საქართველო უკვე მეოთხედ მასპინძლობს „ტროას ნაკვალევს", აშშ-ის სპეციალური ოპერაციების ძალების ხელმძღვანელობით ევროპაში მიმდინარე ყველაზე მასშტაბურ სამხედრო სწავლებას, რომელიც გასულ კვირას გაიხსნა, - ამის შესახებ საქართველოში აშშ-ის საელჩო ავრცელებს ინფორმაციას.

როგორც საელჩო სოციალურ ქსელში წერს, ამ მრავალეროვნული სამხედრო სწავლების მიზანი პარტნიორ ქვეყნებთან თანამშრომლობის გაძლიერება, ნატო-სთან თავსებადობის განმტკიცება და რეგიონული უსაფრთხოების მხარდასაჭერად ერთობლივი მზადყოფნის გაუმჯობესებაა.

„2026 წლის სწავლებაში მონაწილეობს დაახლოებით 1 000 ამერიკელი სამხედრო მოსამსახურე და ნატო-ს მოკავშირე და პარტნიორი ქვეყნების 2 000 სამხედრო მოსამსახურე", - წერს აშშ-ის საელჩო.