ხარკოვში თავდასხმებს მშვიდობიანი მოქალაქეები ემსხვერპლნენ - ბოლო ცნობები უკრაინდიდან
ომის 119-ე დღე


ბოლო ცნობები უკრაინიდან

 

 

რუსეთმა უკრაინის ქალაქ ხარკოვის წინააღმდეგ, ბოლო დღეებში, ახალი სარაკეტო თავდასხმა დაიწყო.

 

უკრაინული მხარის ინფორმაციით, სამშაბათს და ოთხშაბათს ქვეყნის სიდიდით მეორე ქალაქში, რომელიც რუსეთის საზღვართან მდებარეობს, სულ მცირე 20 ადამიანი დაიღუპა.

 

უკრაინის პრეზიდენტის მრჩეველმა ოლექსი არესტოვიჩმა განაცხადა, რომ დარტყმების მიზანი ქალაქის „მოსახლეობის ტერორია“. მან ასევე ხაზი გაუსვა, რომ თავდასხმები არის რუსეთის მცდელობა, უკრაინა აიძულოს, ძალები დონბასის რეგიონიდან გაიყვანოს.

 

 

„იდეა არის, რომ შეიქმნას ერთი დიდი პრობლემა ჩვენი ყურადღების გადასატანად და გვაიძულოს, ჯარები სხვაგან გადავიყვანოთ. ვფიქრობ, ესკალაცია იქნება,“- აღნიშნა არესტოვიჩმა.

 

დნეპროპეტროვსკის გუბერნატორი, ვალენტინ რეზნიჩენკო კი,  რუსეთს ოლქში კასეტური საბრძოლო მასალის გამოყენებაში ადანაშაულებს.

 

„ღამე ისევ დაბომბვა. მტერმა ექვსჯერ დაარტყა კრივი რიჰის რაიონს, მზაკვრულად დაუმიზნა საცხოვრებელ უბნებს. ქალაქი ნაწილობრივ შუქისა და წყლის გარეშეა დარჩენილი. დაბომბვის შემდეგ ქუჩებსა და ეზოებში კასეტური საბრძოლო მასალები დარჩა,“- წერს გუბერნატორი „ტელეგრამზე“.

 

გუბერნატორი მოქალაქეებს სიფრთხილის გამოჩენისკენ მოუწოდებს. „არავითარ შემთხვევაში არ შეეხოთ საეჭვო ობიექტებს,“- წერს ვალენტინ რეზნიჩენკო.

 

რუსული ძალები კი, დონბასის რეგიონის ქალაქ ლისიჩანსკის სამხრეთის მისადგომებისკენ დიდი ალბათობით, 5 კილომეტრით დაწინაურდნენ, - ამის შესახებ დიდი ბრიტანეთის თავდაცვის სამინისტროს მიერ გავრცელებულ რუსეთ-უკრაინის ომის მორიგ სადაზვერვო ანგარიშშია აღნიშნული.

 

უწყების თქმით, რუსეთის მცდელობები, რომ დასავლეთ დონეცკის რეგიონი აიღოს, შეფერხებულია.

 

„19 ივნისიდან მოყოლებული, რუსული ძალები ქალაქ ლისიჩანსკის სამხრეთის მისადგომებისკენ დიდი ალბათობით, 5 კილომეტრით დაწინაურდნენ. ზოგიერთმა უკრაინულმა შენაერთმა, სავარაუდოდ ალყაში მოქცევისგან თავის არიდების მიზნით, უკან დაიხია. რუსეთის გაუმჯობესებული მაჩვენებლები ამ სექტორში სავარაუდოდ, დანაყოფების ბოლოდროინდელი გაძლიერებისა და ცეცხლის მასობრივი გახსნის შედეგია. რუსული ძალები ლისიჩანსკი-სევეროდონეცკის მონაკვეთს მზარდი ზეწოლის ქვეშ აყენებენ, თუმცა მათი მცდელობები, რომ დასავლეთ დონეცკის რეგიონის აღების მიზნით უფრო მძლავრი ალყა შემოარტყან, შეფერხებულია“, - ნათქვამია უწყების მიერ გავრცელებულ განცხადებაში.

 

 

 





მსგავსი სიახლეები
კიევში რამდენიმე აფეთქება მოხდა - ბოლო ცნობები ომის ეპიცენტრიდან
,,არსებობს გამოთქმა - „რევოლუციას ამზადებენ ფანატიკოსები, ახორციელებენ ავანტიურისტები და მისი შედეგებით ნაძირლები სარგებლობენ'' - გელა ნიკოლაიშვილი
რა შედეგით დასრულდა თსუ-ში სტუდენტების პროტესტი
ევროკავშირის ლიდერებმა, ხორვატიის ევროზონაში გაწევრიანებას მხარი დაუჭირეს
"რუსეთმა ომი უკვე წააგო" - ენტონი ბლინკენი
"ის ფუყე ლოდი, რომელსაც "ერთიანი ნაციონალური მოძრაობა" აწერია, უსწრაფესად დაიშლება" - გია გაბრიჭიძე
"ხარკოვის ოლქში კი „სასტიკი და ცინიკური საარტილერიო იერიშები“ ხორციელდება" - ბოლო ცნობები ცხელი წერტილიდან
რატომ არ გაიმართება ევროვიზია 2023 უკრაინაში -ევროპის მაუწყებელთა კავშირის განცხადება
"უკრაინა იმედგაცრუებულია ისრაელის მთავრობისგან მიღებული მატერიალური და დიპლომატიური მხარდაჭერით" - ზელენსკი
ევროპარლამენტმა უკრაინისა და მოლდოვისთვის კანდიდატის სტატუსის მინიჭებას მხარი დაუჭირა - უკრაინული მედია
"თქვენი ხელმძღვანელობით, სამომავლო პერსპექტივა დამაიმედებელია" - ლატვიის პრეზიდენტი სალომე ზურაბიშვილს
ხარკოვში თავდასხმებს მშვიდობიანი მოქალაქეები ემსხვერპლნენ - ბოლო ცნობები უკრაინდიდან
"ქვეყანაში არ იქნება ომი, არც მეორე ფრონტი, არც მესამე ფრონტი"- ირაკლი ღარიბაშვილი
"უკრაინა ევროპაში ერთ-ერთი ყველაზე კორუმპირებული ქვეყანაა, ის არ შეიძლება, შეუერთდეს ევროკავშირს"- ევროპარლამენტარი ტომ ვანდენდრიშე
"დავით ბაქრაძე დადიოდა და ემუდარებოდა ევროპელებს, რამენაირად ჩვენი მთავრობის დროს საქართველოსთვის უვიზო რეჟიმი არ მიეცათ"- ღარიბაშვილი
"მომავლის ფსიქიატრები შეისწავლიან: როგორ დაიწყო რუსეთმა" - მიხაილო პოდოლიაკი
1941 წლის 22 ივნისს გერმანია საბჭოთა კავშირს თავს დაესხა
ქალაქი ლისიჩანსკი ობომბება - ბოლო ცნობები უკრაინიდან
ომის დაწყებიდან დღემდე უკრაინამ 30 მილიარდი დოლარის დახმარება მიიღო
უკრაინის დამცველებმა მარინკას რაიონში შტურმი შეაჩერეს, მტერი სამარცხვინოდ გაიქცა - ბოლო ცნობები უკრაინიდან