თბილისსა და გონიოში საერთაშორისო ფინანსური ზონები შეიქმნება - დეტალები

 

ჩვენი სურვილია, შევქმნათ საქართვლოში სპეციალური საერთაშორისო ფინანსური ზონები. ჩვენი ვარაუდით, მათი შექმნა და განვითარება ხელს შეუწყობს ინვესტიციების მოზიდვას, ახალი სამუშაო ადგილების შექმნას, თანამედროვე ფინანსური, ტექნოლოგიური სიახლეების გაზიარებას და ქვეყნის რეგიონულ ფინანსურ ცენტრად ჩამოყალიბებას, - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე განაცხადა.

 

მთავრობის მეთაურმა ეკონომიკის მინისტრს დაავალა, შესაბამისი საკანონმდებლო ცვლილებების მომზადების პროცესს კოორდინაცია გაუწიოს.

 

„მოგეხსენებათ, რამდენიმე თვის წინ მე გავაჟღერე ინიციატივა, რომელიც ეხებოდა ქვეყანაში ფინანსური ცენტრების შექმნის იდეას. ამის თაობაზე, ჩვენ გავაფორმეთ კონტრაქტი მსოფლიოში ერთ-ერთ წამყვან კომპანიასთან, ფინანსურ ჯგუფთან - Rothschild & Co-თან და მივიღეთ გადაწყვეტილება. მინდა, ეკონომიკის მინისტრს დავავალო, გაუწიოს კოორდინაცია ამ პროცესს, მომზადდეს და წარედგინოს საქართველოს მთავრობას საკანონმდებლო ცვლილებების პაკეტი. საკითხი ეხება შემდეგ იდეას და ინიციატივას - ჩვენი სურვილია, შევქმნათ საქართვლოში სპეციალური საერთაშორისო ფინანსური ზონები. ჩვენი ვარაუდით, მათი შექმნა და განვითარება ხელს შეუწყობს ინვესტიციების მოზიდვას, ახალი სამუშაო ადგილების შექმნას, თანამედროვე ფინანსური, ტექნოლოგიური სიახლეების გაზიარებას და ქვეყნის რეგიონულ ფინანსურ ცენტრად ჩამოყალიბებას. ეს უდა იყოს ჩვენი საერთო საბოლოო მიზანი. გვაქვს ორი ფინანსური ცენტრის შექმნის იდეა - ერთი, რომ შეიქმნას თბილისის ფინანსური ცენტრი, რომელიც თბილისის ზღვასთან, სავარაუდოდ 110 ჰექტარ მიწის ფართობზე განთავსდება ჩვენი სურვილისამებრ და ქვეყნის და რეგიონის გამორჩეული საქმიანი ცენტრი გახდეს აღნიშნული ადგილი. ანალოგიური ცენტრის ჩამოყალიბება იგეგმება აჭარაში გონიოს ტერიტორიაზე. გონიოში ჩვენ უფრო მულტიფუნქციური ცენტრის შექმნას ვგეგმავთ. ამის თაობაზე ჩვენ დავიწყეთ აქტიურად მუშაობა და აქვე გვინდა, შევქმნათ ფინანსური ცენტრი. სპეციალური ფინანსური ზონები საერთაშორისო კომპანიებს შესთავაზებენ საერთო სამართლის პრინციპებზე დაფუძნებულ სამართლებრივ რეჟიმს, ასევე საუკეთესო საერთაშორისო პრაქტიკაზე დაფუძნებულ ლიბერალურ რეგულატორულ და ფისკალურ რეჟიმებს. რაც მთავარია, ფინანსურ ზონებში მოქმედი საერთაშორისო კომპანიების პერსონალის მნიშვნელოვანი ნაწილი საქართველოს მოქალაქეები იქნებიან, რაც მათ განსაკუთრებული პროფესიული და კარიერული განვითარების საშუალებას მისცემს", - განაცხადა პრემიერმა.

 

მთავრობის მეთაურის შეფასებით, მნიშვნელოვანია ისიც, რომ თბილისის და გონიოს ფინანსური ცენტრების შექმნაში მონაწილეობას მიიღებენ, მაღალი საერთაშორისო რეპუტაციის და გამოცდილების მქონე კომპანიები, როგორიც არის მთავრობის მრჩეველი კომპანია Rothschild-ი. კომპანიის დელეგაცია ქვეყანას ერთ კვირაში ეწვევა და დაიწყება აქტიური მუშაობა.

 

„ჩვენი გათვლებით, სპეციალური ფინანსური ზონების შექმნა მნიშვნელოვნად შეუწყობს ხელს საქართველოს, როგორც განვითარებული საფინანსო ინფრასტრუქტურის მქონე ქვეყნის პოპულარიზებას რეგიონსა და მსოფლიოში და საქართველო გახდება, ეს ჩვენი სურვილია, მიზანია, რეგიონული ფინანსური ცენტრი. ფინანსური ზონები ორიენტირებული იქნება ისეთ საერთაშორისო ფინანსურ კომპანიებზე, რომლებიც ოპერირებენ აქტივების მართვის, ფინტეკის, სასაქონლო ტრეიდინგის, კაპიტალის მართვის და სხვა დარგებში და საბოლოო ჯამში, რა თქმა უნდა, ჩვენი ვარაუდია, რომ აღნიშნული ფინანსური ცენტრების ამოქმედება მნიშვნელოვნად შეუწყობს ხელს კაპიტალის ბაზრის განვითარებას, რაც ჩვენი ქვეყნის ეკონომიკური პოლიტიკის ერთ-ერთი პრიორიტეტია", - აღნიშნა ირაკლი ღარიბაშვილმა.





მსგავსი სიახლეები
"მსხვილ კომპანიებს საწვავის ფასის შემცირების რესურსი ჰქონდათ" - ირაკლი ლექვინაძე
"დიდი თამაშები" და საქართველო (ნაწილი მეხუთე)
"მეტი კომუნიკაციაა საჭირო საწვავის როგორც საცალო გამყიდველებთან, ასევე - იმპორტიორებთან" - ლევან დავითაშვილი
"საერთაშორისო ვიზიტორების რაოდენობა წინა წელთან შედარებით 4.8-ჯერ არის გაზრდილი" - „საქსტატი“
რა უკუეფექტი ექნება საავტომობილო გადამზიდავისათვის ე.წ "პარკის" საფასურის 30 ლარიდან 80 ლარამდე გაზრდას
პროექტ 30 UNDER 30 -ის გამარჯვებულებს შორის 5 თიბისელია
რა საკითხები განიხილეს ეკონომიკური საბჭოს სამუშაო შეხვედრაზე?
"ქვეყანაში ფქვილის მარაგი გვაქვს, ხორბლის არა" - სოფლის მეურნეობის სამინისტრო
უცხოური ვალუტის ოფიციალური კურსი 14 მაისისთვის
თიბისის ციფრულ არხებში სამომხმარებლო სესხის აღება ფასდაკლებითაა შესაძლებელი
APPLE-მა მსოფლიოში ყველაზე ძვირადღირებული კომპანიის სტატუსი დაკარგა - BBC–ი
რა ბედი ელის ბორჯომს? - ყიდულობს თუ არა მას ქართველი ბიზნესმენი
"საქართველო ისტორიული აბრეშუმის გზის ფუნქციას იბრუნებს" - გიორგი ცუცქირიძე
უცხოური ვალუტის ოფიციალური კურსი 7 მაისისთვის
უცხოური ვალუტის ოფიციალური კურსი 6 მაისისთვის
თიბისი კაპიტალმა რეგიონში ობლიგაციების ბაზრის პირველი ინდექსი გამოსცა
1 აშშ დოლარის ოფიციალური ღირებულება 3.0384 ლარი გახდა
უცხოური ვალუტის ოფიციალური კურსი 4 მაისისთვის
თიბისის ბიზნეს მობაილბანკი საქართველოში საუკეთესოდ დასახელდა
აპრილში ინფლაციამ 12.8% შეადგინა