როგორ გადაარჩინა ჰერმან გერინგმა ებრაელი ოჯახები - სამხედრო დამნაშავის ცხოვრების დეტალები
სიმონ კილაძე: ჰერმან გერინგი (ჩემთვისაც უცნობი დეტალები):

ყველამ თუ არა, უმრავლესობამ მაინც იცის, ვინ იყო ჰერმან გერინგი - მესამე რეიხის (ფაშისტური გერმანიის) რეიხსმარშალი, რეიხსტაგის სპიკერი, ავიაციის რეიხსმინისტრი - ლიუფტვაფეს ხელმძღვანელი, პოლიციის მინისტრი და ა.შ. ახლახან ჰერმან გერინგის შესახებ რამდენიმე უცნობი ფაქტი გავიგე.
როგორც ისტორიკოსები და გერინგის ბიოგრაფები წერენ, გერმან გერინგის დედა ფრანცისკა დიასახლისი, მამა ერნსტი კი ცნობილი იურისტი და დიპლომატი იყო - კანცლერ ოტო ფონ ბისმარკის ახლო მეგობარი. მუშაობდა ჯერ გერმანიის კოლონიის - "სამხრეთ-დასავლეთ აფრიკის" (ნამიბიის) საიმპერიო კომისრად, შემდეგ კი გერმანიის გენერალურ კონსულად კუბაზე, ეგვიპტეში და სხვა ადგილებში. 
თვითონ ჰერმან გერინგმა (დაიბ. 1893 წელს) კი გერმანიის სამხედრო აკადემია დაამთავრა, მფრინავი გახდა და მას პირველ მსოფლიო ომში დიდი სახელი გაუვარდა, როგორც გაბედულ, პროფესიონალ ავიატორს. პირველი ცოლი კარინი მძიმე ავადმყოფობით გარდაეცვალა, მეორე ცოლმა ემა გერინგმა (ზონენმანმა), ყოფილმა მსახიობმა, მემკვიდრე გოგონა გვიან, 45 წლის ასაკში გააჩინა. ჰერმანს ცოლი ძალიან უყვარდა და ხშირად ასრულებდა მის სურვილებს. მაგალითად, მეუღლის თხოვნით, გერინგი დაეხმარა ებრაელ მსახიობებს და ისინი სიკვდილს გადაარჩინა, ასევე ძალიან უყვარდა და უარს ვერ ეუბნებოდა უმცროს ძმას - ალბერტ გერინგს, მტკიცე ანტიფაშისტს, თხოვნის შესრულებაზე მისი თანამოაზრე ებრაელების სიკვდილის ბანაკიდან გამოსახსნელად.
1944 წელს ალბერტი გესტაპომ დააპატიმრა, მაგრამ უფროსი ძმა ჩაერია და იგი გაათავისუფლეს: "ალბერტ, ძალიან მიყვარხარ, მაგრამ გირჩევ მოეშვა პოლიტიკას, მე ვეღარ გიშველი, ჩემი გავლენები უსაზღვრო არ არის', - სთხოვა ჰერმანმა უმცროს ძმას...
რასაკვირველია, ჰერმან გერინგმა იცოდა, რომ ასეთი ნაბიჯები დანაშაულად ითვლებოდა და ხშირად ამბობდა, ხოლმე, რომ ნათესავები მას დაღუპავენ, თუმცა მათ თხოვნაზე უარს ვერ ეუბნებოდა. სხვათა შორის, გერინგმა, ამჯერად უკვე საკუთარი ინიციატივით, სიკვდილისგან იხსნა ებრაელი რობერტ ბალინი ოჯახითურთ, რომელმაც იგი 1923 წლის ფაშისტური პუტჩის დროს მძიმედ დაჭრილი შეიფარა და უვლიდა. "პატივისცემა პატივისცემის წილ", - უთხრა მას გერინგმა შეხვედრისას.
მეორე მსოფლიო ომის მიწურულს ჰერმან გერინგსა და ადოლფ ჰიტლერს შორის მწვავე განხეთქილება მოხდა - რეიხფიურერმა მას, ბერლინის ჰაერსაწინააღმდეგო დაცვის არაორგანიზებულობის გამო, სახელმწიფოს ღალატი დააბრალა. ჰერმან გერინგი, მარტინ ბორმანის ბრძანებით, დაიჭირეს, ყველა წოდება ჩამოართვეს, პარტიიდანაც გარიცხეს. თუმცა ამერიკელებმა მიუსწრეს და საბოლოოდ, ოჯახითურთ, მათ ტყვედ ჩაბარდა.
ნიურბერგის სამხედრო ტრიბუნალმა ჰერმან გერინგს ჩამოხრჩობა მიუსაჯა, თუმცა კანონიერ დასჯამდე მან კალიუმის ციანიდით თავი მოიკლა. სხვათა შორის, დღემდე გაურკვეველია, ვინ გადასცა მას შხამი სპეციალურად დაცულ საკანში.
რაც შეეხება ჰერმან გერინგის ცოლ-შვილს:
ცოლს - ემას - ქონება ჩამოართვეს, ერთი წლით პატიმრობა მიუსაჯეს, ხუთი წლით კი თეატრის სცენაზე მსახიობობა აუკრძალეს. მოგვიანებით, 1960-იანი წლების ბოლოს, მან გამოსცა მემუარები სახელწოდებით "ჩემი ცხოვრება ჰერმანთან ერთად", გარდაიცვალა 1973 წელს მიუნჰენში.
ქალიშვილმა - ედა გერინგმა მიუნჰენის უნივერსიტეტი დაამთავრა, მამამისის პოლიტიკურ საქმიანობაზე არასდროს სიტყვა არ დაუძრავს, მაგრამ მას ვიწრო წრეში საუბრისას უდანაშაულოდ მიიჩნევდა და მზრუნველ ადამიანად თვლიდა. გარდაიცვალა 2018 წელს. აღსანიშნავია, რომ იგი, როგორც ჰერმან გერინგის შვილი, გერმანიის ფართო საზოგადოებამ მხოლოდ სიკვდილის შემდეგ გაიცნო.
https://zen.yandex.ru/.../kak-slojilas-sudba-emmi-gering...
მოკლედ, ჰერმან გერინგი სამხედრო დამნაშავე იყო, მან სიკვდილით დასჯა დაიმსახურა, მაგრამ ზოგჯერ დამნაშავის ცხოვრების დეტალებიც საინტერესოა. რას ვიზამთ, ცხოვრება რთული რამეა...




მსგავსი სიახლეები
ამაზე პასუხს ვინ აგებს? - უჩა ნანუაშვილი
ჯანმო COVID-19-ის ახალი შტამების გაჩენას პროგნოზირებს
მსოფლიოში კორონავირუსით დაინფიცირების შემთხვევები 6%-ით შემცირდა - ჯანმო
დღევანდელი ვაჭრობის შედეგად ლარი გამყარდა
თურქეთის გარეშე ნატო-ს გაუჭირდება - რეჯეფ თაიფ ერდოღანი
დიდი ხანია შეერთებულმა შტატებმა კანონებით ცხოვრება დაიწყო? - მარია ზახაროვა
ინდოეთში კორონავირუსის მორიგი მუტაცია აღმოაჩინეს
გლობალური მშვიდობის ინდექსით, საქართველო მსოფლიოს ქვეყნებს შორის 89-ე ადგილზეა
რადგან უკრაინამ საჰაერო სივრცე დაგვიხურა, ჩვენც სამაგიეროს გადავუხდით: მივიღეთ დადგენილება, უკრაინის თვითმფრინავებს ჩვენი სივრცით სარგებლობა აეკრძალოთ - ალექსანდრე ლუკაშენკო
მსოფლიოში ვაქცინების 2.55 მილიარდზე მეტი დოზა გამოიყენეს - Bloomberg
20 ივნისი მსოფლიოს ლტოლვილთა დღეა
წლის ბოლოს წამალიც გვექნება - გიორგი ფხაკაძე
აშშ-მა უკრაინისთვის განკუთვნილი 100 მილიონი დოლარის ოდენობის სამხედრო დახმარების გეგმა შეაჩერა
Google დაკარგული სმარტფონების საძიებო სისტემას აახლებს
რუსეთში ავიაკატასტროფას ცხრა ადამიანი ემსხვერპლა
დღეს მსოფლიო მამის დღეს აღნიშნავს
დედამიწის ენერგეტიკული დისბალანსი გაორმაგდა - NASA
დედამიწის მეხუთე ოკეანე ოფიციალურად აღიარეს
მსოფლიოში კორონავირუსით დაღუპულთა საერთო რაოდენობამ 4 მილიონს გადააჭარბა
ფარული გლობალური კრიზისი - გაერო-ში "შემდეგი პანდემია" დაასახელეს