სააკაშვილი ცდილობს, რომ საქართველოს პოლიტიკური კრიზისის დროს ცეცხლზე ნავთი დაასხას - გაზეთი „მოსკოვსკი კომსომოლეცი“

რუსული პრესა, ტრადიციულად, ყურადღებას უთმობს საქართველოს ექს-პრეზიდენტის განცხადებებს, რომელიც ამჟამად უკრაინაში იმყოფება. გაზეთი „მოსკოვსკი კომსომოლეცი“ («Московский комсомолец») აქვეყნებს სტატიას სათაურით „უძღები ექს-პრეზიდენტის დაბრუნება? მიხეილ სააკაშვილი ქართველებს სიღარიბის დაძლევას დაპირდა“.

 

გთავაზობთ პუბლიკაციას მცირეოდენი შემოკლებით:

 

„როგორც ცნობილია, საქართველოს ექს-პრეზიდენტმა მიხეილ სააკაშვილმა განაცხადა, რომ სამშობლოში 2021 წლის შემოდგომაზე დაბრუნდება იმ მიზნით, რომ მშობლიურ ხალხს სიღარიბიდან თავის დაღწევაში დაეხმაროს. იგი დარწმუნებულია, რომ დაბრუნებას ხელს ვერაფერი შეუშლის. სხვათა შორის, ნიშანდობლივია ის, რომ მიმდინარე წლის შემოდგომით საქართველოში ადგილობრივი თვითმმართველობის ორგანოების არჩევნები უნდა გაიმართოს, რომლის შედეგად, როგორც ჩანს, მიხეილ სააკაშვილი ოპოზიციის, კერძოდ, თავისი პარტიის - „ერთიანი ნაციონალური მოძრაობის“ გამარჯვებას ელოდება.

 

რამდენად სერიოზულია ექს-პრეზიდენტის გეგმები?

 

„მოსკოვსკი კომსომოლეცმა“ სთხოვა ექსპერტ-პოლიტოლოგებს, რომ კომენტარი გაუკეთებინათ მიხეილ სააკაშვილის განცხადებაზე.

 

ვადიმ მუხანოვი, რუსეთის მეცნიერებათა აკადემიის საერთაშორისო პოლიტიკისა და ეკონომიკის ინსტიტუტის კავკასიის სექტორის წამყვანი მეცნიერ-თანამშრომელი:

 

„საქართველოს ექს-პრეზიდენტს ესმის, რომ მისი პერსონის მიმართ ინტერესი მცირდება და ამიტომ ცდილობს კვლავ დაიბრუნოს [ქართული] საზოგადოების ყურადღება. უფრო ადრე მიხეილ სააკაშვილმა თავის ქვეყანას საპარლამენტო არჩევნების შემდეგ სოციალურ-პოლიტიკური კატაკლიზმი უწინასწარმეტყველა, მაგრამ, როგორც ვხედავთ, კატაკლიზმი არ მომხდარა. უფრო მეტიც - კრიზისმა თვითონ ექს-პრეზიდენტის პარტია იმსხვერპლა, რომელიც თავის დროზე ცალკეულ ორგანიზაციებად გაიყო. ამჟამად ისინი თავიანთი პოლიტიკური ცხოვრებით ცხოვრობენ. მიხეილ სააკაშვილის გავლენა საქართველოში თანდათან კლებულობს.

 

მისი განცხადება სამშობლოში დაბრუნების თაობაზე უფრო განზრახვის დეკლარირებას ჰგავს. გავიხსენოთ, რომ მას მსგავსი რამ არაერთხელ უთქვამს, მაგრამ დაპირება არ შეუსრულებია. ამ დროს კაცს ერთი ქართული იგავი გაახსენდება - მწყემსი ბიჭისა და მგლების შესახებ, რომელმაც ბევრჯერ იცრუა, მგელი მოდისო და ბოლოს, როცა სიმართლე თქვა და მგლები მართლაც ცხვრის ფარას დაერივნენ, არავინ ყურადღება აღარ მიაქცია. სწორედ ასეა სააკაშვილის შემთხვევაშიც - მის განცხადებებს ეჩვევიან...

 

სხვათა შორის, ექს-პრეზიდენტის პოლიტიკური კაპიტალი ძირითადად საქართველოშია და თუ იგი იქ არ ჩავა, საბოლოოდ მიხეილ სააკაშვილი პოლიტიკურ ბანკროტად იქცევა. მაგრამ რას იზამს, როცა მისი დაბრუნება პრობლემატურია? იგი მხოლოდ იმ შემთხვევაში ჩავა სამშობლოში, თუ იქ მმართველი ელიტა შეიცვლება. ქვეყნის ყოფილმა ლიდერმა კარგად იცის, რომ საქართველოს დღევანდელი ხელისუფლება მას გარანტირებულად საპყრობილეში ჩასვამს“.

 

ვლადიმერ ნოვიკოვი, დსთ-ის ქვეყნების ინსტიტუტის კავკასიის განყოფილების ხელმძღვანელი:

 

„მიხეილ სააკაშვილი ცდილობს, რომ საქართველოს პოლიტიკური კრიზისის დროს ცეცხლზე ნავთი დაასხას. მას იმედი აქვს, რომ განცხადება სამშობლოში დაბრუნების თაობაზე ის დამატებითი ფაქტორი გახდება, რომელიც ხელს შეუწყობს ქვეყნის დესტაბილიზებას. კაცმა რომ თქვას, დღეს სიტუაცია საქართველოში არცთუ მთლად მშვიდია. ამას რამდენიმე მიზეზი განაპირობებს:

 

პირველი - შემოდგომაზე ადგილობრივი თვითმმართველობის ორგანოების არჩევნები უნდა ჩატარდეს. რამდენიმე თვის წინ ოპოზიციასა და ხელისუფლებას შორის, ევროკავშირის ჩარევით მიღწეული შეთანხმების მიხედვით, თუ მმართველი პარტია მასში ხმების 43%-ს ვერ მოაგროვებს, მაშინ  ვადამდელი საპარლამენტო არჩევნები გაიმართება (მთარგმნ. შენიშვნა: მმართველმა პარტიამ ორი დღის წინ შეთანხმების შესრულებაზე უარი განაცხადა), თანაც ქვეყნის პოლიტიკურ არენაზე უკვე გამოჩნდა ყოფილი პრემიერ-მინისტრის გიორგი გახარიას მიერ შექმნილი ახალი პარტია, რომელიც „ქართული ოცნების“ მდგომარეობას ართულებს.

 

მეორე მომენტი - საქართველოში კორონავირუსთან დაკავშირებით, საკმაოდ მძიმე სიტუაციაა შექმნილი, რაც ხელისუფლებას, ფაქტიურად, მოქმედების ორ ვარიანტს უტოვებს: ან ლოქდაუნი გამოაცხადოს, ან მოითმინოს. რა თქმა უნდა, ვერცერთ ვარიანტს კარგს ვერ უწოდებ.

 

ამის მიუხედავად, მიხეილ სააკაშვილი საეჭვოა, რომ საქართველოში დაბრუნდეს. ვფიქრობ, ეს ისევე ნათელია, როგორც ორჯერ ორი ოთხი“.

 

წყარო





მსგავსი სიახლეები
მინდა წარმატება ვუსურვო და მივულოცო ყველას, ვინც დღეს გახდა ვეტერანთა წარმომადგენელი - კობა კობალაძე
19 სექტემბერი წმინდა მთავარანგელოზ მიქაელის ხსენების დღეა
ამ ფაქტს ვგმობთ! - დაავადებათა კონტროლის ცენტრი განცხადებას ავრცელებს
ბოლო 24 საათში ქვეყანაში ვირუსით ინფიცირების 1 501 ახალი შემთხვევა გამოვლინდა
ვეტერანებისათვის 117-ე საქველმოქმედო-სამედიცინო აქცია თიანეთში ჩატარდა
მსოფლიოში კორონავირუსის საწინააღმდეგო ვაქცინების 5.85 მილიარდი დოზა გამოიყენეს-Bloomberg
სათნოების პროპაგანდისა და მანკიერების პრევენციის სამინისტრო ქალების სამინისტროს ნაცვლად
18 სექტემბერს მომხდარი მნიშვნელოვანი მოვლენები
თბილისის მერია იაკობ გოგებაშვილის საფლავის დაზიანებას უარყოფს
"მთავრობის მიერ მხარდაჭერილ პროექტებს პოზიტიური გავლენა აქვს ეკონომიკური აქტივობის ზრდასა და სამუშაო ადგილების შენარჩუნებაზე"
შშმ ვეტერანებმა სპეციალური სარეაბილიტაციო კურსი ჩეხეთში გაიარეს
ვეტერანებისათვის საქველმოქმედო-სამედიცინო აქცია თიანეთში ჩატარდება
ცესკო საკონსულტაციო ჯგუფის მიმართ მიზანმიმართულ დისკრედიტაციას ეხმიანება
ნათია იოსელიანი: ამომრჩეველთა ერთიანი სია ვერ გახდება ხელოვნური მანიპულაციების საკითხი
ცესკო ბოლო დროს გავრცელებულ რამდენიმე ინფორმაციას ეხმიანება, რითაც შესაძლოა საარჩევნო გარემო დაზიანდეს
"საკუთარი თავის თამაში ადვილია, საკუთარი მომავლის წინასწარმეტყველება კი ძნელი"- ფაქტები სესილია თაყაიშვილის ცხოვრებიდან
რა შემთხვევაში იქნება უსაფრთხო სწავლის დაწესებულებებში გაგრძელება
წელს განსაკუთრებით მნიშვნელოვანია გრიპის საწინააღმდეგო ვაქცინაცია - რას გვირჩევს აშშ-ში მოღვაწე ქართველი ექიმი
2 039 ინფიცირებული და 56 გარდაცვლილი - კორონავირუსის სტატისტიკა საქართველოში
კონკურსი „ქართული ა“ გამარჯვებული შრიფტების გაციფრულებას იწყებს