რუსმა სამხედროებმა კრამატორსკზე იერიში კიდევ ერთხელ მიიტანეს. ამის შესახებ ინფორმაციას სოციალურ ქსელ „ფეისბუქში“ ქალაქის მერი ალექსანდ გონჩარენკო ავრცელებს.

„კვლავ დარტყმა კრამატორსკზე. ისხედით თავშესაფრებში“, - განაცხადა გონცარენკომ.

ცნობისთვის, რუსულმა ძალებმა წუხელ დონეცკის ოლქის ქალაქ კრამატორსკს „ისკანდერ-K“ ტიპის რაკეტებით დაარტყეს. შედეგად 3 მშვიდობიანი მოქალაქე დაიღუპა და 21 - დაშავდა.

უკრაინის პრეზიდენტი ვოლოდიმირ ზელენსკი კი, ევროკავშირის ლიდერებს მოუწოდებს რუსეთის ფედერაციის წინააღმდეგ ახალი სანქციების სწრაფად დააწესონ.

ამის შესახებ მან კიევში ევროკომისიის პრეზიდენტ ურსულა ფონ დერ ლაიენთან ერთობლივ ბრიფინგზე განაცხადა.

„ჩვენ განვიხილეთ ახალი სანქციები რუსეთის წინააღმდეგ, კერძოდ, ევროკავშირის სანქციების მეათე პაკეტი. ეს არის საერთო ევროპული ამოცანა, რათა შევამციროთ რუსეთის შესაძლებლობა სანქციებს გვერდი აუაროს. ახლა ჩვენ ვხედავთ, რომ ევროპის სანქციების ტემპები ოდნავ შენელდა და ტერორისტული სახელმწიფო, პირიქით, სანქციებთან ადაპტაციის ტემპს ზრდის“, - განაცხადა ზელენსკიმ.

უკრაინის თავდაცვის ძალებმა 2022 წლის 24 თებერვლიდან დღემდე, დაახლოებით, 129 030 რუსი ოკუპანტის ლიკვიდაცია მოახდინა, მათ შორის 610 ჯარისკაცი მხოლოდ ბოლო დღეს.

ამის შესახებ უკრაინის შეიარაღებული ძალების გენერალური შტაბის განცხადებაშია ნათქვამი.

გარდა ამისა, უკრაინელმა სამხედროებმა გაანადგურეს მტრის 3211 ტანკი, 6382 ჯავშანტექნიკა, 2212 საარტილერიო სისტემა, 458 MLRS, 222 საჰაერო თავდაცვის სისტემა, 293 თვითმფრინავი, 284 შვეულმფრენი, 1951 უპილოტო საფრენი აპარატი, 796 საკრუიზო რაკეტა, 18 გემი/ნავი, 5064 მანქანა და საწვავის სატვირთო მანქანა და 200 ცალი სპეცტექნიკა.