"დუჟი, რომელსაც კობახიძე ახსენებს, თავად სდის" - ნიკა მელია ირაკლი კობახიძეზე

დუჟი, რომელსაც ის ახსენებს, თავად სდის და სდის ერთადერთი რამის გამო - არ დაუშვას დეპოლარიზაცია ამ ქვეყანაში, - ასე ეხმაურება „ნაციონალური მოძრაობის“ თავმჯდომარე ნიკა მელია მმართველი პარტიის თავმჯდომარის, ირაკლი კობახიძის შეფასებებს, „მთავარი არხის“ ჟურნალისტის მისამართით.

 

როგორც ნიკა მელია განმარტავს, სასიცოცხლოდ მნიშვნელოვანია კობახიძის და მისი მსგავსების - „კაგებეს“ ბინძური დირექტივების დღევანდელი შემსრულებლების ხელისუფლებიდან სასწრაფოდ ჩამოშორება“.

 

„დღეს გაირკვა სინამდვილეში რამ გააცოფა გუშინ კობახიძე. როგორც ვხედავთ, მას არც მამა აღელვებდა, არც მამული. დუჟი, რომელსაც ის ახსენებს, თავად სდის და სდის ერთადერთი რამის გამო - არ დაუშვას დეპოლარიზაცია ამ ქვეყანაში. უარესად გახლიჩოს და დააპირისპიროს საზოგადოება, რომ როგორმე საქართველო საბოლოოდ დააშოროს დასავლეთს, ამოაგდოს ისტორიის დინებიდან და რუსეთის იმპერიის რიყეზე საფართხალოდ გასწიროს.

 

დღეს აქტუალური არაა, რას აკეთებდა მამამისი თუ მამიდამისი, დღეს სასიცოცხლოდ მნიშვნელოვანია კობახიძის და მისი მსგავსების - კაგებეს ბინძური დირექტივების დღევანდელი შემსრულებლების ხელისუფლებიდან სასწრაფოდ ჩამოშორება, ვიდრე არ მოუსწრიათ და უფსკრულში არ გადავუჩეხივართ.

 

არახამიას, რომელმაც კობახიძის მამის მისამართით თქვა ის, რაც თქვა, მინდა ვუთხრა, რომ ამ გადასახედიდან ირაკლი კობახიძის მამა შვილთან შედარებით უმანკო კრავად გამოიყურება. „კაგებეს“ იშვიათად თუ ჰყოლია აქ ასეთი აღვირახსნილი და შუბლისძარღგაწყვეტილი ემისარი“, - წერს მელია სოციალურ ქსელში.

 

ინფორმაციისთვის, „ქართული ოცნების“ თავმჯდომარე ირაკლი კობახიძემ გუშინ „მთავარის“ ჟურნალისტ შეურაცხმყოფელი რეპლიკებით მიმართა. კობახიძის გაღიზიანება ჟურნალისტის მიერ, უკრაინის რადას ფრაქცია „ხალხის მსახურის“ თავმჯდომარის, დავით არახამიას განცხადების კონტექსტში დასმულ შემდეგ კითხვას მოჰყვა: „კაგებეს აგენტის შვილი არ ხართ, ბატონო ირაკლი?“.

 

„კაგებეშნიკი არის მამათქვენი, ეს შემიძლია გითხრათ... სირცხვილია, სახე დაკარგეთ... ნუ კანკალებ, სახე დაკარგე. შენც ხარ დავით არახამია, როგორც არახამია არ არის კაცი, ისე შენც არ ხარ ქალი. სახე დაკარგე, თავი დაკარგე, პოლიტიკა ამად გიღირს? სირცხვილია.... "ნაცმოძრაობის" გულისთვის სახე დაკარგე. ქალი აღარ ხარ რა... ქალის სახე დაკარგე... რომ ლაპარაკობ, პირი მოიწმინდე... სააკაშვილივით გაქვს პირი, დაემსგავსე ყველაფრით შენს ბელადს. სააკაშვილს ჰგავხარ პირითაც... სამარცხვინო შენ... გულისამრევია“, - მიმართა კობახიძემ „მთავარი არხის“ ჟურნალისტს.

 

უკრაინის რადას ფრაქცია "ხალხის მსახურის" თავმჯდომარე დავით არახამიამ "მთავარ არხთან" ინტერვიუში ირაკლი კობახიძეზე ისაუბრა. არახამიას თქმით, მან არ იცოდა ვინ იყო ირაკლი კობახიძე, თუმცა შემდეგ რაც "დაგუგლა" , აღმოაჩინა, რომ კობახიძის მამა “კაგებეშნიკია”.





მსგავსი სიახლეები
ფრანგული ჯარის მშრალი კვება N1 - ზურაბ კვანჭახაძის ვიდეობლოგი
"რჩეული" - გურამ წიბახაშვილი
ქართული ჯარის მშრალი ულუფა N6 - ზურაბ კვანჭახაძის ვიდეობლოგი
ვინ მოკლა ილია? - „არქივის უცნობი ისტორიები“
კრწანისის ბრძოლა - "ფრაგმენტები რუსუდან ძნელაძესთან" ერთად
აკაკი კვანტალიანი - „რეტრო ფრაგმენტები“
გივი ბერიკაშვილი - „რეტრო ფრაგმენტები“
"თიხა" - "ფრაგმენტები" რუსუდან ძნელაძესთან ერთად
თემურ წიკლაური - "რჩეული"
ჯამლეტ ხუხაშვილი - "რჩეული"
გოდერძი ჩოხელი - "რჩეული"
"ყველაზე მეტად მე მიყვარხარ" - დათი ქოქრაშვილის და მისი მეგობრების "შეხვედრა" - ვიდეო
"ყველაფერი უნდა გავაკეთოთ იმისთვის, რომ რუსეთი რეალურად დამარცხდეს" - ანა ფოტიგა
ნინო სუხიშვილი ლეგენდარული ანსამბლის შესახებ - „რჩეული“
ქართველი ჰალკი, ლევან საგინაშვილი, 20 წლის ასაკში დაწყებული სპორტული ცხოვრება - "რჩეული"
კრიზისულ მდგომარეობაში და ლაშქრობაში წასაღები საჭირო ნივთების ნაკრები - ზურაბ კვანჭახაძის ვიდეობლოგი
ნონა გაფრინდაშვილი - „რჩეული“
საქართველოში არსებული რეტრო თვითმფრინავები - ზურაბ კვანჭახაძის ვიდეობლოგი
ოთარ რამიშვილი - „რჩეული“
"დუჟი, რომელსაც კობახიძე ახსენებს, თავად სდის" - ნიკა მელია ირაკლი კობახიძეზე