შეერთებული შტატები პეკინის ოლიმპიადას დიპლომატიურ ბოიკოტს უცხადებს

 

შეერთებულმა შტატებმა პეკინის ოლიმპიადას დიპლომატიური ბოიკოტი გამოუცხადა. ამის შესახებ თეთრი სახლის პრესმდივანმა ჯენ ფსაკიმ განაცხადა.


 

პრესმდივნის განცხადებით, ბოიკოტი უკავშირდება ჩინეთში ადამიანის უფლებების შემაშფოთებელ დარღვევებს. სწორედ ამ შეშფოთების გათვალისწინებით, პეკინის ოლიმპიადაზე შტატებიდან ოფიციალური დელეგაცია არ გაემგზავრება.

 


ამასთან, ფსაკის თქმით, ბოიკოტის მიუხედავად, ამერიკელი სპორტსმენები შეძლებენ ოლიმპიურ თამაშებში მონაწილეობას და მათ სრული მხარდაჭერა ექნებათ.

 

მისივე განცხადებით, დიპლომატიური ბოიკოტი მკაფიო მესიჯი უნდა იყოს პეკინისთვის, შეერთებული შტატები ადამიანის უფლებების დარღვევას არ შეეგუება.

 

"ბაიდენის ადმინისტრაცია არ გაგზავნის დიპლომატიურ ან ოფიციალურ წარმომადგენლობას პეკინის 2022 წლის ზამთრის ოლიმპიურ და პარალიმპიურ თამაშებზე, რაც ჩინეთის სახალხო რესპუბლიკის მიერ სინცზიანის პროვინციაში მიმდინარე გენოციდსა და კაცობრიობის წინააღმდეგ ჩადენილი დანაშაულებს უკავშირდება", - თქვა ფსაკიმ ორშაბათს გამართულ ბრიფინგზე.

 

ფსაკიმ ასევე თქვა, რომ თამაშების დიპლომატიური ბოიკოტი არ ნიშნავს "ამით დამთავრდება ის შეშფოთება, რომელსაც ჩვენ გამოვხატავთ ადამიანის უფლებების დარღვევებთან დაკავშირებით".

 

მანამდე, ჩინეთმა განაცხადა, რომ ბოიკოტის შემთხვევაში მიიღებს "მკაცრ კონტრზომებს".

 

პეკინის ოლიმპიადა 2022 წლის 4-20 თებერვალს არის დაგეგმილი.

 

შეერთებული შტატები და მისი მოკავშირეები ჩინეთს ადანაშაულებენ მუსლიმი უიღურების მიმართ იძულებით შრომასა და ადამიანის უფლებების სხვა დარღვევებში ჩინეთის სინცზიან-უიღურის რაიონში.

 

საერთაშორისო უფლებადამცველი ორგანიზაციები, ჩინეთს ბრალს დებენ ასევე სინცზიანის პროვინციაში მასობრივ დაკავებებსა და წამებაში. იუწყებიან, რომ ამ პროვინციაში ჩინეთმა შექმნა ე.წ. შრომითი ბანაკები, სადაც ასეულ ათასობით უიღურ მოქალაქეებს ამყოფებს.

 

უიღურთა მასობრივი შევიწროების გამო, წლის დასაწყისში ევროკავშირმა, შეერთებულმა შტატებმა, დიდმა ბრიტანეთმა და კანადამ ჩინეთის წინააღმდეგ კოორდინირებული სანქციები დააწესეს.

 





მსგავსი სიახლეები
22 იანვრის ასტროლოგიური პროგნოზი
რეკორდული მაჩვენებელი - კორონავირუსის 11 039 ახალი შემთხვევა დაფიქსირდა
"კოვიდის დიაგნოზი არ ნიშნავს, რომ აუცილებლად რაიმე წამალი უნდა მიიღოთ"- მაია ბუწაშვილი
ამერიკული კომპანია 2024 წლისთვის კოსმოსში კინოსტუდიის აშენებას გეგმავს
„ჩახერგილი ხიდი“ თუ ხელისუფლების უუნარობა?! - ვის ეკისრება დევნილთა პრობლემების მოგვარების პასუხისმგებლობა
„რომ შემეძლოს, აუცილებლად შევუერთდებოდი პატიოსანი მოქალაქეების აქციას კულტურის სამინისტროსთან" - სააკაშვილი
21 იანვარი ჩახუტების საერთაშორისო დღეა
"საქართველოში პოლიტიკური მართლმსაჯულება სამწუხარო რეალობაა" - “ადამიანის უფლებათა ცენტრის” ანგარიში
PSP 2021 წლის „ლიდერ“ ბრენდად დასახელდა
ფაქტები და მითები "ომიკრონის" შესახებ
ინფიცირების 8 767 ახალი შემთხვევა - კორონავირუსის სტატისტიკა საქართველოში
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
"თუ ამ კატეგორიას მიეკუთვნებით, ნუ დაელოდებით მდგომარეობის დამძიმებას" - რას გვირჩევს ექიმი აშშ-დან
"2021 წელს საქართველოდან განხორციელებული ექსპორტის მოცულობამ 4 242.3 მლნ. აშშ დოლარი შეადგინა"
"დღეიდან თბილისს განახლებული და მოწესრიგებული ევროპული ტიპის მიკროავტობუსები მოემსახურება" - კახა კალაძე
"ის იყო ხევის ბეთხოვენი" - 20 იანვარი ალექსანდრე ყაზბეგის დაბადების დღეა
24 საათში ვირუსით ინფიცირების 6 351 ახალი შემთხვევა გამოვლინდა - კოვიდ სტატისტიკა საქართველოში
დღეიდან, დედაქალაქში ეტაპობრივად ლურჯი მიკროავტობუსების 76 მარშრუტი ამოქმედდება
"ფინეთი უახლოეს მომავალში ნატოში გაწევრიანებას არ გეგმავს"- ფინეთის პრემიერ-მინისტრი
24 საათში მსოფლიოში კორონავირუსის 3 156 986 ახალი შემთხვევა დადასტურდა