ბელგიელმა ფერმერმა, ტრაქტორის გასავლელად, საფრანგეთთან საზღვარი შეცვალა - ბი-ბი-სი

ბრიტანული სამაუწყებლო კომპანია „ბი-ბი-სი“-ს რუსული სამსახურის («BBC russian») მიერ გამოქვეყნებულ მასალაში სათაურით „ბელგიელმა ფერმერმა, ტრაქტორის გასავლელად, საფრანგეთთან საზღვარი შეცვალა“, გადმოცემულია საკმაოდ სახალისო ინციდენტი, რომელიც ბელგია-საფრანგეთის საზღვარზე ამ დღეებში მოხდა.


„ბელგიაში სასოფლო-სამეურნეო მიწის მფლობელმა ფერმერმა გადაადგილა ერთ-ერთი ქვა, რომლითაც ორი მეზობელი სახელმწიფოს - საფრანგეთისა და ბელგიის სახელმწიფო საზღვრები იყო დემარკირებული (გამიჯნული). ერთ-ერთი ვერსიით, ქვა თურმე ტრაქტორს უშლიდა გავლას.


სასაზღვრო ატრიბუტი ფერმერმა საფრანგეთის ტერიტორიის სიღრმეში მხოლოდ 2,3 მეტრით გადაადგილა. დარღვეული საზღვარი კი ერთ-ერთმა ისტორიის მოყვარულმა შენიშნა, რომელიც იქვე ახლოს ტყეში სეირნობდა.


სულ მალე საზღვრის გადაწევის ფაქტი ყველასთვის ცნობილი გახდა, თუმცა საერთაშორისო სკანდალი არ მომხდარა - ორივე ქვეყნის პოლიტიკოსებმა ინციდენტს ღიმილით შეხედეს: „ჩვენმა ფერმერმა ბელგიის ტერიტორია გაადიდა და საფრანგეთის შეამცირა. ეს კარგი იდეაა“, - იხუმრა საფრანგეთთან მოსაზღვრე ბელგიის ერლეკინის კომუნის მერმა დევიდ ლავომ და დაამატა, რომ ადრე მსგავსი ინციდენტები მემამულეებს შორის დავასაც იწვევდა ხოლმე, რომ არაფერი ვთქვათ სახელმწიფოებზე.


საფრანგეთსა და ბელგიას შორის საზღვარი 620 კილომეტრის სიგრძისაა და ოფიციალურად არის განმტკიცებული 1820 წელს ხელმოწერილი შეთანხმებით - ვატერლოოს ბრძოლაში ნაპოლეონ ბონაპარტის დამარცხებიდან ხუთი წლის შემდეგ. თვითონ ქვა კი დაიდგა 1819 წელს, როცა საზღვრის დემარკაცია პირველად მოხდა.


„მიხარია, რომ ჩვენი კომუნა ერლეკინი უფრო დიდი გახდა, მაგრამ ჩვენი მეზობელი ფრანგი კოლეგა არ მეთანხმება“, - ხუმრობას აგრძელებს დევიდ ლავო.


„ვფიქრობ, რომ ჩვენ ომს თავიდან ავიცილებთ“, - ამბობს თავის მხრივ ორელი ველონეკი, ფრანგული ქალაქის ბუსინე სიურ-როკის მერი.


ბელგიის ადგილობრივი ხელისუფლების წარმომადგენლებმა ფერმერს სთხოვეს, რომ ქვა, რომელიც საფრანგეთის სიღრმეში გადასწია, ისევ ძველ ადგილზე დააბრუნოს. თუ ასე არ გააკეთებს, მაშინ ბელგიის საგარეო საქმეთა სამინისტრო იძულებული გახდება ფრანგულ-ბელგიური სადემარკაციო კომისია მოიწვიოს, რომლის სხდომა... 1930 წლის შემდეგ არ გამართულა.


თუ ფერმერი გაჯიუტდება და უარს იტყვის ქვის გადაწევაზე, მაშინ მის წინააღმდეგ შეიძლება სისხლის სამართლის საქმე აღიძრას. „ვფიქრობ, იგი ნებაყოფლობით დააბრუნებს ქვას თავის ძველ ადგილზე და ყველაფერი კარგად იქნება“, - განაცხადა ერლეკინის კომუნის მერმა ადგილობრივი მასმედიიის წარმომადგენლებთან შეხვედრისას.


წყარო: https://www.bbc.com/russian/news-56978983


მოამზადა - სიმონ კილაძემ

 

 

 

 

 

 





მსგავსი სიახლეები
გაიზიარებს თუ არა სომხეთი საქართველოს ბედს - უცხოური პრესა
ვინ არის იბრაჰიმ რაისი - რას წერს უცხოური პრესა ირანის პრეზიდენტზე
რას წერს დაძმობილებული ქალაქების - კახეთის თელავისა და ბადენ-ვიურტემბერგის ბიბერახის შესახებ უცხოური პრესა
ამიერკავკასია შეიძლება მეორე ბალტიისპირეთად იქცეს - უცხოური პრესა
ანტიდემოკრატიული „თაიგულის“ დროს რუსეთის პრეზიდენტი თავს მაინც ცხენზე ამხედრებულად გრძნობდა - უცხოური პრესა
რატომ დათანხმდა ვლადიმერ პუტინი ჯო ბაიდენის მიწვევას - რას წერს უცხოური პრესა
ეკოლოგიური კატასტროფა - რა ხდება მარმარილოს ზღვაში
"შესაძლოა, თურქეთის რესპუბლიკის 100 წლის იუბილე ერდოღანის დასასრულიც გახდეს"
ამ ქვეყანას „მედლის ორივე მხარე“ მიმზიდველი აქვს - რას წერს უცხოური პრესა საქართველოზე
"მოსკოვსა და ვაშინგტონს შორის რაიმე მნიშვნელოვანი გარღვევის მოლოდინი გულუბრყვილობა იქნებოდა" - უცხოური პრესა
რომელი ქვეყნებია ყველაზე მეტად ტურიზმზე დამოკიდებული
უახლოეს მომავალში საქართველო, სხვა პროდუქტებთან ერთად, ყატარს ხორცსაც მიაწვდის
რა ღირს ცხოვრება საქართველოსა და უკრაინაში - მსგავსება და განსხვავება
ჩინეთი ნატოსთვის: მუქარა თუ გამოწვევა?
ქართულ კულტურულ მემკვიდრეობას წმინდა მიწაზე საფრთხე ემუქრება - ლაშა ჟვანია
რატომ ჩაერთო თამაშში საქართველო, რომელსაც აქამდე არასოდეს გაუკეთებია განცხადება სომეხ ტყვეებზე
ვახტანგ კიკაბიძის სიყვარულის ისტორია და ბედნიერი ცხოვრების საიდუმლო
"ნიკოლ ფაშინიანთან ნორმალური ურთიერთობა საკუთარი ოჯახის წევრებსაც კი არ აქვთ" - უცხოური პრესა
ირანოლოგ ალექსანდრე ელერდაშვილის გარდაცვალების ფაქტს ირანული მედია ეხმაურება
ერევანი-ბათუმის მატარებლის მიმოსვლის განახლებას სომხური პრესა ეხმაურება