"აშშ უკრაინას აფრთხილებს: მოგიწევთ ანგარიშის ჩაბარება“ - The Washington Post

„ამერიკელმა ჩინოვნიკებმა - გენერალურმა ინსპექტორებმა თავდაცვის სამინისტროდან, სახელმწიფო დეპარტამენტიდან და საერთაშორისო განვითარების სააგენტოდან, რომლებიც გასულ კვირას კიევს სტუმრობდნენ, გააფრთხილეს უკრაინელები, რომ მათ იმ ყველაფრის ხარჯვაზე ანგარიშის ჩაბარება მოუწევთ, რითაც მათ ვაშინგტონი ეხმარება“, - ნათქვამია „ვაშინგტონ პოსტში“ (The Washington Post) გამოქვეყნებულ სტატიაში სათაურით „აშშ უკრაინას აფრთხილებს:  მოგიწევთ ანგარიშის ჩაბარება“ (ავტორები - ოლივერ ნოქსი და ქეროლაინ ანდერსონი).

 

გთავაზობთ პუბლიკაციის შინაარსს:

 

უკრაინაში ვიზიტის დროს, რომელიც გასულ კვირას გაიმართა, აშშ-ის სამი უწყების გენერალური ინსპექტორები ერთობლივი განცხადებით გამოვიდნენ, რომლის დედააზრი ასეთია: „მზად იყავით ანგარიშის ჩასაბარებლად იმ ყველაფრისათვის, რასაც გაძლევთ. გააგრძელეთ  კორუფციასთან ბრძოლაც“.

 

სახელმწიფო დეპარტამენტის გენერალური ინსპექტორის დიანა შოუს თქმით, კიევში ყოფნის დროს მათ უკრაინის მთავრობას ასე მიმართეს: „ამერიკელი გადასახადის გადამხდელები თქვენგან ანგარიშის ჩაბარებას ელოდებიან და იმედი აქვთ, რომ ყველაფერი გამჭვირვალე და ობიექტური იქნება“. „ამ მიმართვის მნიშვნელობა ძალიან დიდია“, - ხაზს უსვამს დიანა შოუ და იქვე დასძენს, რომ „სამივე უწყების სურვილია უკრაინაში ყოველგვარი თაღლითობა, მფლანგველობა და კორუფცია აღმოიფხვრას“.

 

საერთაშორისო განვითარების სააგენტოს გენერალური ისპექტორის ნიკოლ ანგარელის განცხადებით, „ჩვენ უკრაინელებს ვაცნობეთ, რომ აშშ-სათვის ძალზე მნიშვნელოვანია დროულად მიიღოს ანგარიში და ღია იყოს წვდომა მთავრობის ინფორმაციებზე. რაც შეიძლება მეტად უნდა ჩატარდეს დამოუკიდებელი აუდიტები და გამოკვლევები“.

 

ამერიკული ფედერალური უწყებების გენსინსპექტორების ვიზიტი კიევში განხორციელდა იმ უკმაყოფილების ფონზე, რასაც აშშ-ის რესპუბლიკური პარტიის წარმომადგენლები გამოხატავენ უკრაინისადმი სულ უფრო მზარდი დახმარების გაწევის მიმართ. როგორც ცნობილია, კონგრესის წარმომადგენელთა პალატის სპიკერმა კევინ მაკარტიმ ჯო ბაიდენის ადმინისტრაცია და დემოკრატები ჯერ კიდევ შარშან გააფრტხილა, რომ რესპუბლიკური პარტია „უკრაინისათვის წინასწარ შეუვსებელ ჩეკებს აღარ გასცემს“. მხედველობაშია ის გარემოება, რომ უკრაინას ომის დაწყების პირველ ეტაპზე თვითონ შეეძლო დაესახელებინა იმ თანხის რაოდენობა, რაც მას ჭირდებოდა, ამერიკა კი უკან არ დაიხევდა და მისცემდა.

 

თუმცა დემოკრატიული პარტიაში თვლიან, რომ სანერვიულო და სადარდებელი არაფერი არ არის. სენატორ კრის კუნსის თქმით, მას სულაც არ ადარდებს ის შესაძლებლობა, რომ ამერიკული იარაღი უკრაინიდან შეიძლება „შავ ბაზარზე“ აღმოჩნდეს. სენატორის „არხეინად ყოფნის“ საფუძველი ისაა, რომ მას სჯერა: უკრაინელები ბოლომდე სარგებლობენ იმით, რასაც ამერიკა აძლევს და იარაღი „შავ ბაზარზე“ არ მოხვდება“.

 

„მე პირადად არაერთხელ ვუთხარი უკრაინელ ლიდერებს - იმოქმედეთ ისე, რომ ჩვენ შეშფოთების საფუძველი არ გვქონდეს, გააგრძელეთ გამჭვირვალე მუშაობა და ძალისხმევა იმ მიზნით, რომ ანგარიშგება მკაცრი და ობიექტური იყოს იმ ყველანაირი ამერიკული დახმარების შესახებ, რასაც ჩვენ უკრაინაში ვგზავნით“, - ამბობს სენატორი კრის კუნსი „ვაშინგტონ პოსტის“ ჟურნალისტთან საუბარში.

 

წყარო





მსგავსი სიახლეები
"ამ განცხადების უკან დგას კორუფციული პროცესები" - კობახიძე
მოსამართლეებისათვის სანქციების დაწესება არის ქართული სამართლებრივი სახელმწიფოს პირდაპირი შევიწროება - თამთა მეგრელიშვილი
“ქაჯ არარაობა ღარიბაშვილს რა ეგონა, შვილს პენსილვანიის უნივერსტეტში გაუშვებს სასწავლებლად?” – სამადაშვილ
,,თუ კოქტეილის სროლაზე სახელმწიფო რეაგირებას არ მოახდენს, მაშინ შემდეგ მიტინგზე ყველა ჩაიდებს ჯიბეში ერთ კოქტეილს“ - ირაკლი ჩავლეიშვილი
ამერიკის სახელმწიფო დეპარტამენტია თუ მეორე ხარისხოვანი ყვითელი პრესა, სანდო წყაროებზე დაყრდნობით რომ იღებს გადაწყვეტილებას?! - ანდრია გვიდიანი
“ამ სანქციებს ფასი არ ექნება” – თალაკვაძე
,,ეს არის პირდაპირ ომის გამოცხადება საქართველოს ხელისუფლებისა და მოსახლეობისადმი იმის გამო, რომ საქართველო არ ჩაება მიმდინარე ომში''- ედიშერ გვენეტაძე ბლინკენის განცხადებაზე
,,ველოდებით მოსამართლეების კორუმპირებულობის დამადასტურებელ მტკიცებულებებს, რათა მათი სანქცირება არ ჩაითვალოს პოლიტიკურ ანგარიშსწორებად''- ირაკლი გოგავა
,, 9 აპრილამდე, ნაცების მორიგ შეკრებამდე, თამაშდება მოკლევადიანი გეგმა” – დავით ქართველიშვილი
სრულდება ამ ჯოჯოხეთის მმართველობა, რასაც ჰქვია ვლადიმერ პუტინი - ჩარკვიანი მოსამართლეთა სანქცირებაზე
გადაწყვეტილება დაგვიანებული, თუმცა მისასალმებელია - ჯიმ რიში მოსამართლეების დასანქცირებაზე
"ეს არა მხოლოდ უსამართლობა და ცინიზმი, არამედ საქართველოს მძიმე შეურაცხყოფაა! გამორიცხეთ საქართველოს ცალ ფეხზე დგომა!''- დიმიტრი სამხარაძე
სანქცირებაში მოხვდებიან საპარლამენტო უმრავლესობის წევრები, მთავრობის წევრები, ივანიშვილი და მისი ოჯახი, გვექნება ვადამდელი - ნათელაშვილი
ეს არის საერთო გზავნილი, რომ მათ იმოქმედონ ჩვენი “დაუძინებელი მეგობრების” მითითებების შესაბამისად და არა სახელმწიფო ინტერესების გათვალისწინებით - ვატო შაქარიშვილი
,,ახლა დროა ივანიშვილი გამოვიდეს და აიღოს მისი პერსონალური პასუხისმგებლობა'' - გიორგი გახარია
,,ჩვენთან აქვთ დიდი გული ამ...'' - ხათუნა ხოფერია:
პირველად საქართველოს ისტორიაში კლანის 4 წევრი დასანქცირებულია, ეს არის ისტორიული გადაწყვეტილება - ხატია დეკანოიძე
შემდეგი უკვე ღარიბაშვილს აუხსნიან სად არის პენსილვანიის უნივერსიტეტი, სადაც მისი შვილი სწავლობს - ხუხაშვილი მოსამართლეების სანქცირებაზე
მათ უგულებელყვეს სასამართლო და საჯარო პროცესი, შებღალეს სასამართლოს უზენაესობა და დემოკრატიული პროცესი - დეგნანი მურუსიძე-ჩინჩალაძის დასანქცირებაზე
სამწუხაროა, რომ ჩემს გამო დისკომფორტი ექმნებათ ჩემი ოჯახის წევრებს - ლევან მურუსიძე სანქცირებაზე