საქართველოს არჩევანი ევროპული გზაა, ქვეყანა ყურადღებით აკვირდება ევროკავშირში მიმდინარე პროცესებს და შიდა დაძაბულობას. "რუსთავი 2-თან" - ექსკლუზიურ ინტერვიუში, ამ თემაზე საუბრობს უნგრეთის საგარეო საქმეთა მინისტრი. ევროკავშირის წევრი სახელმწიფოს პირველი დიპლომატი ხაზს უსვამს იმ გამოწვევებს, რომლის წინაშეც დღეს ევროკავშირის წევრი ქვეყნების მთავრობები დგანან, ეროვნული ინტერესების დაცვის კუთხით.

როგორც უნგრეთის საგარეო საქმეთა მინისტრმა განაცხადა, ბრიუსელს არ მოსწონს, როდესაც ქვეყნები ეწინააღმდეგებიან მის მეინსტრიმს.

"ისინი, ვინც არიან კონსერვატორები, პატრიოტები, სუვერენისტები, ისინი ვინც ეწინააღმდეგებიან ბრიუსელის მეინსტრიმს, განიცდიან ჯოჯოხეთურ პოლიტიკურ თავდასხმას. უბრალოდ შეხედეთ თქვენს  მთავრობას. ვგულისხმობ საქართველოს მთავრობას - მასზე ბრიუსელის მხრიდან თავდასხმა არ ხდება რეალური საკითხების გამო. თქვენს მთავრობას თავს ესხმიან იმიტომ, რომ ის არის კონსერვატიული, პატრიოტული, მემარჯვენე და სუვერენისტული. ბრიუსელს ეს არ მოსწონს. ამასთან, ისინი წარმატებულები არიან. და იცით, როდესაც ანტი-მეინსტრიმული მთავრობა წარმატებულია, ბრიუსელს ეს არ მოსწონს. ეს არის მიზეზი, რის გამოც ჩვენც გვეხებიან," - განაცხადა პიტერ სიიარტომ.