ბრიტანეთის პრემიერ-მინისტრი კირ სტარმერი აცხადებს, რომ არ შეეგუება ჩრდილოეთ ირლანდიაში მიმდინარე ძალადობას და არეულობას.

სტარმერის თქმით, გასულ ღამით ქალაქ ბელფასტში განვითარებული სცენები შოკის მომგვრელი და სრულიად მიუღებელი იყო.

„ძალადობასა და არეულობას, რომელიც ჩვენს თემებს ემუქრება, არანაირი გამართლება არ აქვს, არც მათ, ვინც ამას ონლაინ თუ სხვაგან ახალისებდა. ნათელია, რომ გუშინ ღამით ადამიანები თავიანთი წარმომავლობის გამო იყვნენ სამიზნეები და მე ამას არ შევეგუები. პასუხისმგებელი პირები კანონის სრულ ძალას იგრძნობენ", - აღნიშნა კირ სტარმერმა.

ცნობისთვის, გასულ ღამით ბელფასტში მიგრაციის წინააღმდეგ მასშტაბური საპროტესტო აქცია გაიმართა, დემონსტრანტებმა ქუჩები გადაკეტეს და ავტობუსს ცეცხლი წაუკიდეს.