რა საკითხი უნდა დაგვისვან ისეთი, რომ მასში ჩვენი ყოფნა-არყოფნის საკითხი გავცვალოთ? ერთი საკითხი მაინც დააყენონ, რომელიც საქართველოს მხრიდან ვიზალიბერალიზაციის შესრულებას უშლის ხელს, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.

მაჭარაშვილის თქმით, „ქართული სახელმწიფო იმ პოზიციაზე დგას, რომ არ გააუქმებს არცერთ საკითხს, რომელიც იცავს ქართულ ტრადიციას, სუვერენიტეტს, მშვიდობას, ქართველი ხალხის განვითარებას, ეროვნულ იდენტობას.

„როგორც კანდიდატის სტატუსზე გვქონდა მოლოდინი, რომ არეულობას შეეცდებოდნენ, ასეთივე მოლოდინი გვაქვს ახლაც. თუ გვთხოვენ, რომ გავნადგურდეთ და აღარ იყოს აღარც ტრადიცია, აღარც სიმშვიდე და იყოს ომი, ქაოსი, რა საკითხი უნდა დაგვისვან ისეთი და რა ვიზა უნდა მოგვცენ, რომ ჩვენი ყოფნა-არყოფნის საკითხი გავცვალოთ, თან უსამართლოდ? ერთი საკითხი მაინც დააყენონ, რომელიც საქართველოს მხრიდან ვიზალიბერალიზაციის შესრულებას უშლის ხელს“, – განაცხადა გურამ მაჭარაშვილმა.