ვინც დღეს სააკაშვილის სიკვდილს ხელს აწერთ, ერთი წუთით რომ წარმოიდგინოთ, რომ ხვალ მიშასთვის გამოტანილი განაჩენი თქვენს განაჩენად შეიძლება იქცეს, იქნებ თქვენც უფრო ბედნიერები ყოფილიყავით, - ამის შესახებ სოციალურ ქსელში ანალიტიკოსი ხათუნა ლაგაზიძე წერს. 

მისი თქმით, იქ სადაც პრეზიდენტებს ასე კლავენ, ხალხის სიცოცხლე ჩალის ფასადაც არ უღირს ხელისუფლებას.

"ან რატომ გგონიათ, თქვენს მიერვე ზომბირებული საზოგადოებიდან, ვინმე თქვენს დასაცავად შეიწუხებს თავს. საზოგადოების ზომბებად ქცეულ ნაწილს კი რა უხარია ნეტა: იქ სადაც პრეზიდენტებს ასე კლავენ, თქვენი სიცოცხლე ჩალის ფასადაც არ უღირს ხელისუფლებას. მესმის ვისაც “ნაციონალების” ხელისუფლებაში ყოფნის დროინდელი წარსული სტკივა, მაგრამ თქვენი წარსული ტკივილების გამო როგორ ჯოჯოხეთურ ქვეყანაში ცხოვრებისთვის ან ამ ქვეყანაზე სამუდამოდ უარის თქმისთვის რომ სწირავთ თქვენს შვილებს, სანამ გვიან არ არის, მიხვდებოდეთ ნეტავ," - წერს ხათუნა ლაგაზიძე.