არ გვპატიობენ 17 მაისის ოჯახის სიწმინდის დღეს. არ გვპატიობენ პატრიარქად - მეუფე ზენონის არარჩევას, ხოლო ქორეპისოპოსად - დოროთე ყურაშვილის. არ გვპატიობენ ჩვენ სიმრავლეს და ტოტალურ უმრავლესობას ამ ღვთივკურთხეულ, მათთვის უცხო ქვეყანაში, - წერს "ხალხის ძალის" წევრი, დავით ქართველიშვილი, სოციალურ ქსელში.

მისი განცხადებით, ბოლო წლებში, საქართველოს მართლმადიდებელი ეკლესიის გარშემო არაერთი მწვავე დაპირისპირება განვითარდა, მაგრამ, დღეს რაც ჩაიდინეს საპატრიარქოს ეზოში მანქანით შევარდნითა და საქართველოს კათოლიკოს პატრიარქის მისამართით გამოთქმული შეურაცხყოფით, მსგავს ვანდალობას მაინც ვერ რისკავდნენ. ქართველიშვილი მიიჩნევს, რომ ქართულმა საზოგადოებამ, ლიბერალ-ფაშისტები "პოლიტიკურ პროზექტურაში" მოთავსების წინ იმდენად გაშმაგებულ მდგომარეობამდე მიიყვანა, რომ ვეღარ გაუძლეს.

"დედაეკლესიის მისამართით გინებით და პატრიარქ შიოს შეურაცხყოფით - შლაგბაუმისა და შესასვლვლელი კარების გარღევით საპატრიარქოს ეზოში მანქანით შემოვარდა ერთ-ერთი ადგილობრივი ლიბერალ-ფაშისტი.

ბოლო წლებში საქართველოს მართლმადიდებელი ეკლესიისა და საქართველოს საპატრიარქოს გარშემო არაერთი მწვავე დაპირისპირება განვითარდა - 2016 წელს ლგბტ აქტივისტების მხრიდან საპატრიარქოს შენობასთან პროვოკაციული აქციებისა და სიმბოლიკის დატანის მცდელობებიდან დაწყებული, 2021 წელს Tbilisi Pride-ის ირგვლივ გამწვავებული იდეოლოგიური კონფლიქტით დასრულებული, როდესაც ლიბერალური არასამთავრობო ორგანიზაციების, მედიისა და აქტივისტების ნაწილი ეკლესიას „შეუწყნარებლობაში" ადანაშაულებდა და მისი საზოგადოებრივ ცხოვრებაზე გავლენის შემცირებას მოითხოვდა.

მაგრამ, დღეს რაც ჩაიდინეს - მსგავს ვანდალობას მაინც ვერ რისკავდნენ. ეტყობა პოლიტიკურ პროზექტურაში მოთავსების წინ იმდენად გაშმაგებულ მდგომარეობამდე მიგვიყვანია ჩვენი მოთმინებით, პრაგმატიზმით და პოზიტიური მომავლის იმედით - რომ ვეღარ გაუძლეს. აქამდე საპატრიარქოს კუთვნილ შენობებზე ფართომასშტაბიანი ფიზიკური თავდასხმების ან შტურმის დადასტურებული ფაქტები არ დაფიქსირებულა - ასე რომ, ლიბერალურ ფაშისტურ ჯგუფებსა და ეკლესიას შორის საზოგადოებრივ-პოლიტიკური და საინფორმაციო დაპირისპირება დღეიდან ახალ, ყველაზე მწვავე ფაზაში გადავიდა," - წერს ქართველიშვილი.