ბოდიშს ვუხდი საზოგადოებას ემოციური გამოსვლებისთვის, მათ შორის ოპონენტების მაგივრად - ღარიბაშვილი

საზოგადოებას ასეთი ემოციური გამოსვლებისთვის, მათ შორის თქვენ მაგივრად, ძვირფასო ოპონენტებო, ბოდიში მინდა, მოვუხადო, რადგან ამდენი მართლაც ურთიერთშეურაცხმყოფელი განცხადებების მოსმენა არ არის სასიამოვნო, მაგრამ სამწუხაროდ, რთულია, ასეთ უმსგავსო ქმედებებს, შეურაცხყოფებს და ეპითეტებს არ გამოეხმაურო, – ამის შესახებ საქართველოს პრემიერ-მინისტრმა, ირაკლი ღარიბაშვილმა პარლამენტის პლენარულ სხდომაზე განაცხადა, სადაც მთავრობის მუშაობის წლიური ანგარიში წარადგინა.


როგორც ირაკლი ღარიბაშვილმა აღნიშნა, პირველი რეკომენდაცია და დათქმა, რომელიც ევროკომისიამ ჩაწერა რეზოლუციაში, იყო პოლარიზაციის დასრულება, თუმცა ის, რაც დღეს დესტრუქციული ძალების მიერ მოხდა პარლამენტში, არის პოლარიზაციის გაღვივების მცდელობა.


„სამწუხაროდ, ჩვენი ოპონენტების უმეტესობა არ არის დარბაზში. ძალიან სამწუხარო ტრადიციაა მათგან, იციან დესტრუქციული კითხვების დასმა და მერე დარბაზის დატოვება. მე დღეს აქ მოვედი, რათა ანგარიში ჩავაბარო ჩვენს ხალხს, ჩვენ დეპუტატებს და არ მოვედი იმისთვის, რომ ამ უმსგავსო დისკუსიაში მიმეღო მონაწილეობა, რომელიც დაიწყეს დესტრუქციული ოპოზიციის წარმომადგენლებმა. პირველივე მათი შემოტევა და მათი შეურაცხმყოფელი განცხადებები გათვლილი იყო, რომ ეს დისკუსია არ შემდგარიყო და ხალხს არ მოესმინა ის რეალური მიღწევები, შედეგები, რომელიც ჩვენმა გუნდმა ბოლო 10 წლის განმავლობაში მოვუტანეთ ჩვენ ქვეყანას. აქვე მინდა აღვნიშნო, რომ საზოგადოებამ უნდა იცოდეს სიმართლე და მე, როგორც მთავრობის მეთაური, ვარ ვალდებული, რომ ჩვენ ხალხს ვუთხრათ სიმართლე. ასეთი ფორმატი რომ არ ყოფილიყო, უკეთესი იქნებოდა, მაგრამ ეს არის ის მწარე რეალობა, რომლის წინაშეც ჩვენ გვიწევს გამკლავება და ცხოვრება. სამწუხაროა ის ფაქტი, რომ პირველი რეკომენდაცია, პირველი დათქმა, რომელიც ევროკომისიამ ჩაგვიწერა, იყო პოლარიზაციის დასრულება. ის, რაც დღეს ვიხილეთ დესტრუქციული ძალის მხრიდან, არის პოლარიზაციის გაღვივების, გამძაფრების მცდელობა.


ჩვენ ადამიანები ვართ ყველა, გვიწევს ასეთ შეურაცხყოფაზე, უმსგავსობაზე რეაგირება. როდესაც ასეთი ზღვარგადასული შეურაცხყოფა მოდის ჩვენი ოპონენტების მხრიდან, შენ გიჩნდება სურვილი, რომ ამ ყველაფერს სიმართლე დაუპირისპირო. ხანდახან სიმართლე მძიმე მოსასმენია, მაგრამ მინდა, ერთ რამ ვთქვა, ჩვენ ჩვენი ქმედებით, საქმით უნდა ვაჩვენოთ, რეალურად ვის გვსურს ქვეყნის წინ წაწევა, განვითარება, გაძლიერება და ვის სურს ქვეყნის რეალურად განვითარების შეფერხება. ბოლო 9-10 წელია, ჩვენ ვისმენთ და ვართ მომსწრენი ამ დესტრუქციული ქმედებების. ცდილობენ, რამენაირად შეაფერხონ ქვეყნის განვითარება, ამ პირობებში ჩვენი შედეგები ხელშესახებია.


მინდა, კითხვა დავუსვა საზოგადოებას და ოპონენტებს, გამახსენეთ ერთი კონკრეტული ხელშესახები შედეგი, რომელიც ამ კონკრეტულმა ძალამ მოუტანა ქვეყანას ევროინტეგრაციის გზაზე. ვინმეს გახსენდებათ? მე მახსენდება შევარდნაძის დროს, როდესაც ევროპის საბჭოს წევრი გახდა საქართველო, მახსენდება როცა შევარდნაძის დროს გაკეთდა ოფიციალური განაცხადი ნატო-ში გაწევრიანების თაობაზე, მაგრამ მახსენდება ბევრი ანტიჰუმანური, ანტისახელმწიფოებრივი, ანტიევროპული ქმედებები, რომელსაც აღნიშნული ძალის წარმომადგენლები ყოველდღე ჩადიოდნენ ქართველი ხალხის და ჩვენი ქვეყნის წინააღმდეგ“, – განაცხადა ღარიბაშვილმა.






მსგავსი სიახლეები
"ასოცირების ხელშეკრულების ხელმოწერით ქვეყანას ევროკავშირის ჩარჩო პროგრამებში მონაწილეობის დამატებითი იმპულსი მიეცა"
"მოდაში შემოდის ბიძინას ლანძღვა, რაც ყველაზე მძიმე და ამაზრზენია"
,, ეს იგივეა, მსუბუქი ყოფაქცევის ქალბატონი მონოგამიაზე ლაპარაკობდეს"– გიორგი გამსახურდია
,,დღეიდან იცოდეთ როცა ტალახს ესვრით სხვას,თავად გრჩებათ ხელები ტალახიანი'' - ნინო ჯღარკავა
,,თუ ვინმეს რამე მართლა უნდა ევროპულ გზაზე პირველ პუნქტზე უნდა იზრუნოს პირველ რიგში'' - მამუკა მდინარაძე
,,ივანიშვილი საკუთარი გადაწყვეტილებით გავიდა პოლიტიკიდან და არცერთი ფაქტი არ არსებობს იმისა, რომ ის ჩაერია ან პოლიტიკაში, ან მედიაში'' - ირაკლი კობახიძე
"მართლა რომ მოგვცენ კანდიდატის სტატუსი, ოპოზიციას ბოლო ლურსმანი დაეჭედება"– ამირან სალუქვაძე
,, ვინც ბიძინა ივანიშვილს ფეხსაცმელს ულოკავდა და ფულს ემათხოვრებოდა, დღეს მისი ფულის დაყადაღებას ითხოვს'' - სანდრო ბრეგაძე
,,ჩემო „სამართლიანებო“! ბევრი იწვალეთ, როგორც ჩანს, ჩემი ინტერვიუს დამახინჯებაზე, რატომ გიკვირთ მერე, ინტერვიუს რომ არ გაძლევთ'' - მაია ბითაძე
ვისი აზრები “ემთხვევა” ერთმანეთს და ვინ შეიძლება იყოს აქციების მთავარი დირიჟორი?
"მზად ვართ, მივანიჭოთ კანდიდატის სტატუსი ბოსნიას და საქართველოს, როგორც კი რეფორმები შესრულდება" - შარლ მიშელი
,,საქართველოს სრულიად არასწორი მიმართულება აქვთ აღებული'' - ვიოლა ფონ კრამონი
,,მთავრობის გადადგომა და ეროვნული თანხმობის მთავრობა'' – ნიკა მელია
„G7-ის სამიტმა რუსეთს მეტი სანქციებით, უკრაინას კი მეტი შეიარაღებით უნდა უპასუხოს“ - დმიტრო კულება
,,ძალიან სწორი პოზიცია დაიჭირა საქართველომ,რომ არ აჰყვა ემოციებს'' - ზურაბ ქადაგიძე
,,ის რომ პუტინი ამბობს, რომ უკრაინის ევროკავშირში გაწევრიანებაც კი სულაც არ ადარდებს, ცხადია ჩნდება ეჭვი რის სანაცვლოდ?''- ლევან ნიკოლეიშვილი
„შესაძლოა, კანდიდატის სტატუსით სამუდამოდ მოსაცდელ ოთახში იყვნენ'' - ვიოლა ფონ კრამონი
„ზელენსკი ოლიგარქია? მილიარდ-ნახევარი აქვს ანგარიშზე ...“ - კახა კახიშვილის შეფასება
გიორგი ვაშაძე და სერგო ჩიხლაძე ბრიუსელში გაემგზავრნენ
,,არავინ აპირებს რევანშს, ულტიმატუმს და შურისძიებას''- პაატა მანჯგალაძე