამკვირვებლო მისიის სპეციალური პრიზის მფლობელი გაივლის 30-დღიან სტაჟირებას „ომისა და მშვიდობის გაშუქების ინსტიტუტის“ ლონდონის ოფისში.

საკონკურსო ნამუშევრების წარდგენის ბოლო ვადაა 2021 წლის 30 ნოემბერი.

განაცხადის ფორმა, ნამუშევრების წარდგენის წესები და ბოლო ვადები იხ.: https://eu4georgia.ge/ka/euprizeforjournalism/.

მედიის თავისუფლების მსოფლიო დღე დაწესდა 1993 წელს გაეროს გენერალურ ასამბლეაზე, გაეროს განათლების, მეცნიერებისა და კულტურის საკითხთა ორგანიზაციის (UNESCO) 1991 წლის გენერალური კონფერენციის ოცდამეექვსე სესიაზე მიღებული რეკომენდაციის საფუძველზე. ეს იყო პასუხი აფრიკელი ჟურნალისტების მოწოდებაზე, რომლებმაც 1991 წელს მედია პლურალიზმისა და დამოუკიდებლობის შესახებ უმნიშვნელოვანესი „ვინდჰუკის დეკლარაცია“ მიიღეს. მედიის თავისუფლების მსოფლიო დღე არის საზოგადოებისათვის პრესის თავისუფლების უზრუნველყოფის ვალდებულებების შესრულების გახსენებისა და ჟურნალისტებისათვის პრესის თავისუფლებასა და პროფესიულ ეთიკაზე დაფიქრების დღე; ეს არის იმ მედიის მხარდაჭერის დღე, რომელსაც თავისუფლების შეზღუდვა ან მოსპობა ემუქრება; ეს არის იმ ჟურნალისტების ხსოვნის დღე, რომლებიც უტყუარი და მნიშვნელოვანი ამბების გაშუქების დროს დაიღუპნენ.

2021 წლის 3 მაისის თემაა „ინფორმაცია საზოგადოებრივი სიკეთეა“. UNESCO-ს მთავარი თემის შესაბამისად ევროკავშირის საგარეო სამსახური აცხადებს კამპანიას სახელწოდებით ,,პრესის თავისუფლება გვიცავს – ჩვენც დავიცვათ ის“. ეს კამპანია მიზნად ისახავს ჟურნალისტების უზარმაზარი წვლილის აღიარებას COVID-19–ის პანდემიის შედეგებთან გამკლავების პროცესში“, - აცხადებენ ევროკავშირის წარმომადგენლობაში.





მსგავსი სიახლეები
ამოვიდა ყელში კოვიდიც, პოლიტიკაც, ქვეყანა, რომელსაც ამ შიდა თუ საგარეო საგიჟეთის დროს ძალუძს თეატრების გახსნა, მთლად დაღუპული არ უნდა იყოს - დავით ქართველიშვილი
დაღუპვის პირას მყოფი სარესტორნო სექტორისთვის ეს დახმარება საკმარისი არ არის - შოთა ბურჯანაძე
გორისა და ქუთაისის საზოგადოებრივ ტრანსპორტში მგზავრობის საფასურის გადახდა ბარათით იქნება შესაძლებელი
კორონავირუსის სტატისტიკა 14 მაისის მონაცემებით
#სპონსორიაკროკობეთი - 1 000 000 ქართული სპორტის მხარდასაჭერად!
დღეს თამარობაა
ბარბარე ერისთავი-ჯორჯაძის „სრული სამზარეულო“ არ არის მხოლოდ რეცეპტების ნაკრები, მასში იკითხება ეპოქის ისტორია, კულტურა და იდენტობა
წმინდა მიწაზე განვითარებული საომარი მოქმედებები უდიდესი განსაცდელია - სრულიად საქართველოს კათოლიკოს-პატრიარქი
შენ გაიხარე, გვეგოგანა თასი დავკარგეთ, თასის გარეშე თბილისში არ შეგვიშვებდნენო - როგორ დაიბრუნეს ვნუკოვოს აეროპორტში დაკარგული თასი დინამოელებმა
სემეკმა „საქართველოს სახელმწიფო ელექტროსისტემასა“ და „ენერგო პრო ჯორჯიაზე“ ახალი ლიცენზიები გასცა
თიბისი ბიზნეს კლუბის ვიდეოსერიები ქუთაიდან გრძელდება
40 წელი თბილისის "დინამოს" ისტორიული თამაშიდან
13 მაისის კოვიდსტატისტიკა
სოხუმის სახელმწიფო უნივერსიტეტში აფხაზეთის კონფლიქტის მშვიდობიანი მოგვარების გზების ძიებისადმი მიძღვნილი სამეცნიერო კონფერენცია გაიმართა
„ჰამასის“ სარაკეტო დარტყმის დროს დაჭრილი 6 წლის ბავშვი გარდაიცვალა
ქართველი ჯარისკაცები ისრაელის არმიაში
ტუღუშისდროინდელი და ლომჯარიასდროინდელი ომბუდსმენის ოფისი იყო და რჩება ძვირადღირებულ ნაცების კანტორად - დავით ქართველიშვილი
აცრის დაჯავშნის მსურველების მაღალი აქტიურობის გამო სისტემაში შეიქმნა ტექნიკური შეფერხება, რომელიც უმოკლეს დროში აღმოიფხვრება - დაავადებათა კონტროლის ცენტრი
მთავარია, რომ ადამიანმა იპოვოს მესია, აღიაროს იესო ქრისტე, როგორც მხსნელი - მეუფე შიო
პროექტისა და სამტომეულის „ტაო-კლარჯეთის ციხე -სიმაგრეები“ პრეზენტაცია