"ბიძინას ვამარცხებთ და კეზერაშვილი მოგვყავს ქართული პოლიტიკის რუხ კარდინალად? კიდევ ერთმა პოლიტიკოსმა დალია ჩემთვის ჩაილურის წყალი" - ასე ეხმაურება ჟურნალისტი ელისო კილაძე,  „დროას“ ლიდერის ელენე ხოშტარიას სოციალურ ქსელში  დაწერილ სტატუსს, სადაც ის აცხადებს, რომ კეზერაშვილთან პარტნიორობს.

კილაძე, კეზერაშვილის დაფინანსებასთან დაკავშირებით, "დროას" სხვა ლიდერებისგან პოზიციების დაფიქსირებას ელოდება.

"ჰაჰ, მოვიდა ვალის გადახდის დრო!
აფინანსებდა და ახლა საჯაროდ მოთხოვა დაცვა ამ ხალხს. ჯერ ხაბეიშვილი გამოვარდა კეზერაშვილის დასაცავად,
ახლა, ელენე ხოშტარიამ აღიარა რომ დავით კეზერაშვილთან პარტნიორობს და თურმე უკრაინელებსაც მისი ფულით ეხმარება.

ფულიც ალბათ,"მანდარინ პლაზაში" გახსნილი ქოლცენტრიდანაა, ევროპოლის მასალების მიხედვით, ამ ქოლცენტრს დავით თოდუა ხელმძღვანელობდა და 65 მილიონი ევრო აქვთ მოპარული ევროპელი პენსიონერებისთვის.

რატომ აქამდე არ ვიცოდით რომ ჰელენ ხოშტარიას კეზერა აფინანსებდა? (მე ვიცოდი, კულუარულად, მაგრამ თავად ხოშტარია დუმდა)

ბიძინას ვამარცხებთ და კეზერაშვილი მოგვყავს ქართული პოლიტიკის რუხ კარდინალად?
ეჰ, ჰელენ-კიდევ ერთმა პოლიტიკოსმა დალია ჩემთვის ჩაილურის წყალი.

კიევში ალბათ ეტყვიან სანქცირებულ რუსულ ნავთობზე, კეზერაშვილის ბიზნესპარტნიორ დავით იაკობაშვილზე და მოსალოდნელ სანქციებზე. ვწუხვარ! "დროას" სხვა ლიდერშიპის პოზიციას მოვისმენდი კეზერაშვილის დაფინანსებაზე," - წერს ელისო კილაძე.