ძალიან მტკივა ეს ისტორია - გიორგი შაქარაშვილის გარდაცვალებიდან ერთი წელი გავიდა

19 წლის ფეხბურთელის, გიორგი შაქარაშვილის გარდაცვალებიდან ერთი წელი გავიდა. 

 

ფეხბურთელის და, ანი შაქარაშვილი სოციალურ ქსელში ჟურნალისტ სალომე ბოკუჩავას სტატუსს აზიარებს, რომელსაც უცვლელად გთავაზობთ:

 

"18 ივნისი შარშან ერთი ჩვეულებრივი დღე იყო, მხოლოდ 20-ში გაიგო მედიამ, რომ ვიღაც ფეხბურთელს ეძებდნენ მცხეთაში. ყველაფერი შაქარას მეგობრის პოსტით დაიწყო, 21-ში დილით შოთიკო და ბერძენამ მცხეთაში გამიშვეს. გზაში ვიყავი, შსს-მ განცხადება გაავრცელა წყლის დონე დავწიეთ, დრონებით ვმუშაობთ, 40-ზე მეტი მაშველი და მყვინთავია ადგილზეო. გზაშივე გავიგე რომ ჩხუბი იყო, მაგრამ არ ვიცოდი, რა და როგორ. 

 

პოლიციასთან მივედი, ნიკა ჯაჭვაძე და შაქარას მეზობელმა ჩხუბის ამბავი დამიდასტურეს, ასე დაიწყო დიდი ტრაგედიის დიდი ამბავი. მახსოვს თამუნა, დედამისი, რომელიც მანქანაში იჯდა მდუმარე, არ ვეკარებოდით, არც გვიკარებდა და ასე ჩუმად ელოდებოდა პასუხს. 

 

20-ში ღამე უკვე შოკირებული ვიყავი იმ ამბით, რომელოც სრულად არც ვიცოდი. როცა იპოვეს, პირველი ჩვენ გავიგეთ შაქარას ცხედრის პოვნის შესახებ, ტატომ უფრო სწორად და მე დამირეკა, მეგონა ცოცხალი იპოვეს და თურმე… ჩვენი კამერა მაშველებთან ერთად მივიდა შემთხვევის ადგილზე. ეს იყო ყველაზე მძიმე ჩართვა, ყველაზე მტკივნეული, ურთულესი. შემდეგ იყო ოჯახის და მეგობრების რეაქციები, დაკავებები, გამოძიება, საქმის მასალები და ადამიანური გრძნობები, ემოციები, ტკივილი, საშინელი სიზმრები, თეთრად გათენებული ღამეები, უმძიმესი ფოტო მასალები, კადრები, ჩანაწერები, ჩვენებები, ჩვენებები, რომლებიც ტვინიდან არ ამომდის. ეწერა, რომ შეეშინდათ, ეს სიტყვა "შიში" ხშირად მხვდებოდა და ყოველ ჯერზე ვტიროდი, როცა წარმოვიდგენდი რომ ეშინოდათ, ეშინოდა, ტკიოდა. ცხედრის პოვნის შემდეგ რთული იყო ცხედრის ფოტოების ნახვა, შემდეგ ამ ფოტოებით ჩართვაზე დადგომა. ერთია გაბლარული ფოტოს ჩვენება ეთერში და მეორეა, რაც ნახე შენ. რთული იყო მას შემდეგ ცხოვრებაც. ამ საქმეში ძალიან ბევრი კითხვა მაქვს დღემდე, სულ მჭამს კითხვები, სულ ვერსიებში ვარ, სულ პასუხების ძიებაში, ამავდროულად ბევრი ემოცია, ულევი და უსასრულო.

 

შაქარა ყოველთვის დარჩება ვარსკვლავივით ბიჭი, ყოველთვის განსაკუთრებული იქნება. ძალიან მტკივა ეს ისტორია, ეს საბედისწერო ღამე და დანგრეული, განადგურებული ოჯახი. ის ადამიანებიც მტკივა, რომლებიც არაფერ შუაში არიან და უბრალოდ სტუმრები იყვნენ.

 

დღეს ალბათ ისევ შეიკრიბებიან ანა გაბეჩავას მეგობრები, რომ მასთან ერთად შეხვდნენ კიდევ ერთ მის დაბადების დღეს, როცა გაბეჩავას დაბადების დღე დადგება ერთი წელი გავა გიორგი შაქარაშვილის გარდაცვალებიდან.

 

კიდევ ერთხელ ვუზიარებ თამუნას, ანას, ლევანს. ეს არის ტრაგედია თქვენიც, ჩვენიც, საზოგადების რომელსაც რაღაც შეგვეშალა, რაღაც ვერ გავთვალეთ, რაღაც ვერ გავაკეთეთ", - წერს სალომე ბოკუჩავა.

 

შეგახსენებთ, რომ გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს 2020 წლის 19 ივნისს მიმართა.

 

4-დღიანი უწყვეტი საძიებო სამუშაოების შემდეგ მყვინთავებმა გიორგი შაქარაშვილის ცხედარი, მდინარე არაგვში იპოვეს.





მსგავსი სიახლეები
,,ქართულმა ოცნებამ" აღარ უნდა დაუშვას ქვეყნის არევისა და დესტაბილიზაციის შემცველი რაიმე სახის შეთანხმება"
„აწმყო თუ არა გვწალობს, მომავალი ჩვენია?!“ - ისეთი საბედისწეროა, როგორც არასდროს!"
"კვლევები აჩვენებს, რომ დელტას ვარიანტი იწვევს უფრო მძიმე დაავადებებს არავაქცინირებულ ადამიანებში"
მასწავლებელი მოკლეს, რომელიც ქართველ ბავშვებს ასწავლიდა - ლადო აფხაზავა
ასეთ შემთხვევაში ქვეყანამ შეზღუდვები უნდა დააწესოს - ბიძინა კულუმბეგოვი
მთავრობის მიზანდასახულმა პოლიტიკამ ბიზნესისათვის პოზიტიური მოლოდინები შექმნა - გიორგი ცუცქირიძე
როგორ ავიცილოთ თავიდან მოგზაურობისას და კურორტზე ყოფნის დროს ინფექციური დაავადებები
რომელი ვაქცინაა ყველაზე ეფექტური? - ნანა გეგეჭკორი ვაქცინაციის თაობაზე ხშირად დასმულ კითხვებს პასუხობს
არის თუ არა „ოცნების“ ამ შეთანხმებიდან გასვლა დემარში დასავლელი პარტნიორების მიმართ?
კიდევ ერთი ინფორმაცია რატომ არის ვაქცინაცია სასიცოცხლოდ მნიშვნელოვანი - ზაზა წერეთელი
ურთულესი იყო მდგომარეობა - რას წერს ექიმი ოლიმპიური ჩემპიონის ტრავმაზე
"ოლიგარქის მთავარი ამოცანა, გარდა ხალხის გაბითურებისა, ოპოზიციური ველის დისკრედიტაცია და ნიჰილიზმის გაღვივებაა"
"იმედგაცრუებულები ვართ, რომ ჩვენი პარტნიორების მხრიდან ცალსახად არ იქნა შეფასებული ხელშეკრულების ძირითადი ჩამშლელის როლი"
"რიგგარეშე არჩევნების საკითხი საქართველოს კონსტიტუციით უნდა დარეგულირდეს და არა რაღაც გამოგონილი პროცენტებით"
"არ არსებობს შეთანხმება, არ არსებობს ვალდებულება" - ზურაბ ჯაფარიძე პარლამენტს ტოვებს
აქ კიდევ არაერთი ამბიციური პროექტი განხორციელდება - გია ვოლსკი
რა შემთხვევაში შეიძლება, ან არ შეიძლება ვაქცინაცია - ინფექციონისტის განმარტება 
რა უნდა გაკეთდეს იმისათვის, რომ ჟურნალისტებზე ძალადობა აღარ დავუშვათ - დავით ზარდიაშვილის ინიციატივა
გიორგი ფხაკაძე პანდემიის დამარცხების დროს ასახელებს
"ქვეყანამ უნდა იცოდეს ვის კარგავს ყოველდღიურად, მიდიან ადამიანები სახელებისა და გვარების გარეშე"