როგორ გადაარჩინა ჰერმან გერინგმა ებრაელი ოჯახები - სამხედრო დამნაშავის ცხოვრების დეტალები
სიმონ კილაძე: ჰერმან გერინგი (ჩემთვისაც უცნობი დეტალები):

ყველამ თუ არა, უმრავლესობამ მაინც იცის, ვინ იყო ჰერმან გერინგი - მესამე რეიხის (ფაშისტური გერმანიის) რეიხსმარშალი, რეიხსტაგის სპიკერი, ავიაციის რეიხსმინისტრი - ლიუფტვაფეს ხელმძღვანელი, პოლიციის მინისტრი და ა.შ. ახლახან ჰერმან გერინგის შესახებ რამდენიმე უცნობი ფაქტი გავიგე.
როგორც ისტორიკოსები და გერინგის ბიოგრაფები წერენ, გერმან გერინგის დედა ფრანცისკა დიასახლისი, მამა ერნსტი კი ცნობილი იურისტი და დიპლომატი იყო - კანცლერ ოტო ფონ ბისმარკის ახლო მეგობარი. მუშაობდა ჯერ გერმანიის კოლონიის - "სამხრეთ-დასავლეთ აფრიკის" (ნამიბიის) საიმპერიო კომისრად, შემდეგ კი გერმანიის გენერალურ კონსულად კუბაზე, ეგვიპტეში და სხვა ადგილებში. 
თვითონ ჰერმან გერინგმა (დაიბ. 1893 წელს) კი გერმანიის სამხედრო აკადემია დაამთავრა, მფრინავი გახდა და მას პირველ მსოფლიო ომში დიდი სახელი გაუვარდა, როგორც გაბედულ, პროფესიონალ ავიატორს. პირველი ცოლი კარინი მძიმე ავადმყოფობით გარდაეცვალა, მეორე ცოლმა ემა გერინგმა (ზონენმანმა), ყოფილმა მსახიობმა, მემკვიდრე გოგონა გვიან, 45 წლის ასაკში გააჩინა. ჰერმანს ცოლი ძალიან უყვარდა და ხშირად ასრულებდა მის სურვილებს. მაგალითად, მეუღლის თხოვნით, გერინგი დაეხმარა ებრაელ მსახიობებს და ისინი სიკვდილს გადაარჩინა, ასევე ძალიან უყვარდა და უარს ვერ ეუბნებოდა უმცროს ძმას - ალბერტ გერინგს, მტკიცე ანტიფაშისტს, თხოვნის შესრულებაზე მისი თანამოაზრე ებრაელების სიკვდილის ბანაკიდან გამოსახსნელად.
1944 წელს ალბერტი გესტაპომ დააპატიმრა, მაგრამ უფროსი ძმა ჩაერია და იგი გაათავისუფლეს: "ალბერტ, ძალიან მიყვარხარ, მაგრამ გირჩევ მოეშვა პოლიტიკას, მე ვეღარ გიშველი, ჩემი გავლენები უსაზღვრო არ არის', - სთხოვა ჰერმანმა უმცროს ძმას...
რასაკვირველია, ჰერმან გერინგმა იცოდა, რომ ასეთი ნაბიჯები დანაშაულად ითვლებოდა და ხშირად ამბობდა, ხოლმე, რომ ნათესავები მას დაღუპავენ, თუმცა მათ თხოვნაზე უარს ვერ ეუბნებოდა. სხვათა შორის, გერინგმა, ამჯერად უკვე საკუთარი ინიციატივით, სიკვდილისგან იხსნა ებრაელი რობერტ ბალინი ოჯახითურთ, რომელმაც იგი 1923 წლის ფაშისტური პუტჩის დროს მძიმედ დაჭრილი შეიფარა და უვლიდა. "პატივისცემა პატივისცემის წილ", - უთხრა მას გერინგმა შეხვედრისას.
მეორე მსოფლიო ომის მიწურულს ჰერმან გერინგსა და ადოლფ ჰიტლერს შორის მწვავე განხეთქილება მოხდა - რეიხფიურერმა მას, ბერლინის ჰაერსაწინააღმდეგო დაცვის არაორგანიზებულობის გამო, სახელმწიფოს ღალატი დააბრალა. ჰერმან გერინგი, მარტინ ბორმანის ბრძანებით, დაიჭირეს, ყველა წოდება ჩამოართვეს, პარტიიდანაც გარიცხეს. თუმცა ამერიკელებმა მიუსწრეს და საბოლოოდ, ოჯახითურთ, მათ ტყვედ ჩაბარდა.
ნიურბერგის სამხედრო ტრიბუნალმა ჰერმან გერინგს ჩამოხრჩობა მიუსაჯა, თუმცა კანონიერ დასჯამდე მან კალიუმის ციანიდით თავი მოიკლა. სხვათა შორის, დღემდე გაურკვეველია, ვინ გადასცა მას შხამი სპეციალურად დაცულ საკანში.
რაც შეეხება ჰერმან გერინგის ცოლ-შვილს:
ცოლს - ემას - ქონება ჩამოართვეს, ერთი წლით პატიმრობა მიუსაჯეს, ხუთი წლით კი თეატრის სცენაზე მსახიობობა აუკრძალეს. მოგვიანებით, 1960-იანი წლების ბოლოს, მან გამოსცა მემუარები სახელწოდებით "ჩემი ცხოვრება ჰერმანთან ერთად", გარდაიცვალა 1973 წელს მიუნჰენში.
ქალიშვილმა - ედა გერინგმა მიუნჰენის უნივერსიტეტი დაამთავრა, მამამისის პოლიტიკურ საქმიანობაზე არასდროს სიტყვა არ დაუძრავს, მაგრამ მას ვიწრო წრეში საუბრისას უდანაშაულოდ მიიჩნევდა და მზრუნველ ადამიანად თვლიდა. გარდაიცვალა 2018 წელს. აღსანიშნავია, რომ იგი, როგორც ჰერმან გერინგის შვილი, გერმანიის ფართო საზოგადოებამ მხოლოდ სიკვდილის შემდეგ გაიცნო.
https://zen.yandex.ru/.../kak-slojilas-sudba-emmi-gering...
მოკლედ, ჰერმან გერინგი სამხედრო დამნაშავე იყო, მან სიკვდილით დასჯა დაიმსახურა, მაგრამ ზოგჯერ დამნაშავის ცხოვრების დეტალებიც საინტერესოა. რას ვიზამთ, ცხოვრება რთული რამეა...




მსგავსი სიახლეები
„ჰამასის“ ლიდერი პალესტინელებს მასობრივი დემონსტრაციებისკენ მოუწოდებს
თურქეთში დასრულდა კალეკოის ჰესის მშენებლობა, რომლითაც დაახლოებით, მილიონი ადამიანი ისარგებლებს
ამიტომაა ისრაელი ძლიერი სახელმწიფო: პრემიერი ნეთანიაჰუ თავის შვილს ჯარში აცილებს, ჰოდა, როგორ ვიქნებით ჩვენ ისრაელის დონეზე?!
ისრაელის თავდაცვის ძალების განცხადებით, „ჰამასის“ სადაზვერვო ობიექტი დაბომბეს
საქართველო ცდილობს მიტოვებულ გზაზე მარტო არ დარჩეს - უცხოური პრესა
დაპირისპირება შესაძლოა რეგიონულ ომში გადაიზარდოს - ვახტანგ მაისაია პალესტინა-ისრაელის კონფლიქტზე
აშშ-ის დაავადებათა კონტროლისა და პრევენციის ცენტრმა „ფაიზერის“ ვაქცინის 12-15 წლის ასაკის ბავშვებში გამოყენებას მხარი დაუჭირა
ჯანმოს ხელმძღვანელი კორონავირუსის საწინააღმდეგო ვაქცინით აიცრა
„რესპუბლიკურმა“ პარტიამ დონალდ ტრამპის კრიტიკოსი კონგრესმენი ლიზ ჩეინი პარტიის ხელმძღვანელობას ჩამოაშორა
ისრაელში, როცა რაკეტებს საავადმყოფოს თავზე ისროდნენ, მედპერსონალმა ახალშობილები გამაგრებულ დერეფნებში გაიყვანეს და ხელში ეკავათ - ნიკო ბელიაშვილი
არ გახვიდეთ ქუჩაში, საჯარისო დანაყოფები გამოიყენებენ ყველაზე მკაცრ ზომებს - საქართველოს საელჩო ისრაელში
საერთაშორისო საზოგადოებამ ისრაელს ძლიერი და შემაკავებელი გაკვეთილი უნდა ჩაუტაროს - ერდოღანი
„დაუყოვნებლივ შეწყვიტეთ ცეცხლი! - გაერო-ს სპეციალური კოორდინატორი
როგორია 12 მაისის კოვიდსტატისტიკა საქართველოში
ისრაელის არმიის განცხადებით, ის ღაზას სექტორში ბომბავს იარაღის საცავებს
ვითარება არის მძიმე და არაპროგნოზირებადი, ჩვენი მოქალაქეების ნაწილი მაინც არ იკავებს თავს გარე პერიმეტრზე გასვლისგან! - საქართველოს საელჩო ისრაელში
მარჯნის რიფები გლობალური დათბობის გამო შესაძლოა გაქრეს
კორონავირუსის ინდურ შტამს სავარაუდოდ ანტისხეულები ვერ აჩერებს - ჯანმო
მთიანი ყარაბაღის კონფლიქტი მოგვარებულია - ილჰამ ალიევი
„ფრთხილი ჩახუტება“ დასაშვები ხდება - გაერთიანებულ სამეფოში შეზღუდვები მსუბუქდება