ნიკა გილაურის კანდიდატურის შემოგდება იმდენად საინტერესო არაა, შემომგდებმა გასცეს პასუხი, თუ საიდან მოიტანა, - ამის შესახებ სოციალურ ქსელში ექსპერტი ამირან სალუქვაძე წერს.

მისი თქმით, უფრო საინტერესოა ლევან ბეჟაშვილის განცხადება, რომ ნიკა გილაური ერთ-ერთ მდიდარ ბიზნეს ოჯახს წარმოადგენს.

"საინტერესოა რომელი მდიდარი ოჯახი იგულისხმა. მიკვირს ჟურნალისტების, რატომ არ ეკითხებიან?!

ნიკა გილაურის 2006 წლის დეკლარაციაში დაახლოებით 2,5 ათასი ლარი აქვს ანგარიშზე და 30 ათასი დოლარი საქ. ბანკის კრედიტი.

ღია წყაროებში იპოვით ინფორმაციებს, რომ მინისტრმა გილაურმა 2008 წლის ომის დროს, აგვისტოში, პრემიის სახით 9 ათასი ლარი (5 ათასი $), ხოლო დეკემბერში 17 ათასი ლარი (10 ათასი $). ესაა მათი მორალი. ქვეყანა ინგრეოდა, ხალხი იღუპებოდა, პრემიებს ირიგებდნენ, მიწებს იფორმებდნენ...

2008 წლის აგვისტოში მინისტრი პრემიას რომ გამოიწერს, იქ საუბარი დასრულებულია.

კიდევ ერთი საინტერესო თემა იყო 2013 წელს, გიორგი ჭობიშვილის განცხადება შევიდა პროკურატურაში, როგორ ახევდნენ ფულს 2012 წლის არჩევნების წინ ACDI/VOCA-ს ხელმძღვანელს, რომელიც გილაურსაც ეხება. არ ვიცი რა ქნა პროკურატურამ. ბევრი რამ ვერ/არ ქნეს...

მოკლედ, გილაურმა კი უარყო, თუმცა ლევან ბეჟაშვილმა მისი კანდიდატურა შესაძლებლად დაუშვა, ისე ისაუბრა მის ფინანსურ ინტერესებზე. კითხვა არ ებადებათ ცარიელი ჯიბეებით მოსულ ნაციონალებს მსხვილ ფინანსებზე რომ უჩნდებათ კონტროლი.

ნაცმოძრაობას სკივრში პოზიტიური კანდიდატები არ გააჩნია,"- წერს ამირან სალუქვაძე.