ვაშინგტონი მიიჩნევს, რომ საქართველო აშშ-სთვის ყველაზე ერთგული მოკავშირეა მთელს პოსტსაბჭოთა სივრცეში

რუსული გაზეთი „კომერსანტი“ («КоммерсантЪ») ყურადღებას უთმობს საქართველოში დაწყებულ მრავალეროვნულ სამხედრო წრთვნებს (კოდური სახელწოდება „Agile Spirit - 2021“) და აქვეყნებს სტატიას სათაურით „საქართველოს მთებს ნატოური ბინდი ჰფენია...“ (ავტორი - გიორგი დვალი).


როგორც სტატიაშია აღნიშნული, წრთვნები 26 ივლისიდან 6 აგვისტომდე გაგრძელდება და მასში ნატოს წევრი 12 ქვეყნის (აშშ-ის ჩათვლით) და არაწევრი 3 ქვეყნის (აზერბაიჯანი, საქართველო, უკრაინა) სამხედრო მოსამსახურეები მონაწილეობენ.


პუბლიკაციის მიხედვით, სამხედრო მანევრები ქვეყნის სამ პოლიგონზე ხორციელდება - სენაკში (სამეგრელო-ზემო სვანეთის მხარე), ორფოლოზე (სამცხე-ჯავახეთის მხარე) და ვაზიანში (თბილისის გარეუბანი). სულ წრთვნებში 2,55 ათასი სამხედრო მოსამსახურე მონაწილეობს, მათ შორის 1,6 ათასი ქართველი და 700 ამერიკელი. სხვათა შორის, საინტერესოა, რომ ამერიკული სამხედრო ტექნიკა საქართველოში საზღვაო გზით შემოიტანეს (ფოთის პორტში), ხოლო პირადი შემადგენლობა - ნიურნბერგიდან (გერმანია) თბილისში თვითმფრინავ Boeing 777-ების მეშვეობით იქნა გადმოსროლილი (ვაიზანის სამხედრო აეროდრომზე). უკრაინელი სამხედროებიც საქართველოში ზღვით შემოვიდნენ - სადესანტო ხომალდით „იური ოლეფირენკო“ და საპატრულო კატერით „სტარობელსკი“.


„თბილისში თვლიან, რომ ამ სამხედრო წრთვნების ჩატარების ფონი შემთხვევითი არ არის: ავღანეთიდან ნატოს მიერ ჯარების გამოყვანის მიუხედავად, აშშ-ის სარდლობა, ალიანსის წევრ სხვა ქვეყნებთან ერთად, საქართველოში მანევრების გამართვის ტრადიციას აგრძელებს. ვაშინგტონი მიიჩნევს, რომ საქართველო აშშ-სთვის ყველაზე თანმიმდევრულ  და ერთგულ მოკავშირეა მთელ პოსტსაბჭოთა სივრცეში. წინა წლებში მსგავსი წრთვნების ჩატარების აუცილებლობა ავღანეთის მისიაში ქართული ქვედანაყოფების მონაწილეობით იყო განპირობებული, სადაც ბოლო მომენტამდე 700 ქართველი სამხედრო მოსამსახურე (ჯარისკაცები და ოფიცრები) იმყოფებოდა კონტრაქტების საფუძველზე.


როგორც „კომერსანტს“ ქართული სამხედრო-ანალიტიკური ჟურნალის „არსენალის“ მთავარმა რედაქტორმა ირაკლი ალადაშვილმა უთხრა, „ამერიკის შეერთებულმა შტატებმა ავღანეთში ყოფნის დროს, 20 წლის განმავლობაში, კოლოსალური ენერგია და ფინანსები თითქმის ტყუილად დახარჯეს... იქ, ალბათ, ხელისუფლებაში ისევ თალიბები მოვლენ“. ამჟამად კი, ექსპერტის აზრით, ამერიკელებს, ნატოელ მოკავშირეებთან ერთად, „განზრახული აქვთ, რომ ძალებისა და საშუალებებების კონცენტრირება შავი ზღვის რეგიონში მოახდინონ“, სადაც „მნიშვნელოვნად გაძლიერდა რუსეთი, განსაკუთრებით ყირიმის გაკონტროლების შემდეგ“. ასე რომ, მსგავსი წრთვნები, როგორც „კომერსანტთან“ საუბრის დროს ირაკლი ალადაშვილმა აღნიშნა, [საქართველოსთვის] აშკარად ზედმეტი არ იქნება.


წყარო





მსგავსი სიახლეები
"პუტინის თვითიზოლაცია მხოლოდ მისი გარემოცვის კორონავირუსით დაავადებას არ უკავშირდება"- Frankfurter Rundschau
„პატარკაციშვილის შემთხვევა“ დღეს ტიპიური და მოდელური ხდება - რას წერს რუსული პრესა ბიზნესმენის სიკვდილზე
"ეს შეურაცხმყოფელი იყო" - ნონა გაფრინდაშვილი „ნეთფლიქსს“​ სასამართლოში უჩივის
"დმანისის მახლობლად უძველესი ჰომინიდების ახალ კერას მიაგნეს"- Euronews
მე არ მეძებოთ – მიპოვით მაინც! ჯოჯოხეთში გელოდებით! - სკანდალი შეიძლება მიხეილ სააკაშვილის დაბრუნების ხელშემწყობი აღმოჩნდეს
"ჩვენთან ფულით დაბრუნდით, იარაღის გარეშე“ - The Guardian
როგორ მტკიცდება რუსეთ-ბელარუსის კავშირები - The Economist
როგორ ებრძვის კაცობრიობა კორონავირუსს - გერმანული პრესა
"თბილისი მზადაა მიხეილ სააკაშვილის „ძალიან ლამაზად“ დასაპატიმრებლად" - უცხოური პრესა
ჩინელმა მსხვილმა ბიზნესმენებმა "ჭკუა ისწავლეს“ - რას წერს უცხოური პრესა
რა უნდა ვიცოდეთ გერმანიის კანცლერობის კანდიდატთა მეორე ტელედებატებზე
"საქართველო უკვე პროდასავლური ქვეყანაა, იოსებ სტალინის სახლი კი ისევ იქ დგას" - უცხოური პრესა
ახლა მშვენივრად ესმით, რომ ეს არის "გზა არსაით“ - სერგეი ლავროვი
დიდი ბრიტანეთისა და ჩინეთის მოლაპარაკებას ჩაშლის საფრთხე ემუქრება - The Daily Telegraph
შეძლებენ თუ არა თალიბები ავღანეთის მართვას - Deutsche Welle
„რუსეთი ჰაკერთა საერთაშორისო ჯგუფებზე გავლენას ახდენს, მაგრამ ვერ აკონტროლებს“ - The New York Times
ბრიტანელების მიერ გაწრთვნილი ავღანელები თალიბთა რიგებში იბრძვიან - The Times
სად იქნება კორონავირუსების გლობალური საცავი - ფრანგული გაზეთი საინტერესო ინფორმაციას ასაჯაროვებს
როგორ ცდილობს ნიკოლ ფაშინიანი სომხეთის ჩიხიდან გამოყვანას
რას წერს ბრიტანული გამოცემა შანაი ბრუკის მკვლელობაში ბრალდებულის დაკავების შესახებ