თურქეთის პრეზიდენტმა, რეჯეფ თაიფ ერდოღანმა განაცხადა, რომ ისრაელის ქმედებებს სირიასა და ლიბანში აქვს შედეგები, რომლებიც სხვა ქვეყნებზეც ახდენს გავლენას, მათ შორის თურქეთზეც.

ერდოღანმა აღნიშნა, რომ თურქეთის „უსაფრთხოება იწყება არა ჰათაიში [თურქეთის პროვინცია], არამედ ალეპოში, დამასკოსა და ბეირუთში", და დასძინა, რომ „ჩვენ არც ჩვენი ძმების ქვეყნებში შევეგუებით რაიმე სახის შემდგარ ფაქტებს და არც აგრესიაზე დავხუჭავთ თვალს".

ერდოღანმა ასევე განაცხადა, რომ ისრაელი ჩაფლულია „აღთქმული მიწის ილუზიაში" და აღნიშნა, რომ თურქეთმა „სრულად იცის მისი საბოლოო მიზანი".

მან გააფრთხილა საერთაშორისო საზოგადოება, რომ „თუ ისრაელის ბანდიტიზმი არ შეწყდება, ამის შედეგებს მთელი მსოფლიო, რეგიონთან ერთად, მოიმკის".