იურისტი თამთა მეგრელიშვილი სოციალურ ქსელში მეგის ქარდავას ექსტრადირებას ეხმიანება და იმ საქმეებს იხსენებს, რის გამოც ის გასამართლდა.მისი თქმით, ოპოზიცია მზად არის დააბრუნოს სისტემა, რომელიც მეგის ქარდავას მსგავს ჯალათებზე იდგა.
"დღეს ყველანი მეგის ქარდავა ვართ"!
ოპოზიციურ სპექტრს ამის ღია აღიარებაღა გაკლიათ, რადგან პოლიტიკურად ისე შეეზარდეთ "ნაციონალურ მოძრაობას", რომ მზად ხართ მათთან ერთად დააბრუნოთ სისტემა, რომელიც მეგის ქარდავას ნაერ ჯალათებზე დგას!
ნაციონალური მოძრაობის სახე - მეგის ქარდავა და მისი საქმენი საგმირონია:
"საქმე # ...
ნავთლუღის სპეცოპერაციის საქმეზე
(წამება, ესე იგი პირისათვის ისეთი პირობების შექმნა და ისეთი მოპყრობა, რომელიც თავისი ხასიათით, ინტენსივობით და ხანგრძლივობით იწვევს ძლიერ ფიზიკურ ტკივილს, ფსიქიკურ და მორალურ ტანჯვას და რომლის მიზანია ინფორმაციის, მტკიცებულების და აღიარების მიღება, ჩადენილი მოხელის მიერ, ორი ან მეტი პირის მიმართ, ჯგუფურად, დამნაშავისათვის წინასწარი შეცნობით თავისუფლებაშეზღუდული პირის მიმართ) სასჯელის სახედ და ზომად, საბოლოოდ განესაზღვრა თავისუფლების აღკვეთა 7 წლისა და 6 თვის ვადით).
საქმე # ...
ციხის ბუნტის საქმე - (სამსახურებრივი მდგომარეობის გამოყენებით, ჯგუფურად ორი ან მეტი თავისუფლებაშეზღუდული პირის დამცირება, არაადამიანურ, ღირსებისა და პატივის შემლახავ მდგომარეობაში ჩაყენება, რაც მათ ძლიერ ფიზიკურ, ფსიქიკურ ტკივილს და მორალურ ტანჯვას აყენებს) სასჯელის სახედ და ზომად, საბოლოოდ განესაზღვრა 3 წლით და 9 თვით თავისუფლების აღკვეთა.)
საქმე # ...
ბელა როგავას საქმე - (დამამცირებელი მოპყრობა, ჩადენილი მოხელის მიერ, სამსახურებრივი მდგომარეობის გამოყენებით, წინასწარი შეცნობით თავისუფლებაშეზღუდული პირის მიმართ) და სასჯელის სახედ და ზომად, საბოლოოდ განესაზღვრა 3 წლითა და 9 თვით თავისუფლების აღკვეთა).
საქმე # ...
სერგო თეთრაძის და გიორგი ჩიკვატიას საქმე
(სამსახურებრივი უფლებამოსილების გადამეტება); (ლონდარიძის და გორელაშვილის ეპიზოდები) (წამება ჩადენილი მოხელის მიერ, სამსახურებრივი მდგომარეობის გამოყენებით, ჯგუფურად, წინასწარი შეცნობით თავისუფლებაშეზღუდული პირის მიმართ); (ჩიკვატიას ეპიზოდი) (თავისუფლების უკანონო აღკვეთა ჩადენილი წინასწარი შეთანხმებით ჯგუფის მიერ) და სასჯელის სახედ და ზომად, საბოლოოდ განესაზღვრა 9 წლით თავისუფლების აღკვეთა).
საქმე # ...
კასრების საქმე - (წამება ჩადენილი მოხელის მიერ, ჯგუფურად, წინასწარი შეცნობით თავისუფლებაშეზღუდული პირის მიმართ), (დავით ძაძუას ეპიზოდი) (ჯგუფურად ჩადენილი სექსუალური ხასიათის ძალმომრეობითი მოქმედება)
(ზვიად არქანაის და დავით ძაძუას ეპიზოდები) (თავისუფლების უკანონო აღკვეთა, ჩადენილი წინასწარი შეთანხმებით ჯგუფის მიერ) და სასჯელის სახედ და ზომად, საბოლოოდ განესაზღვრა 9 წლით თავისუფლების აღკვეთა)."
არის მიმდინარე საქმეებიც,
ასე რომ, მეგის ქარდავას დაპირება, ჩამოვალ...
ასრულდა - ჩამოაბრძანეს.
გაუმართლა, რომ გარემონტებულ, სუფთა, დაცულ და უსაფრთხო ოთხკედელში მოუწევს ჯდომა.
ჯალათისთვის ზედმეტად კარგი ადგილია!!!
დღეს სერგო თეთრაძის დაბადების დღეა და სიმბოლურია...
სამართალი ყველას აკითხავს."-წერს თამთა მეგრელიშვილი.
მსგავსი სიახლეები