"ჩემთვის საინტერესო არ არის ჩვენი ქვეყნისადმი მტრულად განწყობილი ადამიანების არასერიოზული და აბსურდული პოზიციები" - ანრი ოხანაშვილი

ჩემთვის საინტერესო არ არის ჩვენი ქვეყნისადმი მტრულად განწყობილი ადამიანების არასერიოზული და აბსურდული პოზიციები, - ასე პასუხობს იურიდიულ საკითხთა კომიტეტის თავმჯდომარე ანრი ოხანაშვილი უკრაინის პრეზიდენტის მრჩევლის, მიხაილო პოდოლიაკის განცხადებას.

 

ოხანაშვილი მიიჩნევს, რომ ასეთი განცხადებები ქვეყნის მიმართ მტრულია.

 

„ის ხალხი, ვინც ჩვენი ხალხის და ქვეყნის ინტერესების, ქვეყნის სუვერენიტეტის საწინააღმდეგო განცხადებებს აკეთებს, ვერ იქნება განხილული ჩვენი მხრიდან, როგორც ჩვენთვის სასურველი პირები. ეს ადამიანები აკეთებენ ჩვენი ქვეყნისადმი მტრულ განცხადებებს და ჩვენი ქვეყნის ინტერესები მათთვის არაფერს ნიშნავს. ჩემი აზრით, ასეთი განცხადებები მხოლოდ ამ კომენტარით უნდა შემოიფარგლოს,“ - განაცხადა ოხანაშვილმა.

 

კითხვაზე, რამდენად არის მოსალოდნელი, რომ უკრაინულმა მხარემ წარმოადგინოს მტკიცებულება, რითაც დადასტურდება, რომ საქართველო რუსეთს სანქციების გვერდის ავლაში ეხმარება, ოხანაშვილი აცხადებს, რომ შეკითხვას უკვე უპასუხა და მისი პასუხი ჟურნალისტებს შეუძლიათ მიიღონ პასუხად ან არ მიიღონ.

 

„მე გიპასუხეთ, თქვენ პასუხი არ გაინტერესებთ, პარტიული ტელევიზიები არ ხართ ორიენტირებული პასუხების მოსმენაზე“, - განაცხადა ოხანაშვილმა. მედიის წარმომადგენლის საპასუხო რეპლიკაზე, რომ ჟურნალისტებს აქვთ დამატებითი კითხვები და აქვთ უფლება ეს კითხვები დასვან, ოხანაშვილმა ჟურნალისტს მიმართა: „ხმას ნუ უწევთ, ტონი გაასწორეთ. ჩემგან პასუხი მოისმინეთ, თქვენ პასუხის მოსმენის ინტერესი არ გაქვთ, წინასწარ ჩამოყალიბებული აზრი გაქვთ. ფორმალურად სვამთ შეკითხვას და პასუხის მოსმენის და მიღების ინტერესი არ გაქვთ,“ - განაცხადა ოხანაშვილმა.

 

ცნობისათვის, უკრაინის პრეზიდენტის მრჩეველმა მიხაილო პოდოლიაკმა განაცხადა, რომ მოსკოვთან თანამშრომლობის სამხილები თუ საჭირო გახდება, წარდგენილი იქნება საგარეო საქმეთა სამინისტროს ხაზით. აღნიშნულით მან „ამერიკის ხმის“ ქართულ რედაქციასთან საქართველოს მთავრობის პოზიცია შეაფასა, კერძოდ, განცხადებები, რომ უკრაინას საქართველოს ომში ჩართვა სურს და რომ უკრაინის ხელისუფლებას არ წარმოუდგენია არანაირი დამადასტურებელი ფაქტი, თითქოს საქართველო მოსკოვთან თანამშრომლობს. „ჩვენ ყველაფერს ამას ვსწავლობთ და საჭირო თუ იქნება, იურიდიულ სამხილებს წარვადგენთ. ხვდებით, რომ არცერთ პირს, როცა მთელი ცივილიზებული სამყარო სანქციებს აწესებს, არ მისცემენ საშუალებას, ამაზე ფული გააკეთოს,“ - განაცხადა პოდოლიაკმა.





მსგავსი სიახლეები
რამდენად იყიდით დოლარს და ევროს დღეს? - ნახეთ უცხოური ვალუტის კურსი
1 აშშ დოლარის ოფიციალური ღირებულება 2.8372 ლარი გახდა
უცხოური ვალუტის ოფიციალური კურსი 23 სექტემბრისთვის
უცხოური ვალუტის ოფიციალური კურსი 22 სექტემბრისთვის
უცხოური ვალუტის ოფიციალური კურსი 21 სექტემბრისთვის
უახლოესი დღეების ამინდის პროგნოზი
საქართველოში ყურძნის იმპორტი რეკორდულ მაჩვენებელზეა
უცხოური ვალუტის ოფიციალური კურსი 20 სექტემბრისთვის
1 აშშ დოლარის ოფიციალური ღირებულება 2.8261 ლარი გახდა
"საქართველოს სატრანსპორტო დერეფანში უზბეკეთის ტვირთი თითქმის გაორმაგდა"- გურამ გურამიშვილი
1 აშშ დოლარის ოფიციალური ღირებულება 2.8301 ლარი გახდა
1 აშშ დოლარის ოფიციალური ღირებულება 2.8299 ლარი გახდა
"მზად ვართ, საქართველო გადაიქცეს რეგიონულ მონაცემთა გაცვლის ჰაბად" - ლევან დავითაშვილი
"დღეს შევუერთდით მსოფლიო ბანკის საერთაშორისო განვითარების ასოციაციას როგორც დონორი ქვეყანა"- ლევან დავითაშვილი
1 აშშ დოლარის ოფიციალური ღირებულება 2.8378 ლარი გახდა
"რომ არა ოპტიმალური ეკონომიკური პოლიტიკა, ორიენტირებული ბიზნესზე და ექსპორტ ჩანაცვლებად სტრატეგიაზე, შესაძლებელია დღეს, არა ორნიშნა ეკონომიკური ზრდა, არამედ ეკონომიკური ვარდნაც კი გვქონოდა"
2022 წელს რეალური ეკონომიკური ზრდის საპროგნოზო მაჩვენებელი 8,5%-მდე გაიზარდა - ფინანსთა მინისტრი
"ვერ დაინახო და არ აღიარო ეს მიღწევები უმადურობა და დაუნახავობაა" - ანდრია გვიდიანი
1 აშშ დოლარის ოფიციალური ღირებულება 2.8342 ლარი გახდა
"ეკონომიკის ყველა დარგი პირდაპირ არის დაკავშირებული ენერგეტიკის სფეროს წარმატებასთან" - ლევან დავითაშვილი